Aımaqtar • 12 Qyrkúıek, 2019

Alma eksporterleri Almatyda bas qosty

24 ret kórsetildi

Almatyda «Almaty – alma ortalyǵy: ekonomıkalyq, ekologııalyq jáne mádenı keleshegi» atty halyqaralyq forým óz jumysyn bastady. Is-sharany Qazaqstannyń tabıǵatty saqtaý jónindegi eko-qozǵalysynyń belsendisi, qoǵamdyq qaıratker Ajar Jandosova uıymdastyryp otyr.

Forým «ALMA – Apple» qalalyq qoǵamdyq bastamasy aıasynda ótýde. Onyń ıdeıasy – Alma qalasyna, Almaǵa jáne Alma aǵashyna arnalǵan búkil qalalyq is-sharalar men jobalardy biryńǵaı baǵdarlama jáne biryńǵaı aqparattyq keńistik aıasynda biriktirý.

«Bizdiń qalamyz árdaıym almamen baılanystyrylyp keldi. Forým Almatynyń alma qalasy retindegi burynǵy dańqyn dáriptep, qaıta jandandyrý maqsatynda ótkizilip jatyr. Forýmda biz jurtshylyqtyń nazaryn aýdaryp qana qoımaı, ǵylym men óndirisshilerdi bir keńistik aıasynda biriktirýdi kózdeımiz»,  dep atap ótti Ajar Jandosova.

Bastama aıasynda almatylyqtarǵa alma qalanyń dańqyn qaıta jandandyrýǵa belsendi túrde qatysý usynylyp otyr.

«Árbir adam óz tarapynan almany dáripteı alady. Adamdarda ártúrli bastamalar paıda bolyp jatyr, bir adamdar alma baǵyn otyrǵyzǵysy kelse, keıbireýler almamen bı ótkizýge daıyn. Biz Almatyda turatyn jáne Almatyǵa keletin adamdar almanyń dámin sezinip kórse eken deımiz. Iаǵnı almadan jasalǵan taǵamdy daıyndaıtyn árbir meıramhananyń ornyn kórsetetin jáne qala qonaqtaryna onyń dámin tatyp kórýge múmkindik beretin almaly oryndar kartasyn jasap shyǵarý týraly ıdeıa týyndady. Negizinde alma taýsylmas taqyryptardyń biri ekeni sózsiz», dep bólisti forým uıymdastyrýshysy.

Forým aıasynda ǵalymdar, bıznesmender, qoǵamdyq jáne mádenı qaıratkerler Sıvers almasynan bastap, Qazaqstandaǵy jáne álemdegi alma sharýashylyǵynyń damý betalysy syndy keń máseleler sheńberi aıasynda sóz sóıledi. Forýmǵa ushtastyrylǵan kórmede qalaǵan adam almanyń jergilikti suryptarynyń, sonyń ishinde ataqty aporttyń dámin tatyp kóre alady. Sondaı-aq, is-shara aıasynda plakattar kórmesi ótti. Sonymen qatar, is-shara qatysýshylary aldynda «Alma manıfesti» oqylyp, onyń aıasynda forým qatysýshylary búkil álem boıynsha almany jáne alma aǵashtaryn saqtap, keńinen taratýǵa úndedi. Manıfest maqsaty – jer betindegi árbir adamǵa shaqqanda bir-bir jemis aǵashyn, ıaǵnı búkil álem boıynsha 8 mıllıard jemis aǵashyn otyrǵyzýǵa úndeý.

 

Almaty 

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar