Aımaqtar • 07 Qyrkúıek, 2019

Soltústik Qazaqstannyń Qyzyljar aýdanyna 43 otbasy kóship keledi

36 ret kórsetildi

Oblys ortalyǵymen irgeles qonǵan Qyzyljar aýdanyna bıyl  ońtústik óńirler men Nur-Sultan qalasynan  43 otbasy kóship kelýge nıet etken.

39 otbasyǵa jańa baspananyń kilti usynylyp, 10 aýylǵa ornyǵatyn bolady. Olarǵa úı  5 jylǵa jalǵa berilip, odan keıin jeke menshikke rásimdep alý quqyǵy qarastyrylǵan.

Arhan eldi mekeninde 3 úı turǵyzylyp, qurylysy  aıaqtalýǵa jaqyn.  Bólmeler keń. Jalpy aýmaǵy 113 sharshy metrdi quraıdy. «Omarova» JK-niń proraby Juldyz Kakashınniń aıtýyna qaraǵanda jumysqa jergilikti adamdar tartylyp, aýlany abattandyrýǵa kirisken.

«187 adam  Túrkistan, Jambyl, Qyzylorda, Almaty oblystarynan jáne Nur-Sultan qalasynan keledi. 4 otbasy ornalasty. Qurylys jumystaryna  14 seriktestik jumyldyrylǵan», deıdi aýdandyq jumyspen qamtý jáne áleýmettik baǵdarlamalar bóliminiń basshys Janar Aqylbekova.

Bul maqsat úshin qazynadan 273 mln teńge  bólingen. 11 úıdi satyp alýǵa konkýrs jarııalanyp, memleket menshigine ótkiziledi.

Otbasynyń ár múshesine  88 myń teńge mólsherinde birrettik ótemaqy tólenedi. Búginde aýdanda 134 bos jumys orny bar.

Kelesi jyly da osynsha otbasyǵa arnap baspanalar salynatyn bolady.

Soltústik Qazaqstan oblysy

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar