Prezıdent • 24 Qyrkúıek, 2019

Qazaqstan Prezıdenti AQSh-tyń iri bıznes ókilderimen kezdesti

53 retkórsetildi

Memleket basshysynyń Nıý-Iorkke jasaǵan saparynyń alǵashqy kúnine qurylǵan resmı baǵdarlamasy amerıkalyq iri kompanııalardyń basshylary qatysqan jıyn ótkizýimen túıindeldi. Bul týraly Aqordanyń baspasóz qyzmeti habarlady.

Qasym-Jomart Toqaev óz sózinde Qazaqstan-Amerıka bıznes-qaýymdastyǵynyń ókilderin Qaýymdastyqtyń qurylǵanyna 20 jyl tolýymen quttyqtap, osy is-sharany uıymdastyrǵany úshin rızashylyǵyn bildirdi.

Prezıdent sóz basynda Elbasy Nursultan Nazarbaevtyń 2018 jyldyń qańtar aıyndaǵy AQSh-qa sapary aıasynda jasalǵan qazaqstandyq-amerıkalyq keńeıtilgen strategııalyq áriptestik týraly birlesken málimdemege qol qoıylǵanyna toqtalyp, sol kezden bastap eki el arasyndaǵy saýda-ekonomıkalyq jáne ınvestısııalyq yntymaqtastyqtyń aıtarlyqtaı nyǵaıa túskenin atap ótti.

Memleket basshysy AQSh Qazaqstan ekonomıkasynyń iri ınvestorlarynyń biri ekenin de aıtty. Búginde bizdiń elimizge amerıkalyq ınvestorlar jalpy kólemi 45 mıllıard dollardan astam qarjy salǵan. Qazaqstanda 500-den asa amerıkalyq kompanııa jumys isteıdi.

– 2018 jyly Qazaqstanǵa tikeleı tartylǵan amerıkalyq ınvestısııalar kólemi 5,3 mıllıard dollarǵa jetip, jańa rekord ornatty. Al ózara saýda kólemi eki esege artyp, 2018 jyly 2,8 mıllıard dollardy qurady, – dedi Qasym-Jomart Toqaev.

Qazaqstannyń ekonomıkalyq múmkindikteri týraly aıtqan Prezıdent amerıkalyq bıznesmenderdiń nazaryn el damýyndaǵy úsh mańyzdy máselege aýdardy. Olar: qolaıly ınvestısııalyq ahýal, naryq pen kommýnıkasııany damytý jáne adamı kapıtaldy nyǵaıtý.

Memleket basshysy amerıkalyq seriktesterge Qazaqstan Úkimetiniń ınvestısııalyq ahýaldy jaqsartý maqsatynda zań ústemdigin, kelisim-sharttarǵa  qol suǵylmaýyn jáne zııatkerlik menshik quqyǵyn qorǵaýdy qamtamasyz etý baǵytyndaǵy jumystardy jalǵastyra beretinin jetkizdi. Onyń aıtýynsha, ınvestorlarmen jumys isteýdegi basty másele turaqtylyq pen ashyqtyqty saqtaý bolyp tabylady.

Áńgime barysynda Qazaqstannyń energetıka, aýyl sharýashylyǵy, qarjy jáne adamı kapıtal salalaryndaǵy áleýeti týraly da aıtyldy. Sonymen qatar, Qasym-Jomart Toqaev elimizdiń kólik-logıstıkalyq múmkindikterine de jeke toqtaldy.

– Qazaqstan Shyǵys pen Batysty jalǵaıtyn mańyzdy kólik haby bolyp esepteledi. Transkontınentaldyq baǵyttardyń 70 paıyzdan astamy Qazaqstan aýmaǵy arqyly ótedi, – dep atap ótti Qazaqstan Prezıdenti.

Sóz sońynda Qasym-Jomart Toqaev Amerıkanyń isker top ókilderine el Prezıdenti retinde Qazaqstan men AQSh arasyndaǵy ekonomıkalyq áriptestiktiń artýyna kúsh-jigerin jumsaıtynyn aıtty.

Osy kúni Memleket basshysy taǵy da birqatar iri halyqaralyq kompanııalardyń basshylarymen kezdesý ótkizdi.

Prezıdent «Royal Dutch Shell» kompanııasynyń bas atqarýshy dırektory Ben Van Bardenmen munaı-gaz jobalaryn júzege asyrý jónindegi yntymaqtastyq jaıyn talqylady.

Memleket basshysy «JPMorgan Chase & Co.» transulttyq kompanııasy Dırektorlar keńesiniń tóraǵasy jáne bas atqarýshy dırektory Djeımı Daımonmen qarjy ınstıtýttary arqyly ózara is-qımyl máselesin qarady.

«Tyson Fresh Meats» kompanııasynyń prezıdenti Stıv Staýffermen jáne «Valmont Industries» kompanııasynyń bas atqarýshy dırektory Stıv Kanevskımen kezdesýinde aýyl sharýashylyǵy salasyndaǵy ınvestısııalyq jobalardy iske asyrý máseleleri qozǵaldy.

«Plug' n Play» kompanııasynyń bas atqarýshy dırektory Saıd Amıdımen, «500 Startups» startap-akseleratorynyń jáne venchýrlik qorynyń vıse-prezıdenti, basqarýshy seriktesi Bedı Iаngpen kezdesý kezinde startap-jobalar salasyndaǵy yntymaqtastyq perspektıvalary sóz boldy.

Sondaı-aq, Qazaqstan Prezıdenti «Amazon Web Services» kompanııasynyń jahandyq memlekettik saıasat jónindegi vıse-prezıdenti Maıkl Pýnkpen elektrondy saýda salasyndaǵy ózara is-qımyl jaǵdaıyn talqylady.

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar