Aımaqtar • 13 Qyrkúıek, 2019

Qostanaıda aýyl sharýashylyǵyndaǵy eń yqpaldy bıznesmenniń birine qatysty qylmystyq is sotta qaralady

23 ret kórsetildi

Qostanaı oblysy ǵana emes, Qazaqstandaǵy eń iri aýyl sharýashylyq holdıngi bolǵan «Ivolga-Holdıng» JShS burynǵy jetekshisi Vasılıı Rozınovke asa iri kólemde alaıaqtyq jasady degen kúdikpen kiná taǵylyp otyr. Oblystyq sottyń baspasóz qyzmeti onyń isi sotqa túskenin habarlady.

Qostanaı qalalyq №2 sotta «Ivolga-Holdıngtiń» burynǵy bas dırektory Vasılıı Rozınovke qatysty qylmystyq is QR QK 177-babynyń 4 - bóliminiń «b» tarmaǵy boıynsha (QK 1997 jylǵy redaksııasy), ıaǵnı asa iri kólemde alaıaqtyq jasady degen kúdikpen qaralady. Sot ústimizdegi jyldyń 17 qyrkúıeginde bastalady. Rozınov tergeý aıaqtalǵansha kepildikpen úıinde boldy. Sot kezinde bultartpaý sharalary sol kúıinshe qalady.

Vasılıı Rozınov elimizdegi asa iri agroholdınginiń ıesi jáne Qazaqstandaǵy baı, eń yqpaldy bıznesmenderdiń de biri boldy. «Ivolga Holdıng» jaýapkershiligi shekteýli seriktestiginiń isi 2016 jyldan bastap shatqaıaqtaı bastaǵan. Al 2017 jyldyń aıaǵynda ol «Ivolga Holdıng» JShS bas dırektorlyǵynan ketip, onyń ornyna Aıdarbek Hodjanazarov keldi, 2018 jyly «Ivolga Holdıng» JShS-niń ornyna «OljaAgro» JShS quryldy.

 

Qostanaı

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar