Aımaqtar • 24 Qyrkúıek, 2019

Qaraǵandyda ónerli órenderdiń kórme-baıqaýy bastaldy

90 ret kórsetildi

Kenshiler astanasynda «Altyn qazyna» jáne «Sheberler qalasy» atty respýblıkalyq eki baıqaýdyń oblystyq kezeńine qatysqan jumystardyń kórme-baıqaýy ashyldy.

«Rýhanı jańǵyrý» baǵdarlamasy aıasyndaǵy bul mádenı sharaǵa qatysý úshin óńirdiń barlyq mektepterinen oqýshylar qolynan shyqqan 150-den astam jumys túsken bolatyn. Al olardyń ishindegi eń úzdikteri ǵana oblystyq beıneleý óneri murajaıynyń tórinen oryn aldy.

Kórme-baıqaýdy Qaraǵandy oblystyq bilim berý basqarmasy men «Saryarqa daryny» balalarǵa qosymsha bilim berý aımaqtyq ǵylymı-praktıkalyq ortalyǵy uıymdastyrdy.

«Saryarqa daryny» ortalyǵy basshysynyń orynbasary Saıat Balmaqaev bul baıqaýlardyń beıneleý óneri men balalar shyǵarmashylyǵyn damytýǵa jáne qoldaýǵa baǵyttalǵanyn atap ótti.

1

– Jumystar jeti atalym boıynsha usynyldy. Qazylar alqasy bir apta boıy bul jumystardy baǵalaıtyn bolady. Jeńimpazdardy sertıfıkattarmen, dıplomdarmen jáne uıymdastyrýshylardyń syılyqtarymen marapattaımyz. Úzdik shyqqan jumystar aldymyzdaǵy qarasha aıynda Shymkent qalasynda ótetin respýblıkalyq baıqaýǵa usynylatyn bolady. Qatysýshylardyń jasy 11 men 16 jas aralyǵynda, – dedi ol.

Osymen úshinshi jyl qatarynan uıymdastyrylyp kele jatqan kórme-baıqaýǵa qatysýshylar arasynda Qaraǵandy, Temirtaý, Abaı, Saran qalalarynyń jáne Jańaarqa, Buqar jyraý, Qarqaraly aýdandarynyń oqýshylary bar.

  

 

Qaraǵandy oblysy

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar