Aımaqtar • 09 Qyrkúıek, 2019

Jarqyn jetistikter jalǵasady

35 retkórsetildi

Nur Otan partııasy oblystyq fılıaly saıası uıymnyń stra­te­gııalyq is-qımyl josparlary men memlekettik baǵ­dar­lamalardyń oıdaǵydaı oryndalýyna óz úlesin qosyp keledi.

40 myńǵa jýyq sol­tús­tik­qa­zaqstandyq 15 aýmaqtyq, 355 bastaýysh uıymǵa birigip, yq­pal­dy saıası kúshke aınalǵan. Onyń músheleri Elbasy belgilep ber­gen mindetterdi, partııanyń saı­laýaldy baǵdarlamalaryn bas­shylyqqa ala otyryp, erik-jiger­lerin halyqtyń áleýetin kó­terý, el ıgiligin arttyrý jolyna jumyldyrǵan. Res­pýb­lıka jurtshylyǵynyń úlken qol­da­ýyna ıe partııa qana­tynyń astynda jarqyn ister­diń jarshysy bolýdy, rýhanı qun­­dylyqtardy nasıhattaýdy, laıyqty izba­sar­­laryn daıyndaýdy qashanda izgi murat sanaıdy. Búginde olar aralaspaıtyn sala joq dese de bolady. Kópshilikti tol­ǵandyratyn máseleler boıyn­sha atqarylyp jatqan naqty qa­damdar men buqa­ralyq is-sha­ralar qoldaýǵa tu­r­arlyq. Bul oraıda saıası keńes erekshe bel­sen­dilik tanytyp, aıtýly ról atqaryp otyr. Onyń kezekti oty­rysy «Senim. Dıalog. Bola­shaqqa nyq qadam» degen taqy­rypqa arnalyp, partııa Tóra­ǵa­sy Nursultan Nazarbaev tap­syr­malarynyń oryndalý barysy jan-jaqty áńgimelendi.

Oblys ákiminiń orynbasary Asqar Saqypkereev óńirdiń áleý­­mettik-ekonomıkalyq damýy týraly esep berdi. О́tken jyl­ǵa qaraǵanda jalaqy mól­she­­ri 13 paıyzǵa kóbeıip, ortasha kórsetkish 121 myń teńgeni qu­raǵan. Barlyq deńgeıdegi 800 shaqyrym joldy jóndeýge 37 mlrd teńge qarastyrylǵan. Mu­nyń ózi 133 eldi mekende turatyn 95 myńǵa jýyq tur­ǵynnyń qatynasyn jaqsartýǵa múm­kindik bermek. Jyl basynan beri 18 myń adam ju­mys­qa ornalasqan. Aýyl sharýa­shy­ly­ǵynyń jalpy ónim kólemi 94 mlrd teńgege jetken. Sońǵy úsh jylda agroónerkásip sala­sy­na 200 mlrd teńge ınvestısııa tartylǵan. 23 mlrd teńgege bir myńnan astam tehnıka áke­lin­gen.

Árıne sıfrlar qýantarlyq, kó­­ńilge jyly áser beredi. Bi­raq budan bári jaqsy degen oı týmasa kerek. Saıa­sı keńes otyrysyna tóra­ǵa­lyq et­ken fılıal tó­ra­ǵa­sy, aı­maq bas­shysy Qumar Aqsa­qa­lov kez kelgen mańyzdy sheshim­der­diń qabyldanýyna nur­otan­dyq­tardyń bastamashy bolyp, belsendilikpen atsaly­syp kele jatqanyn ataı kelip, partııanyń saılaýaldy baǵ­dar­la­masynyń oryndalý barysyna keńi­nen toqtaldy.

Nursultan Ábishuly Nur Otan tolaǵaı tabystyń, bolashaqqa jarqyn jol ashatyn jarqyn jetistikter partııasy ekenin talaı ret málimdedi. Biz tatýlyq pen tynyshtyq, bereke men birlik syndy ustanymymyzdan eshqashan aınymaımyz. Sonymen qatar azamattar men memleket arasyn jalǵastyratyn qýat­ty saıası býyn retinde jetek­shilik rólimizdi odan ári kúsheı­te túsýge tıispiz. Bul oraıda ha­lyqpen keri baılanys orna­tý­dyń mańyzy zor. Sonda ǵana adam­dardyń kúndelikti muń-muq­tajdary, qordalanǵan problemalary tezirek sheshiledi. Qoǵamdyq qabyldaý, partııalyq baqylaý sekildi baılanystyń túrli formalary arqyly yqpal etýdiń biregeı ádis-tásilderin jetildirý kerek. Partııanyń ju­my­syn jańǵyrtý – áleýmettik mańyzǵa ıe qoǵamdyq-saıası máselelerdi sheshýdiń ońtaıly joldaryn qarastyrý degen sóz. Qazaqstannyń Tuńǵysh Pre­zıdenti «Senim. Dıalog. Bola­shaqqa nyq qadam – Nur Otan partııasy­nyń 7 serpini» atty baǵdarlamany usynǵanda partııa­nyń belsendi múshelerin top­­tastyrý, jemqorlyqpen kú­­res­ti kúsheıtý, senimdi aqta­ma­ǵan múshelermen qosh aıtysý, barlyq deńgeıde partııa organdarynyń áleýetin meılinshe tolyq paıdalaný, bıliktiń partııalyq ja­ýap­­ker­shiligin nyǵaıtý sekildi óte mańyzdy mindetterdi sanamalap bergen bolatyn. О́ki­nishke qaraı, aqparattyq-ıdeo­lo­gııalyq jumystardy talapqa saı uıymdastyrý barlyq jer­gi­likti býyndarda birdeı sezilip otyrǵan joq. Jarty jyldyń qorytyndysy boıynsha partııamen baılanysyn úzgen, jarǵylyq talaptardy oryndamaǵan 1,5 myń adamnyń partııa qatarynan alas­tatylýy tózgisiz jaǵdaı. Partııa múshe­leriniń basym kópshiligi bıýd­jettik mekemelerde top­tastyrylǵan. 500 jáne odan da kóp adam eńbek etetin iri kásip­oryndarda nurotandyqtar qatary múldem az. Máselen, Kırov atyndaǵy zaýytta 600-den astam adam jumys istese, 42-si ǵana partııa múshesi. Al Petropavl aýyr mashına jasaý zaýytynda myń jarym adam eńbek etse, altaýy ǵana partııa múshesi ekenin qalaı túsinýge bolady?, – dedi óz sózinde Qumar Irgebaıuly.

Jergilikti máslıhat de­pýtat­tarynyń deni nur­otan­dyq­tar ekenine qaramastan árkez bel­sendilik tanyta bermeıdi. Ǵabıt Músirepov aýdandyq más­lı­ha­tyn­daǵy 13 depýtattyń saılaý­shy­larmen kezdesýi saýsaq búgýge de kelmeıdi. Onyń ózinde aýdan ortalyǵymen ǵana shektel­gen. Tek bıyldyń ózinde tár­tip­tik ke­ńeste memlekettik qyz­met­­shi­­ler­ge qatysty on eki is tal­qy­­lanǵan. Partııalyq baqy­laý­dyń qorytyndysy boıynsha bes memlekettik qyzmetshi partııa qatarynan shettetilgen.

Keńeste «Ardagerlerdi ar­daq­­taıyq», «Baqytty otbasy», «Ke­dergisiz keleshek», «Jastar – Otanǵa» atty áleýmettik joba­lar men «Rýhanı jańǵyrý», «Týǵan jer» baǵdarlamalaryn jú­zege asyrýǵa basymdyq berý qajettigi atap kórsetildi. Ana­to­lıı Rafalskıı, Birjan Shaı­mer­denov, Altynbek Saparov, Gennadıı Zenchenko, Ivan Fı­sen­ko sııaqty agroqurylym jetek­shileriniń týǵan jerge degen jana­shyrlyq qamqorlyqtary men kó­mekteri úlgi etildi.

Saıası keńes otyrysyn qory­tyn­dylaǵan fılıal tóraǵasy turǵyndardyń, turmysy tómen otbasylardyń, jastardyń turmys-tirshiligin ońaltý, bul oraıda partııalyq keń aýqymdy is-sharalardyń sanyn emes, sapasyn, mazmunyn aldymen eskerý qajettigin taǵy bir márte eske saldy.

 

Soltústik Qazaqstan oblysy

 

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar