Aımaqtar • 24 Qyrkúıek, 2019

«Sýperkolledj» jobasy iske qosyldy

14 retkórsetildi

О́ńirdegi iri óndiris orny – KAZ Minerals Aktogay kompanııasy taý-ken salasyna qajet jas mamandardy daıyndaý maqsatynda oblys­ta buryn-sońdy júzege asyrylmaǵan osyndaı tyń jobany qolǵa aldy. Jobanyń maqsaty – túlekterdiń biliktiligin kóte­rýmen qatar, mamandardy kompanııanyń qajettiligine saı aldyn ala oqytý. Jaqynda joba aıasynda oblys ortalyǵy О́skemendegi úsh birdeı bilim ordasynda jańartylǵan oqý synyptary ashyldy.

О́skemen kópsalaly tehnı­kalyq kolledjinde 252,6 mln teńgege taý-ken jabdyqtaryna qyz­met kórsetý jáne jóndeý slesarlarynyń oqý synyby, praktıkalyq sabaqtar synyby, dánekerleýshilerge, elektrmonterlerge, BО́Q jáne A slesarlaryna arnalǵan oqý synyptary qaıta jaraqtandyrylyp, de­monstrasııalyq jáne basqa da qajetti jabdyqtar ornatyldy. Sonymen qatar kompa­nııa oqý ornyna JCB 8035 eks­kavator-tıegishin, New Holland C227 shynjyr tabandy mını-tıegishin, Mitsubishi L-200 avtokóligin berdi. Al S.Amanjolov atyndaǵy ShQMÝ-diń joǵary kolledjinde 22,2 mln teńgege hımııalyq taldaý laboranttaryna arnalǵan oqý synyby jabdyqtalyp, ınteraktıvti jáne tehnıkalyq oqytý qural­dary, tabıǵı kolleksııalar, oqý plakattary, quraldar, beınefılmder, demonstrasııalyq jáne zerthanalyq aspaptar, hımııa­lyq reaktıvter men ydys­tar jıyntyǵy, ústelder men­ oryndyqtar jetkizildi.

Son­daı-aq kompanııa qarajaty ese­binen 6,1 mln teńgege kolledjde oqyp, óndiristik jáne dıplomal­dy tájirıbeden ótý úshin stýdentterge 15 grant bólindi. Olar dıplom alǵannan keıin Aq­­toǵaı ken baıytý kombınatyna jumysqa ornalasady. S.Amanjolov ýnıversıtetinde ashylǵan dárishanaǵa osy oqý ornynyń alǵashqy rektory, UǴA akademıgi, Qazaqstan-Amerıka erkin ýnıversıtetiniń prezıdenti Erejep Mámbetqazıevtiń esimi berildi. D.Serikbaev atyndaǵy ShQMTÝ-diń joǵary tehnıkalyq kolledjinde 14,7 mln teńgege «Paıdaly qazbalardy baıytý» mamandyǵyna arnalǵan oqý sy­nyby jabdyqtaldy. Úgitý, usaqtaý, flotasııa, qoıý­landyrý úderisteri boıynsha oqytý baǵ­dar­­la­masynda qaras­tyrylǵan zerthanalyq-tájirı­belik ju­mys­­­tarǵa arnalǵan jabdyqtar ornatyldy.

Bul oqý ornyna da 15 grant bólinip, dıplom be­rýdi kózdeıtin 10 aılyq oqy­tý baǵdarlamasy iske qo­syldy. Aıagóz qalasyndaǵy po­lıtehnıkalyq kolledjinde dánekerleýshiler men elektrmonterlerge arnalǵan oqý synyptary buǵan deıin 49,9 mln teńgege jóndelip, jabdyqtalǵan bolatyn. «KAZ Minerals Aktogay» JShS Aıagóz aýdany aýmaǵynda ornalasqandyqtan eki jyl qa­tarynan aýdandaǵy mektep tú­lekterine bilim granttaryn bó­lip keledi. Budan bólek óndiris or­ny Aıagóz aýdanynda 178 mln teńgeden astam qarajatqa bir­neshe mektepter men balabaq­sha­lardyń ǵımarattaryn jóndeý­den ótkizip, balalar men sport alań­daryn salyp bergen-di. Oraıy kelgende aıta keteıik, óndiris orny jobaǵa jalpy kó­le­mi 535 mln teńge qarajat qaras­tyryp otyr.

«Aqtoǵaı ken baıytý kombınatynda jańa jabdyqtar orna­tylǵan jáne óndiristiń zamanaýı tehnologııalary qoldanylady. Biz kompanııanyń talaptaryna jaýap beretin jas mamandar­dy oqytýǵa múddelimiz. Osy maq­­­satta «Sýperkolledj» at­ty jobany iske qostyq. Oqý oryn­­­­darynyń basshylary bizdi qol­­da­ǵanyna qýanyshtymyz» deı­di «KAZ Minerals Aktogay» JShS qyzmetkerlermen jumys basqarmasynyń bastyǵy Baýyr­jan Ábilqasymuly.

 

О́SKEMEN

 

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar