Sport • 23 Qyrkúıek, 2019

Qazaqstan kıokýsınkaı karate túrinen KWU IV álem chempıonatyn qabyldaıdy

36 ret kórsetildi

Qazaqstan kıokýsınkaı karate túri boıynsha erler men áıelder arasynda KWU IV Álem chempıonatyn qabyldaıdy. Bul týraly MSM Sport jáne dene shynyqtyrý isteri komıtetiniń baspasóz qyzmeti habarlady. 

7-8 jeltoqsan kúnderi Nur-Sultan qalasynda tolyq kontaktili karate boıynsha erler men áıelder arasynda salmaq dárejeleri boıynsha Búkilálemdik karate odaǵynyń 4-shi  Álem chempıonaty ótedi. Chempıonat uıymdastyrýshylary – Qazaqstannyń Jaýyngerlik óner qaýymdastyǵy, sondaı-aq, 2011 jyly qurylyp, Shveısarııada tirkelgen «Kyokushin World Union» Halyqaralyq qaýymdastyǵy.

Esterińizge salaıyq, Qazaqstannyń Jaýyngerlik óner qaýymdastyǵy - ótken jyly qurylǵan sporttyq uıym. Onyń quramyna olımpıadalyq emes sport túrleri boıynsha 20 akkredıttelgen sporttyq federasııa endi. Onyń basshysy bolyp Kárim Másimov saılandy.

Qaýymdastyq tórt baǵyt boıynsha: karate, jekpe-jek, tolyq kontaktili sport túrleri jáne MMA aralas jekpe-jek boıynsha jumys isteıdi.

Kıokýsınniń negizin salǵan belgili sheber - Masýtasý Oıama. Ol karate otany sanalatyn Japonııada ǵana emes, sonymen qatar álemniń túkpir-túkpirinde de tanymal sanalady. Kıokýsın negizine tek sporttyq qana emes, sondaı aq, jekpe-jektiń qoldanbaly aspektileri de jatady.   

Kıokýsın jaýyngerleriniń myqty rýhy men utymdy tehnıkasy aralas jekpe-jekterde, K-1 serııaly jarystar men álemniń arnaıy jasaq qyzmetterin daıarlaý kezinde birneshe ret dáleldendi. Álem chempıonaty Halyqaralyq Kyokushin World Union qaýymdastyǵy aıasynda ótkiziledi. Bul uıym 2011 jyly qurylyp, Shveısarııanyń Lozanna qalasynda tirkelgen. KWU uıymynyń basty mindeti – barlyq Kıokýsın federasııalaryn bir týdyń astyna biriktirý.  

KWU Álem chempıonaty Oıama prınsıpterin túsinetin, kez kelgen halyqaralyq uıymnyń jaýyngerin qabyldaýǵa daıyn.

2019 jyl barysynda álemniń 60-tan astam memleketinde ulttyq irikteý týrnırleri ótti, qorytyndysynda atalǵan Álem chempıonatyna qatysatyn ulttyq quramalar quralady. Bul chempıonatqa álemniń túkpir-túkpirinen eń myqty degen karateshiler qatysa alady. Olar óz memleketterin – Japonııa, Ispanııa, Polsha, Bolgarııa, Brazılııa, OAR, Avstralııa, Reseı jáne t.b. tanystyrady.

 

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar