Rýhanııat • 23 Qyrkúıek, 2019

«Jibek satyny» Sankt-Peterbýrg sahnasynda qoıady

6 ret kórsetildi

«Astana Opera» shyǵarmashylyq ujymy Neva ózeni boıyndaǵy qalaǵa gastrolge attanady. IV Halyqaralyq kameralyq opera festıvali aıasynda elordalyq trýppa Dj.Rossınıdiń «Jibek saty» opera-farsyn usynady.

20 qazanda «Sankt-Peter­býrg Opera» memle­kettik kameralyq mýzykalyq teatr zalynda anshlag kútilýde: peter­borlyq kórermender bir aı buryn barlyq bıletterdi satyp alǵan kórinedi.

Jetinshi teatr maýsy­mynyń gastroldik kestesin ashatyn «Sankt-Peterbýrg Opera» sahnasyndaǵy óner kórsetý Reseıdiń halyq ártisi, Qazaqstan Respýblıkasy Mem­lekettik syılyǵynyń laý­reaty Iýrıı Isaakovıch Alek­sandrovtyń shaqyrtýy arqasynda ótedi. Gastroldi uıymdastyrý boıynsha bar­lyq shyǵyndardy Sankt-Peterbýrg teatry tolyǵymen óz moınyna alǵan.

–Bizdiń trýppa men kór­nekti reseılik rejısser ara­syn tyǵyz kópjyldyq dostyq baılanystyratynyn atap ótken jón. Talǵampaz peterborlyq kórermen aldynda óner kórsetý biz úshin úlken qurmet ári jaýapkershilik, spektakl úlken jetistikpen ótetinine senim bildiremiz, – dedi «Astana Opera» teatry­nyń dırektory, Qazaq­stannyń eńbek sińirgen qaı­ratkeri Ǵalym Ahmedıarov.

Basty partııalardy oryn­daýǵa «Astana Opera» jetekshi solısteri, qazaqstandyq ope­ra juldyzdary da­ıyndalýda: Djýlııa – Qazaqstannyń eńbek sińirgen ártisi Jannat Baqtaı, Dorvıl – Qazaqstannyń eńbek sińirgen qaıratkeri Jan Tapın, Djer­mano – Qazaqstannyń eńbek sińirgen qaıratkeri, Qazaqstan Respýblıkasy Mem­le­kettik syılyǵynyń laý­reaty Sún­det Baıǵojın. Spek­­takl­ge, sondaı-aq teatr­dyń basqa da daryndy solısteri qaty­sady.

Al 9 jáne 10 qarashada «Sankt-Peterbýrg Opera» memle­kettik kameralyq mýzy­kalyq teatrdyń shyǵar­ma­shylyq ujymy óz kezeginde Qazaq­stannyń astanasyna gastrol­men keledi. Alǵash ret «As­tana Opera» sahnasynda ártis­ter álemdik opera óneriniń jaýharlary – Dj.Verdıdiń «Rı­goletto» já­ne J.Bızeniń «Injý iz­deý­shi­ler» týyndylaryn usy­nady.

«Egemen-aqparat»

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar