Úkimet • 20 Qyrkúıek, 2019

Berdibek Saparbaev Semeı jurtshylyǵymen kezdesti

192 retkórsetildi

Premer-Mınıstrdiń orynbasary Berdibek Saparbaev bastaǵan Úkimettik delegasııa Semeı qalasynyń jurtshylyǵymen kezdesti. Bul týraly Premer-Mınıstrdiń baspasóz qyzmeti habarlady.

Semeıliktermen ótken basqosýda Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty  Joldaýynyń negizgi baǵyttary túsindirildi.

Is-sharaǵa oblys ákimi Danıal Ahmetov, Eńbek jáne halyqty áleýmettik qorǵaý mınıstri Birjan Nurymbetov, Bilim jáne ǵylym mınıstri Ashat Aımaǵambetov, Mádenıet jáne sport mınıstri Aqtoty Raıymqulova, Densaýlyq saqtaý vıse-mınıstri Kamaljan Nadyrov, Aqparat jáne qoǵamdyq damý vıse-mınıstri Danııar Isın, sondaı-aq úkimettik emes jáne jastar uıymdary, bıznes qoǵamdastyqtar, shyǵarmashylyq jáne ǵylym zııalylar ókilderi qatysty. 

3

Vıse-premer óz sózinde Memleket basshysynyń saıasaty halyqty eńbek etýge shaqyryp, memlekettik qoldaý mehanızmin qoldanýǵa bastaıtynyn atap ótti.

«Bıyl 400 myń otbasyǵa nemese 2 mıllıonǵa jýyq qazaqstandyqqa  ataýly áleýmettik kómek taǵaıyndaldy. Alaıda járdemaqynyń jaǵdaıy bar adamdarǵa da tólenip kelgeni anyqtaldy. Eskerte ketetin jaıt, ataýly áleýmettik kómek tek muqtaj jandarǵa ǵana kórsetilýi tıis. Al eńbekke jaramdy adamdar jumys isteýi tıis. Eger mamandyǵy joq bolsa, oqytyp, jumys taýyp berýge, grant pen shaǵyn nesıe alýǵa, jeke bıznesin ashýǵa qoldaý kórsete alamyz. Áleýmettik qoldaý qoǵamdy memleket asyraıdy degen uǵymǵa ılandyrmaýy kerek», — dep atap ótti B. Saparbaev.

Sondaı-aq, jas býynnyń tárbıesi men otbasylyq qundylyqtardy saqtaý máselelerine basa toqtaldy.

«О́kinishke oraı, jastar arasynda, onyń ishinde kámelettik jasqa tolmaǵan balalardyń ortasynda qylmys pen zorlyq-zombylyq jaǵdaılary órship barady. Sondyqtan memleket pen qoǵam birlese otyryp osy baǵytta tıimdi jumys isteýi kerek. Ata-analar balalaryna sanaly tárbıe berip, adamgershilik, moraldyq qasıetterin boılaryna sińire ósýine zor kóńil bólýi tıis», — dedi ol.

Kezdesý barysynda turǵyndarmen qoǵamdyq kelisimdi nyǵaıtý, ana men balany qoldaý, densaýlyq saqtaý jáne áleýmettik qorǵaý salalaryndaǵy qyzmet kórsetý sapasyn arttyrý, mádenıet pen sportty damytý sııaqty basqa da máseleler talqylandy.

Vıse-premer Semeıdegi Jedel medısınalyq járdem aýrýhanasynda biregeı angıografııalyq qurylǵymen jasaqtalǵan gıbrıdti operasııa jasaý bóliminiń jumysymen tanysty.

5

Respýblıka boıynsha birinshi bolyp Semeıde ashylǵan gıbrıdti operasııalyq bólimniń ereksheligi sonda, naýqastarǵa bir mezgilde birneshe ashyq ádispen jáne ıntervensııalyq aralasý arqyly keshendi gıbrıdti ota jasaýǵa múmkindik beredi. 

Gıbrıdti ota jasaý qondyrǵysyn ornatý jáne ǵımaratty qaıta qalpyna keltirý jumystaryna jergilikti bıýdjetten 2,3 mlrd teńge, onyń ishinde jabdyqtaýǵa 1,7 mlrd teńge jumsaldy. Aıta keteıik, keshen halyqaralyq JCI talaptaryna saı, «altyn» standart júıesi boıynsha salyndy. Ortalyq ashylǵaly beri 263 operasııa jasalyndy. Jalpy jyl saıyn 2,9 myń operasııa jasaý jospary tur.

Elektrotehnıkalyq kolledjde ótken jıyn barysynda Berdibek Saparbaev bilim salasyndaǵy memlekettik baǵdarlamalardy júzege asyrý, qyzmet kórsetý sapasyn arttyrý, muǵalimderdiń áleýmettik mártebesin kóterý sııaqty basqa da máselelerdi kóterdi.

Vıse-premerdiń jumys sapary О́skemen men oblystyń basqa aýdandarynda jalǵasady.

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar