Úkimet • 23 Qyrkúıek, 2019

Úkimettiń kezekti otyrysynda qandaı tapsyrmalar berildi

27 retkórsetildi

Úkimet otyrysynda óńirlerdiń aldaǵy kúzgi-qysqy maýsymǵa daıyndyǵy talqylandy, sondaı-aq, «Bastaý Bıznes» jobasyn iske asyrýdyń aralyq qorytyndysy jáne memlekettik satyp alýdaǵy jergilikti qamtý máseleleri qaraldy. Úkimet kýlýarynda buqaralyq aqparat quraldarynyń ókilderi kún tártibindegi ózekti suraqtarǵa jaýap aldy. Bul týraly primeminister.kz habarlady. 

Birinshi suraqty qaraý barysynda jylytý maýsymyna daıyndyq boıynsha atqarylyp jatqan jumystar týraly Indýstrııa jáne ınfraqurylymdyq damý mınıstri B. Atamqulov, Energetıka mınıstriniń birinshi orynbasary M. Dosmuhambetov baıandady.

Premer-Mınıstrge óńirlerde 10 606 derbes qazandyq nemese 99,8%, 45 908 turǵyn úı (98,1%) daıyndalǵany málimdeldi. 4 943,4 km jylý jelileri (99,1 %), 14 917,1 km (98,7%) sýmen jabdyqtaý jelileri jóndeldi. Kómir óndirýshi kompanııalar 75,1 mln tonna kómir óndirdi.

Áleýmettik nysandar turǵysynan JOO-lardyń 100%, balabaqshalardyń 95%, mektepterdiń 99%-y jylytý maýsymyna ázirlik aktilerin aldy. Densaýlyq saqtaý nysandarynyń jylytý maýsymyna ortasha daıyndyǵy 99% quraıdy.

Jalpy daıyndyqqa qaramastan, birqatar óńirde bekitilgen jóndeý jumystarynyń kestesinen artta qalýshylyq bar. Osyǵan baılanysty otyrys barysynda Batys Qazaqstan oblysynyń ákimi Ǵ. Esqalıev, Aqtóbe oblysynyń ákimi O. Orazalın jáne Nur-Sultan qalasynyń ákimi A. Kólginovtyń baıandamasy tyńdaldy. 

Jylytý maýsymyna daıyndyq jumysy Úkimettiń turaqty baqylaýyna alynǵan. Bul týraly, sondaı-aq, QR Premer-Mınıstriniń orynbasary Roman Sklıar habarlady. 

Otyrystyń birinshi suraǵyn qaraý qorytyndysyn shyǵara otyryp, Premer-Mınıstr Asqar Mamın ákimderge jóndeý jumystaryn ýaqytyly aıaqtap, otyndy qajetti kólemde aldyn ala jetkizýdi tapsyrdy.

«О́ńirlerdiń ákimderi eki apta ishinde belgilengen tártipte kómirdi daıarlaý jáne ótkizý pýnktteriniń ınfraqurylymynyń qazirgi jaǵdaıyn, jetkizilim kestesin, satylatyn kómirdiń baǵasyn jáne sapasyn tekserýi qajet, Indýstrııa jáne ınfraqurylymdyq damý mınıstrligi «Qazaqstan Temir joly» UK» AQ-men birlesip, kómir jetkizýge arnalǵan vagondardyń qajetti kólemin qamtamasyz etsin», — dedi A. Mamın.

Aıta ketý kerek, Úkimet otyrysynyń ekinshi bóliginde ónimdi jumyspen qamtý jáne jappaı kásipkerlikti damytý keshendi máselesi qaraldy. 

«Eńbek» memlekettik baǵdarlamasy aıasynda kásipkerlik negizderine oqytýǵa baǵyttalǵan «Bastaý Bıznes» jobasy belsendi túrde iske asyrylyp jatyr. Sonyń nátıjesinde azamattar bıznesti júrgizý boıynsha bilim ala otyryp, óz isterin ashady. Sondaı-aq, jeke qarajattary bolmaǵan jaǵdaıda, atalǵan azamattarǵa nesıeler beriledi. 

Basty operator — «Atameken» ulttyq kásipkerler palatasy. «Bastaý Bıznes» jobasyn iske asyrýdyń basty nátıjesi – úsh jylda 20 myńnan astam jańa bıznes jobalar iske qosyldy. Osy kezeńde 50 mlrd teńgege ónim men qyzmet shyǵaryldy. 

Sondaı-aq máseleni qaraý barysynda Eńbek jáne halyqty áleýmettik qorǵaý mınıstri B. Nurymbetov, Aýyl sharýashylyǵy mınıstri S. Omarov sóz sóıledi. 

Basty aralyq qorytyndylardyń qatarynda myna kórsetkishter bar:

2017-2019 jyldary 31 myńǵa jýyq azamatqa nesıe berildi;

óz jobalaryn qorǵaǵan 27 myń azamattyń 8,1 myńy granttar men nesıeler aldy;

1 teńge qoldaý sharalaryna 1,8 teńgege taýarlar shyǵarylyp, qyzmetter kórsetiledi;

nesıe alýshylar 8 384 jańa jumys ornyn ashty.

Baǵdarlamanyń sátti bolǵanyn eskere otyryp, aǵymdaǵy jyly nesıelendirýdi qarjylandyrý kólemi 2017 jylmen salystyrǵanda eki esege ulǵaıtylyp, shamamen 83 mlrd teńgeni qurady. Bıyl 19 myń adamǵa nesıe berý josparlanýda, onyń ishinde 16,7 myń aýylda, 2,3 myńy – qalada.

Osy máseleniń ekinshi bólimi memlekettik satyp alýdaǵy jergilikti qamtý úlesin arttyrý arqyly taýarlar men qyzmetterdiń otandyq óndirýshilerin qoldaý sharalaryna arnaldy.

Premer-Mınıstrdiń birinshi orynbasary – Qarjy mınıstri Álıhan Smaıylov 2020 jyldan bastap Pılottyq rejımde barlyq memlekettik satyp alýlardy biryńǵaı uıymdastyrýshylarǵa tıisti deńgeıde berýdi kózdeıtin Memlekettik satyp alýdy ortalyqtandyrý engiziletinin aıtty. Ákimshilendirýdi jeńildetý memlekettik satyp alýdaǵy jergilikti qamtýdy tıimdi retteýge múmkindik beredi.

QR Mınıstrler kabınetiniń otyrysyn qorytyndylaı kele, Úkimet basshysy «Bastaý-Bıznes», «Jas kásipker», shaǵyn kredıt berý jobalarynyń iske asyrylý máseleleri halyqtyń jumyspen qamtylýymen tyǵyz baılanysty ekenin, bul – Elbasy men Memleket basshysynyń alǵa qoıǵan basty mindetterdiń biri ekenin atap ótti.

Asqar Mamın «Bastaý-Bıznes» jobasyna qatysýshylardyń sanyn ulǵaıtyp, bıznesin ashqandar nemese keńeıtkender sanyn 20-dan 30%-ǵa deıin jetkizý máselesin pysyqtap, shaǵyn nesıe jáne grant berý boıynsha kózdelgen barlyq josparlardyń oryndalýyn jedeldetýdi, jergilikti qamtý boıynsha bekitilgen ındıkatorlardy oryndaýdy, zańnamanyń jáne ndýstrııalyq sertıfıkat pen «ST-KZ» sertıfıkatynyń talaptarynyń oryndalýyn qamtamasyz etýdi, sondaı-aq, kvazımemlekettik sektor sýbektileriniń satyp alýdy júzege asyrýy qaǵıdalarynda shaǵyn jáne orta bıznesti qoldaý tetikterin qarastyryp, olardyń bir aı merzimde qabyldanýyn qamtamasyz etýdi tapsyrdy.

«Mınıstrler men ákimderge qazaqstandyq qamtý boıynsha kórsetkishterdiń jáne tıisti zańnamanyń oryndalýy boıynsha derbes jaýapkershilik artylady», — dedi Premer-Mınıstr.

Dástúrli túrde otyrys qorytyndysy boıynsha BAQ ókilderi kýlýarda Úkimet múshelerine qyzyǵýshylyq tanytqan suraqtaryn qoıady. 

Qazir qalaǵa, turǵyndarǵa, qala mańyna eshqandaı qaýip tónip turǵan joq — N. Ermekbaev Arys qalasyndaǵy jaǵdaı týraly baıandady.

Úkimet kýlýarlarynda Qorǵanys mınıstri Nurlan Ermekbaev Arys qalasynan 60 shaqyrym qashyqtyqta arnaıy jabdyqtalǵan polıgon aımaǵynda josparly jarý jumystaryn júrgizý jáne tótenshe jaǵdaılar saldaryn joıý barysynda oq-dári fragmentiniń ózdiginen jarylýyna baılanysty oqıǵaǵa túsinik berdi.

«Qazir Arys qalasynda bolǵan oqıǵanyń saldaryn joıý boıynsha jumystardy júrgizýdiń eń kúrdeli, jaýapty ári qaterli kezeńi bastalǵanyn túsiný kerek. Búgingi kúnge deıin áskerı qyzmetkerler áskerı bólim mańyndaǵy aýmaqty tolyq derlik tazartyp, zalalasyzdandyrdy. Qazir qalaǵa, turǵyndarǵa, qala mańyna eshqandaı qaýip tónip turǵan joq. Bárin tazarttyq, jumystardy jalǵastyryp jatyrmyz. Búginde fragmentter, jaryqshaqtar men basqa da jarylmaǵan zattar kóptep jınalǵan qoımalar ishinde, áskerı bólim ishinde negizgi jumystar bastaldy... Tıisinshe, saperlerdiń jumysy qaýipti», — dep túsindirdi N. Ermekbaev.

Onyń aıtýynsha, áskerı bólim aýmaǵynyń ishinde jeke quramdy qaýipsizdendirý úshin barlyq qajetti sharalar qabyldanýda.

«21-i kúni zardap shekken áskerı qyzmetkerler dereý gospıtalge jetkizildi, olarǵa barlyq qajetti medısınalyq kómek kórsetilýde... Biz olardyń barlyǵy jýyrda qatarǵa qosylady dep úmittenemiz», — dedi mınıstr.

N. Ermekbaev atap ótkendeı, zańda qyzmettik jumystaryn atqarý kezinde jaralanǵandarǵa materıaldyq ótemaqy qarastyrylǵan.

«Turǵyndardyń alańdaýyna esh negiz joq. Áskerı bólimniń syrtynan fragmentter tabylýy múmkin, biraq olardyń 99%-nyń jarylys qaýipi joq. Soǵan qaramastan, biz turǵyndarǵa abaı bolyp, qaýipsizdik sharalaryn saqtaýǵa shaqyramyz. Áskerı bólim ishinde qater áli bar. Ol jerde jumys áli kóp», — dedi Qorǵanys mınıstri. 

 
 

 
Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar