Aımaqtar • 07 Qyrkúıek, 2019

Qostanaıda qoǵam belsendileri Joldaýdy talqylady

46 ret kórsetildi

Qoǵam belsendileri Qazaqstan Respýblıkasynyń Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttaryn Qostanaı oblystyq polısııa departamentiniń jeke quramymen kezdesýde talqylady. Oǵan Qostanaı oblysy Qoǵamdyq keńesiniń múshesi, Qazaqstan Respýblıkasy Parlamenti Senatynyń birinshi shaqyrylym depýtaty, Qazaqstan Respýblıkasy Parlamenti Májilisiniń ekinshi shaqyrylym depýtaty, professor Sergeı Jalybın jáne A. Baıtursynov atyndaǵy QMÝ prorektorynyń mindetin atqarýshy, zań ǵylymdarynyń kandıdaty Álimjan Bekmaǵambetov qatysty.

«Joldaý kóptegen máselelerdi qamtıdy. Bul rette Elbasy saıasatymen sabaqtastyqty erekshe atap ótken jón. Buǵan buryn jarııalanǵan Bes ınstıtýsıonaldyq reformalar men Ult josparyn jáne «Nurly jol» baǵdarlamasymen baılanysty. Sonymen qatar, birinshi Joldaýda memlekettik qyzmet salasynda buryn kezdespegen jańa tásilderdiń kýási bolatyn birqatar ózgerister bar. Birinshiden, Prezıdent aldaǵy reformalar elimizdiń qoǵamdyq-saıası ómirin jańǵyrtýsyz múmkin emes ekenin atap ótti. Ekinshiden, halyq bıliktiń jumysyn derbes baǵalaıtyn bolady. Muny saýalnama ádisimen jasaý usynyldy. Eger halYqtyń 30 paıyzy ákimniń jumysy týraly jaǵymsyz aıtsa, onda bul arnaıy komıssııa qurý úshin sebep bolmaq. Úshinshiden, memlekettik organdardyń qyzmetine qoǵamdyq keńester men ulttyq qoǵamdyq senim keńesiniń róli kúsheıtiledi»  dedi Sergeı Jalybın.

Joldaýda jeke tulǵanyń quqyqtaryn qorǵaýdy kúsheıtý, sondaı-aq sybaılas jemqorlyqqa qarsy is-qımyl sharalaryn kúsheıtý qajettiligi aıtyldy. Bul jumystyń aıtarlyqtaı bóligi quqyq qorǵaý organdaryna júkteledi.

«Sybaılas jemqorlyqqa qarsy kúres Normatıvtik-quqyqtyq bazadaǵy ınstıtýsıonaldyq ózgeristersiz múmkin emes. Sondyqtan, Sergeı Mıhaılovıch Joldaýda buryn qoldanylyp júrgen, biraq odan keıin joıylǵan normatıvtik-quqyqtyq aktilerdiń sybaılas jemqorlyqqa qarsy saraptamasyn qalpyna keltirý jáne oǵan teris áser etý tetikterin belsendi paıdalaný qajettigi atap kórsetilgenin de aıtyp óti.  

Polısııa jumysyn baǵalaýdyń negizgi ólshemi – halyqtyń senimi bolýy tıis. Prezıdenttiń aıtýynsha, polısııa azamattarǵa olardyń qaýipsizdigin qamtamasyz etý úshin qyzmet kórsetetin organ bolmaq. Álimjan Bekmaǵambetov qoǵamdyq sanany jańǵyrtý genetıka, sandyq tehnologııalar salasynda kóptegen ǵylymı jańalyqtar bastaý alǵanyn atap ótti.

«Búginde zań shyǵarý osy úderisterge úlgerýi mańyzdy. Biz genetıka salasyndaǵy jasandy óndemeler, serpindi tehnologııalar týraly áńgime júrgizýdemiz. Bul baǵyttardy zańnamalyq retteý qajet» dedi Álimjan Bekmaǵambetov. Sonymen qaatr ol «Tyńdaýshy memleket» tujyrymdamasyn iske asyrý mańyzdylyǵyn atap ótti.

«Kóp jaǵdaıda eń ótkir máselelerdi sheshýge kómektesetin qoǵamdyq ınstıtýttar qurylǵan, onsyz memlekettiń odan ári damýy múmkin emes. Mysaly, polısııada qurylǵan konsýltatıvtik-keńesshi organdar óz tıimdiligin alǵash ret dáleldep otyr. Olardyń kómegimen qoǵam dıalog júrgizip, bıliktiń nazaryn máselelerge aýdarady» dep atap ótti Álimjan Baýyrjanuly.

Kezdesý sońynda polısııa qyzmetkerleri belgili zańgerlerge elimizdiń zańnamalyq órisin odan ári damytýǵa qatysty suraqtar qoıdy. Polısııa departamentinde jergilikti jerlerdegi quqyq qorǵaý organdary reformasynyń barysyn túsindiretin arnaıy top qurylǵanyn atap ótý qajet. Basqosýda aldaǵy jyldary qoǵamdaǵy polısııa beınesi múldem basqasha bolatyny aıtyldy.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar