Qazaqstan • 06 Qyrkúıek, 2019

Beıbit Atamqulov Chernogorııa men Zımbabveniń jańa elshilerin qabyldady

17 retkórsetildi

Qazaqstannyń Syrtqy ister mınıstri Beıbit Atamqulov Qasym-Jomart Toqaevqa senim gramotalaryn tapsyrǵan Qazaqstanda qosymsha mindetin atqaratyn Chernogorııanyń Elshisi Ramız Bashıch jáne Zımbabveniń Elshisi Maık Sangony qabyldady.  Bul týraly mınıstrliktiń baspasóz qyzmeti habarlady.

Kezdesý barysynda SIM basshysy suhbattastardy eldegi saıası jáne ekonomıkalyq ózgeristerimen, sondaı-aq Qazaqstannyń syrtqy saıasatynyń basymdyqtarymen tanystyrdy. Chernogorııa jáne Zımbabvemen saıası dıalogty damytýǵa, ekonomıkalyq, saýda jáne mádenı-gýmanıtarlyq baılanystardy jandandyrýǵa qyzyǵýshylyq bildirildi.

Chernogorııanyń Elshisi eki el arasynda túrli baǵyttardaǵy jyly jáne dostyq qarym-qatynastardy, sonyń ishinde týrızm salasyndaǵy yntymaqtastyqty damytý úshin bar kúshin salatynyn jetkizdi.

Taraptar shart-quqyqtyq bazany keńeıtý maqsatynda kelesi jyly saıası konsýltasııalardy ótkizýge kelisti.

R. Bashıch «Úlken Eýrazııa: Dıalog. Senim. Seriktestik» taqyrybyndaǵy Eýrazııa elderi parlamentteri tóraǵalarynyń IV keńesine (2019 jylǵy 23-24 qyrkúıek, Nur-Sultan q.) shaqyrý úshin alǵysyn bildirip, Chernogorııa Parlamentiniń Tóraǵasy Ivan Braıovıchtiń qatysýyn rastady.

Zımbabve Elshisimen kezdesý barysynda Zımbabveniń Prezıdenti Emmerson Mnangagvanyń aǵymdaǵy jylǵy qańtarda Nur-Sultan qalasyna alǵashqy resmı saparynyń qorytyndysy talqylandy. Zımbabve Prezıdentiniń sapary barysynda qol jetkizilgen ýaǵdalastyqtardy odan ári iske asyrý maqsatynda eki el arasyndaǵy yntymaqtastyqty odan ári jandandyrýǵa kelisti, atap aıtqanda saýda-ekonomıkalyq jáne ınvestısııalyq yntymaqtastyq.

Suhbat sońynda syrtqy saıası vedomstvonyń basshysy jańa elshilerge dıplomatııalyq mıssııanyń sátti bolýyna tilek bildirip, olardyń qyzmeti barysynda memleketter arasyndaǵy dostyq qarym-qatynastar damýdyń jańa deńgeıine shyǵady degen úmitin bildirdi.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar