Prezıdent • 18 Qyrkúıek, 2019

Aımaqtaǵy agroónerkásip kesheniniń áleýeti zor

22 retkórsetildi

Keshe sondaı-aq Soltústik Qazaqstan oblysyna kelgen Prezıdent Qasym-Jomart Toqaev jumys saparyn Aqqaıyń aýdanynyń Rýblevka aýylyndaǵy «Ivan Zenchenko» JShS-nan bastady.

Qazaqstan Prezıdenti sútti taǵamdar óndiretin fer­ma­­nyń tolyq aınalymdaǵy jumy­­sy­men tanysyp, astyq jına­lyp jat­qan egistik alqa­byn aralap shyqty jáne mehanızatorlarmen áńgimelesti.

Nysandy aralaý barysyn­da Soltústik Qazaqstan obly­synyń ákimi Qumar Aqsaqalov Memleket basshysyna óńirdiń agroónerkásip kesheniniń damýy týraly baıandady.

Kásiporyn dırektory Gen­nadıı Zenchenko Memleket basshysyna óndiriletin ónimder men ótkizý naryǵy, sonyń ishinde taýardyń Reseıge eksportqa shy­ǵarylýy jóninde aıtty. Ol sondaı-aq kompanııanyń aýyl­dyq okrýgtegi áleýmettik salany damytýǵa zor kóńil bólip otyrǵanyn málimdedi.

Qasym-Jomart Toqaev kásip­­orynnyń jumysy jáne eko­no­mıkalyq, áleýmettik min­detterdi sheshýge qosqan úlesin joǵary baǵalady.

Memleket basshysy kelesi kezekte aýyldy jáne agro­óner­kásip keshenin damytý má­seleleri jóninde keńes ótkizdi.

Memleket basshysy agro­óner­kásip keshenin damytý isin­degi naqty máselelerdiń bar eke­nine nazar aýdaryp, Úkimet pen jergilikti atqarýshy organ­dar­dyń aldyna birqatar mindet qoı­dy.

Atap aıtqanda, Qasym-Jo­mart Toqaev álemde turaqty ári joǵary suranysqa ıe tıimdiligi joǵary daqyldardy (jasymyq, zyǵyr, soıa) ósirýge kóshý esebi­nen eńbek ónimdiligin arttyrý qa­jettigin aıtty. Onyń aıtýyn­sha, organıkalyq aýyl sharýa­shylyǵy óndirisin damytyp, zamanaýı agrotehnologııa men ınnovasııany engizý kerek.

– Úkimet agrohımııa qyzmetin kúsheıtý, gerbısıdterdiń, mıneraldy tyńaıtqyshtardyń jáne elıtalyq tuqymdardyń qol­je­timdiligin qamtamasyz etý jó­ninde túbegeıli sharalar qa­byl­daýy qajet, – dedi Prezıdent.
Memleket basshysy Úkimetke óndiristiń el aýmaǵynda ornalasý áleýetin zertteý ar­qyly aýyl sharýashylyǵy teh­nıkalary parkiniń tozýyna qatysty máseleni sheshýdi tapsyrdy.

Álemdik tájirıbeni eskere otyryp mıneraldaý negizinde topy­raqtyń qunarlylyǵyn jaq­sar­tý – mańyzdy mindet. Mem­­le­ket basshysy bul másele­ni sheshý úshin sheteldik ınves­tor­lardy tarta otyryp, el aýmaǵyn­da tyńaıtqyshtar men pestı­sıd­ter shyǵaratyn daıyn lısenzııasy bar zaýyttar salýdy tapsyrdy.

Prezıdent barlyq aýyl sha­rýa­shylyǵy jerleriniń esebin alý isin aıaqtaýdyń, jer kadas­tryn sıfrlandyrýdyń jáne jer­­lerdiń paıdalanylýyn ǵa­rysh­tyq monıtorıng jasaý ar­qy­ly anyqtaýǵa kóshýdiń ma­ńyz­dy­lyǵyna arnaıy toq­tal­dy.

Baıandamada mal sharýa­shy­lyǵyn damytý máselesine zor kóńil bólindi. Memleket bas­shysy qoı, qus, qozy etin óndirýdiń, sútti mal sha­rýa­shy­lyǵyn damytýdyń jáne mal sharýashylyǵy ónimin eks­portqa shyǵarý isin ilgeri­letýdiń keleshegi bar dep esep­teıdi. Bul úshin aldaǵy 10 jyl­da qosymsha 50 mıl­lıon gek­tar jaıylymdyq jer paıda­lanýǵa beriledi. Sony­men qatar Prezıdent Úkimetke jem-shóp baǵasynyń joǵary bolý se­bebine qatysty máseleni tú­begeı­li retteýdi tapsyrdy.

Qasym-Jomart Toqaev eli­mizdiń qaıta óńdelgen ónimderi syrtqy naryqta kedergilerge tap bolyp jatqanyn aıtty. Osyǵan baılanysty Memleket basshysy otandyq taýarlardy maqsatty túrde ilgeriletýdi já­ne sheteldik seriktesterdegi ózge­risterge qatysty der ke­zin­de áreket etýdi tapsyrdy.
Memleket basshysy otandyq agrarlyq ǵylymdy damytý isine jáne keıingi jyldary deń­geıi aı­tarlyqtaı tómendegen kadr­lar­dyń áleýetine arnaıy toq­taldy.

– Ulttyq agrarlyq ǵylym-bilim ortalyqtaryndaǵy eńbek­ker­lerdiń tek 20 paıy­zy­nyń ǵylymı dárejesi bar. Son­dyq­tan agrarlyq salada bola­shaǵy bar jas ǵalymdardyń pý­lyn ja­saq­taý qajet, – dedi Qa­sym-Jomart Toqaev.

Qazaqstan Prezıdenti aýyl halqynyń 85 paıyzy tura­tyn keleshegi bar tirek eldi meken­derdi damytý qajettigin aıtty. Onyń aıtýynsha, bul eldi mekender jol, qoljetimdi baılanys júıesi men ınternet, bi­lim berý jáne densaýlyq saq­taý nysandary, mádenıet jáne sport keshenderi sııaqty ınfra­qu­rylymdarmen qamtamasyz etilýi tıis.

Memleket basshysy aýyl­dyq jerlerde buqaralyq sportty damytý úshin 3 jyl ishinde 100 deneshynyqtyrý jáne saýyq­tyrý keshenin salýdy tapsyrdy. Sonyń ishinde 22 nysan bıyl iske qosylady.

Elbasy usynǵan «Aýyl – el besigi» jobasy aıasynda qo­symsha 90 mıllıard teńge bólinetin bolady. Prezıdent

«Dıplommen – aýylǵa!» baǵ­darlamasyna bóli­netin qar­jyny jylyna 20 mıllıard teńgege deıin arttyrýdy tapsyrdy.

Sondaı-aq Qasym-Jomart Toqaev aýyl turmysynyń sapasyn jaqsartý jóninde júıe­li sharalar qabyldaýdyń mańyz­dylyǵyn atap ótti.

– Aýyl sharýashylyǵy kásip­oryndary, ásirese irileri shette qalmaýy tıis. Agrarshylar mem­leket-jekemenshik serik­testigi qaǵı­datyna sáıkes aýyl tur­ǵyn­darynyń ómir súrý sapasyn jaqsartýǵa qatysty áleý­mettik jaýapkershilikti bólisýi qajet, – dedi Memleket basshysy.

Respýblıkalyq keńes barysynda Aýyl sharýashylyǵy mınıstri Saparhan Omarov, «Zenchenko ı K» kommandıttik serik­testiginiń dırektory Gen­nadıı Zenchenko, «Agrofırma «Rodına» JShS-niń bas dı­rek­tory Ivan Saýer, «Qaz­Eksport­Astyq» AQ dırektorlar ke­ńesiniń tóraǵasy Rýs­lan Molda­bekov, S.Seıfýl­lın atyndaǵy Qazaq agroteh­nıkalyq ýnıver­sıtetiniń rek­tory Aqyl­bek Kúrishbaev jáne «Bio­pera­tions» JShS quryltaıshysy Álı­han Talǵatbek baıandama jasa­dy.

Qazaqstan Prezıdenti keńes­ten keıin óńirge jumys sapary barysynda metall plastıkalyq ónimder shyǵaratyn «Radýga» zaýytyna baryp, seriktestiktiń óndiristik áleýetimen tanysty.

Qasym-Jomart Toqaevqa óndiristik sehtar tanystyryldy. Prezıdentke kompanııanyń jumysy týraly málimet beri­lip, shyǵaratyn ónimderi kór­se­tildi.

Kásiporyn dırektory Dmıt­rıı Sharapaev zaýytta 1,5 myń adam jumys isteıtinin, ónim­niń 500-den astam túri shyǵa­ry­latynyn aıtty. Kompanııa shyǵaratyn ónimder elimizdiń barlyq aımaqtaryna jónelti­ledi, sondaı-aq Reseıdiń iri qa­lalaryna da eksporttalady.

Qasym-Jomart Toqaev óńirge jumys saparynyń so­ńynda S.M.Kırov atyndaǵy zaýytta bol­dy. Memleket basshysy kásip­orynnyń ónimderimen tany­syp, kópqabatty baspa taqta­syn shyǵaratyn jáne bólshek­terdi qurastyratyn sehtardy aralap kórdi. Pre­zıdentke kompa­nııanyń qazirgi jumystarynyń esebi beri­lip, kásiporynnyń teh­nolo­gııalyq turǵydan odan ári jańǵyrtylý jospary baıandaldy.

Kásiporyn dırektory Aman­­geldi Arǵynbaevtyń aıtýyn­sha, elimizde alǵash ret kóp­qabatty baspa taqtasyn óndirý isiniń je­del iske qosylýy álemdik standartqa sáıkes bu­ıymdar shy­ǵarýǵa múm­kindik beredi. Bul res­pýblıka eko­nomıkasynyń túrli salalarynda qoldanylyp, keleshekte eksportqa shyǵarylatyn bolady.

500-den astam adam jumys isteıtin kásiporyn otandyq ma­shına jasaý salasynyń kósh­basshysy sanalady. Zaýyt temir jol, munaı-gaz, energetıka salalarynda paıdalaný úshin aza­mattyq jáne áskerı maqsatqa ar­nalǵan 100-den astam ónim túrin shyǵarady.

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar