15 Qyrkúıek, 2019

Balqashta qalalyq sottyń front-keńsesi ashyldy

21 ret kórsetildi

Balqashta turǵyndarǵa keńes beriletin jáne qajetti kómek kórsetiletin qalalyq sottyń front-keńsesi ashyldy.

Jańa nysannyń ashylý saltanatyna Qaraǵandy oblystyq sotynyń tóraǵasy Nurserik Sháripov, Balqash qalasynyń ákimi Oraz Táýirbekov, sot ákimshisiniń orynbasary Maqsat Isın, prokýrorlar, advokattar, medıatorlar jáne bıler keńesiniń músheleri qatysty.

– Basty maqsat – sot qyzmetiniń ashyqtyǵy men jarııalylyǵyn qamtamasyz etip, azamattardy qabyldaý boıynsha qolaıly jaǵdaı jasaý, – dedi oblystyq sottyń tóraǵasy.

Sonymen qatar ol jańa jumys pishimin engizý azamattardyń sot júıesine degen senim deńgeıin arttyrýǵa, sotqa júginý kezinde ákimshilik kedergilerdi joıýǵa múmkindik beretindigin atap ótti.

Front-keńsede aqparattyq ortalyq, kútý zaly, kiris hat-habarlar men ózine-ózi qyzmet kórsetý aımaǵy, azamattyq isterdi qaraýǵa arnalǵan sot otyrysy zaly bar. Bul jerde medıatorlar men advokattarǵa arnalǵan jeke kabınetter qarastyrylǵan. Sonymen qatar nysnada wi-fi júıesi jumys isteıdi, gadjetter úshin zarıadtaý qurylǵylary ornatylǵan. О́zine-ózi qyzmet kórsetý sektorynda azamattar «Sot kabıneti» AJ qyzmetin erkin paıdalana alady.

Eske salsaq, dál osyndaı front-keńseler Qaraǵandy, Shahtınsk qalalary men Abaı, Osakarov aýdandarynyń sottarynda jumys isteıdi.

 

Qaraǵandy oblysy

 

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar