Aımaqtar • 17 Qyrkúıek, 2019

Ákeniń bedeli

25 retkórsetildi

Býrabaı baýraıynda «Áke – otbasynyń tiregi» atty IV respýblıkalyq ákeler forýmy ótti. Mańyzdy sharaǵa muryndyq bolǵan Aqparat jáne qoǵamdyq damý mınıstrligi, Prezıdent janyndaǵy Áıelder isteri jáne otbasylyq demografııalyq saıasat jónindegi Ulttyq komıssııa, Aqmola oblysynyń ákimdigi, «Ákeler odaǵy» qoǵamdyq birlestigi men «Quqyq» qoǵamdyq qory búgingi tańdaǵy eń bir ózekti máselelerdi kóp bolyp keńesip, talqylady.

Yqylym zamannan beri ot­ba­­­sy­nyń yntymaq-birligi, sha­ńyraqtyń astynan órbigen per­zentterdiń tárbıesi, olardyń mi­nez-qulyqtarynyń qalyptasýy eń aldymen ákege baılanysty bolǵanyn eshkim de joqqa shyǵara almasa kerek. Jibi túzý ákeden jóni túzý urpaq órbıdi. Baýyr eti ba­lalarynyń boıyndaǵy júre qa­lyptasatyn qasıetter ákeden darıdy. Ilkidegi babalar biz kóp sózben kóktep otyrǵan dúnıeni «bala ákege qarap ósedi» dep jalǵyz aýyz sózben túıindegen.

Shynynda da búginde báriniń demesek te, biraz shańyraqta áke bedeliniń juqartyp aıtqanda, sy­­nyq súıem tómen túskeni de shyn­dyq. Onyń alýan túrli se­bepteri bar. Rýhanı baılyq ekin­shi orynǵa ysyrylyp, kóp adam­nyń kókireginde materıaldyq ıgilikke degen qushtarlyq paıda bolǵaly mal tappaıtyn ákelerdiń mártebesine kinárat tústi. Balanyń borkemik bolyp ósýi, ómirge da­ıyn bolmaýy osy kezden bastaldy. Forýmda jerine jetkizile aı­tylǵan másele osy. Al endi áke bedelin qalaı ósirý kerek? Onyń da qıly-qıly joldary meńzeldi.

Forýmnyń basynda ákeler oda­ǵynyń qyzmetin uıymdastyryp, irgetasyn qalaǵan marqum Qýa­­­­nysh Ju­mataev eske alyndy.­ Sha­raǵa qa­tysyp otyrǵan urpaǵyna syı-qur­met kórsetildi. Oblys ákiminiń orynbasary Aına Mysyrálimova quttyqtaý sóz sóıledi. Forýmnyń moderatory Parlament Májilisi­niń depýtaty, Prezıdent janyn­daǵy Áıelder isteri jáne otbasy­lyq demografııalyq saıasat jónin­degi Ulttyq komıssııanyń múshesi Ba­qyt­bek Smaǵul óz sózin otty óleń­­men bastady. Aldymen jer­ shoq­tyǵy Býrabaıdyń sulý sym­­baty, qazaq dalasynyń kez kel­gen pushpaǵynyń kórkemdigi, sol qasıetti topyraqtyń perzentteriniń búgingi beınesi jyr tilimen órildi. Elimizdiń barlyq óńirinen kelgen forýmǵa qatysýshylar ataly sózge razy boldy. Munan soń Prezıdent keńesshisi Maqsat Sqaqov san ǵasyr boıy jalǵasyp kele jatqan ult muraty týraly sanaǵa salmaq salatyn salıqaly pikirin ómirdiń ózi­nen oıyp alynǵan mysaldarmen kómkerip, kelistire aıtty. Shy­nynda da, bul másele baǵzy zamandaǵy «Maqta qyzdyń» erte­gisi tárizdi bir-birimen sabaqtasyp jat­qan ózektes dúnıe. Osy forýmda aıtylǵan derekke den qoı­saq, sońǵy jyldary elimizde sha­ńyraq qurǵan otbasylardyń ár­bir úshinshisi ajyrasýda. Bul ke­leńsiz kórinistiń astarynda biz sóz etip otyrǵan áke abyroıynyń, er adamnyń jaýapkershiliginiń qan­shalyqty ekenin kórsetetin júk jatyr. Endigi mindet belgili. Qoǵamǵa keregi – ákeniń bedeli. 

BUU Damý baǵdarlamasynyń Qazaqstandaǵy turaqty ókiliniń oryn­basary Vıtalıı Vremısh, Reseı Federasııasy ákeler odaǵy or­talyq komıtetiniń múshesi Vla­dımır Anısımovtar ortaq taqy­rypqa oraı óz pikirlerin bildirdi. Ásirese Vladımır Petrovıchtiń Qa­zaqstannyń jaǵdaıyn jaqsy bilemin degen sózi kóńilimizden shyqty. Ol qazaq halqynyń tá­limdi tárbıe tóńireginde baı dástúri bar ekenin tamsana aıtyp berdi. Endigisi ata murasyna jastardyń adaldyǵy. «Áke» qo­ǵamnyń rýhanı jańǵyrýyndaǵy mańyzdy áleýmettik ınstıtýty taqyrybyndaǵy plenarlyq ses­sııada Aqparat jáne qoǵam­dyq damý vıse-mınıstri Da­nııar Esın «Qazaqstandaǵy otba­sy ınstıtýtynyń damýy: má­seleleri men keleshegi», Bilim jáne ǵylym mınıstrliginiń Ba­la­lardyń quqyqtaryn qorǵaý ko­mıteti tóraǵasynyń orynbasary Dýlat Jekebaev «Bala úshin ózin ózi iske asyrý múmkindigin qam­tamasyz etý – jańa jaǵdaıda otbasy men mekteptiń ózara is-qı­mylynyń mańyzdy máselesi»  ta­qyryptarynda oı bólisti.

Forýmǵa qatysýshylar otbasy men mekteptiń ózara baılanysyn nyǵaıtý qajettigi týraly oryndy pikir bildirdi. Ákeler qozǵalysyn damytý baǵytynda birlesken ju­­­mysty kúsheıtý qajettigi de umyt qalǵan joq. Ortalyq jáne jer­gilikti memlekettik organdarǵa bala tárbıesindegi ákeniń rólin art­tyrýdaǵy eń ózekti máselelerdi sheshýge baılanysty usynystar ázirlendi. Keleli jıynnyń sońy úlgili ákelerge ulttyq komıssııa atynan alǵys hattar tabystaýmen túıindeldi.

 

Aqmola oblysy,

Býrabaı aýdany

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar