Qoǵam • 23 Qyrkúıek, 2019

MÁMS: kim, qansha, ne úshin tóleıdi?

48 retkórsetildi

«Áleýmettik medısınalyq saqtandyrý qory» KEAQ Nur-Sultan qalasy boıynsha fılıaly turǵyndar tarapynan jıi qoıylatyn saýaldarǵa jaýap beredi dep habarlaıdy qordyń baspasóz qyzmeti. 

Medısınalyq saqtandyrýǵa ne úshin tóleý kerek?

Medısınalyq saqtandyrý tólemderin aýdarý sizge medısınalyq qyzmettiń saqtandyrý paketin paıdalanýǵa múmkindik beredi. Medısınalyq saqtandyrý paketi arqyly tegin kómekke qaraǵanda áldeqaıda calaly qyzmet alýǵa bolady. Saqtandyrylǵan adamdar dárigerge qaralýǵa, em qabyldaýǵa ketetin shyǵyndarǵa alańdamasa da bolady. Sondyqtan medısınalyq saqtandyrý tólemderin aýdarǵan tıimdi.

Degenmen, bul medısınalyq saqtandyrý jarnasyn aýdarmaǵan azamattarǵa medısınalyq qyzmet kórsetilmeıdi degen sóz emes. Olar ýchaskelik terapevt qabyldaýyna jazylyp qana qoımaı, tekseristen ótip, birqatar qaýipti dert boıynsha tegin em alady. Jedel medısınalyq járdemniń qyzmeti de aqysyz bolyp qala beredi.

Medısınalyq saqtandyrýdy halyq neǵurlym kóp tańdasa, júıe soǵurlym turaqtalady.

 Kim úshin jáne qansha jarna?

Zań boıynsha barlyq jumys isteıtin turǵyndardyń tabystarynan mindetti áleýmettik medısınalyq saqtandyrý (MÁMS) júıesine jarnalar alynýy tıis. Aǵymdaǵy jyly jarnany tek jumys berýshiler ǵana tóleıdi. Onyń kólemi - jaldamaly qyzmetkerlerge beriletin eńbekaqynyń 1,5%-y.

Sizdiń memlekettik qurylymda nemese jekemenshik uıymda bolsyn, qaı jerde jumys isteıtinińiz mańyzdy emes: jumys berýshi óz qarajaty esebinen tólem júrgizýge mindetti. Bul sizdiń jalaqyńyzǵa áser etpeıdi.

Osy máselege kóz jetkizý úshin sizge aı saıyn beriletin esep paraǵymen muqııat tanysyp shyǵyńyz. Jumys berýshiniń MÁMS júıesine qatysty aǵymdaǵy aı men jyl basynan bergi aýdarymdary jeke jolaqta kórsetilgen. Nazar aýdaryńyz: Qazir MÁMS úshin «Ustap qalý» baǵanynda eshqandaı soma joq!

Esepteý úlgisi:

2019 jyl

Túskeni - 100 000 teńge

Eńbekaqydan MÁMS-ke jarna ustap qalý - joq

Jumys berýshiniń aýdarymdary – 1500 teńge

Kelesi jyly saqtandyrý medısınasy engizilgende jaǵdaı ózgeredi. 2020 jyldyń qańtar aıynan bastap jumys berýshi sizdiń eńbekaqyńyzdyń 1%-yn (2022 jyly – 2%-dan) ustap, Medısınalyq saqtandyrý qoryna aýdara bastaıdy. Áıtse de belgili shegi bar – eń kóp degende 10 eń tómengi jalaqydan esepteledi.

Jumys berýshi jaldamaly personal úshin 2020-2021 jyldary - 2%, 2022 jyly - 3% aýdarym jasaýdy jalǵastyra beredi.

Esepteý úlgisi:

2020-2021 jyldar

Túskeni - 100 000 teńge

Eńbekaqydan MÁMS-ke jarna ustap qalý – 1000 teńge

Jumys berýshiniń aýdarymdary – 2000 teńge

 

2022 jyl

Túskeni - 100 000 teńge

Eńbekaqydan MÁMS-ke jarna ustap qalý – 2000 teńge

Jumys berýshiniń aýdarymdary – 3000 teńge

 Kim ózi tóleıdi?

Jeke kásipkerler, sharýa qojalyqtarynyń ıeleri jáne jeke tájirıbemen aınalysatyn tulǵalar (jeke advokattar, sot oryndaýshylary, t.b.) 2020 jyldan bastap aı saıyn 1,4  eń tómengi jalaqynyń 5% stavkasy boıynsha MÁMS jarnalaryn aýdaratyn bolady. Aǵymdaǵy jyldyń baǵasymen eseptesek, jarnanyń kólemi 2975 teńgeni quraıtyn edi.

Esepteý úlgisi:

Eń tómengi jalaqy 2019 jyly – 42500 teńge

42500 teńge H 1,4 = 59500 teńge

59500 teńgeden 5%  = 2975 teńge

Eń tómengi jalaqy jylma-jyl ózgeretindikten, 2020 jyly jarna somasy ózgeshe bolýy múmkin.

 

Barlyq turǵyndar (derbes tóleýshiler) medısınalyq saqtandyrý úshin eń tómengi jalaqynyń 5% mólsherinde tólem jasaı alady. 2019 jyly - 2125 teńge.

Esepteý úlgisi:

Eń tómengi jalaqy 2019 jyly – 42500 teńge

42500 teńgeden 5%  = 2125 teńge

Turaqty tabysy nemese resmı eńbek sharty joq azamattar da medısınalyq saqtandyrý júıesiniń qatysýshysy bola alady. Mundaı múmkindik jaldamaly eńbek kúshin tartpaı, ózge jeke tulǵalarǵa qyzmet kórsetip, ózin-ózi jumyspen qamtyp otyrǵan azamattarǵa (mysaly, saıajaıynyń kókónisteri men jemisterin satýmen, kómir tıeýmen nemese baqshaǵa egin egýmen, bala kútýshi, repetıtor sekildi jumystarmen, úıde kompıýter jóndeýmen aınalysatyn azamattar) beriledi.

О́zin-ózi jumyspen qamtyǵan azamattar biryńǵaı jıyntyq tólem (BJT) jasaı alady. Eń tómengi aýdarymdar úshin (0,5 – 1 AEK) azamat birden úsh áleýmettik júıeniń qatysýshysy bolady: zeınetaqy (jumys ótili esepteledi), áleýmettik jáne medısınalyq saqtandyrý. 2020 jyly keminde úsh aı qatarynan BJT tóleý medısınalyq qyzmetterdiń saqtandyrý paketin alýǵa múmkindik beredi.                                             

BJT esepteý úlgisi:

Respýblıkalyq jáne oblystyq mańyzy bar qalalar úshin - 1 AEK (2019 jyly  2525 teńge)

Aýyldyq jerler úshin  - 0,5 AEK ( 2019 jyly  1263 teńge)

Eske sala keteıik, Medısınalyq saqtandyrý júıesi zań arqyly engizildi. Jumys berýshilerdiń, JK, jeke tájirıbemen aınalysatyn adamdardyń júıeni oryndaýyn Memlekettik kirister departamenti salyq mindettemelerin oryndaý qaǵıdaty boıynsha qadaǵalaıtyn bolady. Tólem merzimin keshiktirgender úshin ósimpul júredi, qasaqana tólem jasamaıtyndardyń shotyna tyıym salynady.

                                                      

 

 

Sońǵy jańalyqtar

Eń qysqa áńgime. Aldabergen Kempirbaı

Eń qysqa áńgime • Búgin, 13:00

Eń qysqa áńgime. Erkeǵalı Beısenov

Eń qysqa áńgime • Búgin, 12:42

Eń qysqa áńgime. Kógedaı Shámerhan

Eń qysqa áńgime • Búgin, 12:39

Eń qysqa áńgime. Jasulan Serik

Eń qysqa áńgime • Búgin, 12:37

Eń qysqa áńgime. Aqjol Qalshabek

Eń qysqa áńgime • Búgin, 12:28

Eń qysqa áńgime. Nurbek Nurjanuly

Eń qysqa áńgime • Búgin, 12:24

Elbasy Takeo Kavamýramen kezdesti

Prezıdent • Búgin, 11:34

Saǵynaıdyń beıiti tabyldy

Aımaqtar • Búgin, 10:52

Aqmolanyń astyǵyna suranys mol

Aımaqtar • Búgin, 10:22

Kúlki kerýeni № 7

Rýhanııat • Búgin, 10:20

Uly dalanyń tarıhy qaıta jańǵyrýda

Qazaqstan • Búgin, 10:09

Atalmaı nege qalsyn Musa aty?!

Rýhanııat • Búgin, 10:01

«Astana» Nıderlandqa attandy

Sport • Búgin, 08:53

Jaqsy dástúr jalǵasady

Rýhanııat • Búgin, 08:49

Alashtanýshy ǵalymnyń belesi

Rýhanııat • Búgin, 08:47

Igilikti eńbek ıesi

Qoǵam • Búgin, 08:46

Namazaly Omashuly: El shejiresi

Rýhanııat • Búgin, 08:42

Taraz shaharyndaǵy tamasha tún

Aımaqtar • Búgin, 08:39

Tuńǵysh Til forýmy ótedi

Qoǵam • Búgin, 08:36

Patrıarhtyń oryndalǵan paryzy

Rýhanııat • Búgin, 08:33

Kedergisiz keleshek

Qoǵam • Búgin, 08:31

Endi mekenjaı anyqtamasyn suramaıdy

Qoǵam • Búgin, 08:29

Joshy hanǵa eskertkish ornatylady

Rýhanııat • Búgin, 08:24

Qazaqtardyń atqa miný mádenıeti

Qazaqstan • Búgin, 08:22

Eýrony satyp alýshylar kóbeıdi

Ekonomıka • Búgin, 08:20

AQR: 14 bankti «saýyqtyrý» kerek pe?

Ekonomıka • Búgin, 08:15

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Uqsas jańalyqtar