Aımaqtar • 20 Qyrkúıek, 2019

Lısakovtyń «Báıteregi»

45 retkórsetildi

Lısakov qalasyna kelgender aldymen ortalyqtaǵy «Báıterekti» qyzyqtaıdy. Nur-Sultan qalasyndaǵy elimiz astanasynyń sımvolyndaı áıgili monýmenttiń kóshirmesi elordanyń 20 jyldyǵy qurmetine ornatylǵan bolatyn.

Jańa ınstallıasııa «Ha­lyq bankiniń» Lısakov qala­lyq fılıalynyń aınalma jolyn áshekeılep tur. Bul «Rýhanı jańǵyrý» baǵ­darlamasy aıasynda jergilikti bıznesmenderdiń súıikti shaharyna jasaǵan syılyǵy bolatyn.

Arhıtektýralyq nysan­nyń nobaıyn qaladaǵy «Eks­klıýzıvStroı» jaýapkershiligi shekteýli seriktestigi daıyn­dady. Kásiporyn mamandary bıiktigi 15 metr bolatyn qurylystyń jobasyn syz­ǵanda onyń 97 metrlik tupnusqasy kólemimen salys­tyra otyryp, paıdalanatyn materıaldardyń jel qýatyna tózimdiligin eskergen.

«Báıterektiń» qurylymyn «SpesStalKonstrýksıı» ja­ýapkershiligi shekteýli se­riktestigi 5 aı boıy jasady. Al qurastyrylýy eki kúnniń ishinde júzege asqan. Kerek-jaraǵyna Lısakovtaǵy iri óndiris oryndary da kómegin aıamapty. Kishi «Báıterekke» túrli-tústi ıllıýmınasııa tar­tylǵan, bul onyń qosymsha áshekeıi bolyp tabylady.

– «Báıterek» túpnusqa­synan aýmaıdy. Aınalasyna keremet kórik berip tur, kór­gen saıyn kóńilimiz jylıdy, – deıdi qalanyń biz tildesken kez kelgen  turǵyny.

 

Qostanaı oblysy,

Lısakov qalasy

Sońǵy jańalyqtar

iPhone 12 Pro renderi shyqty

Tehnologııa • Keshe

Uqsas jańalyqtar