Parlament • 24 Qyrkúıek, 2019

D. Nazarbaeva Birikken Arab Ámirlikteri Federaldyq ulttyq keńesiniń Tóraǵasymen kezdesti

20 ret kórsetildi

Senat Tóraǵasy Birikken Arab Ámirlikteriniń Federaldyq ulttyq keńesiniń Tóraǵasy Amal Al-Kýbeısımen kezdesti. Ekijaqty qarym-qatynastar men halyqaralyq kún tártibindegi keshendi máseleler talqylandy. Bul týraly Senattyń baspasóz qyzmeti habarlady.

Taraptar Qazaqstan men Ámirlikterdiń qatynastaryn damytýdyń aýqymdy áleýetin atap ótti. Ǵarysh, energetıka, onyń ishinde jańartylatyn energııa kózderi, azyq-túlik qaýipsizdigi, bilim berý, mádenıet, týrızm salalaryndaǵy yntymaqtastyq pen tájirıbe almasý – keleshegi bar baǵyttar bolyp tabylady.

Darıǵa Nazarbaeva sondaı-aq BAÁ basshylyǵynyń áıelderdiń quqyqtary men múmkindikterin keńeıtýge, genderlik teńdik pen toleranttylyqqa qatysty óskeleń kózqarastaryna nazar aýdardy.

«El Prezıdenti sheıh Halıfa ben Zaıd Ál Nahaıannyń Federaldyq Ulttyq keńestiń aldaǵy jańa quramyndaǵy oryndardyń jartysyn áıelderge berý sheshimi olardyń memlekettiń turaqty jáne tıimdi damýyn qamtamasyz etýdegi rólin moıyndaýynyń dáleli bolyp otyr.

Qazaqstanda Sizdiń elińizdiń tájirıbesine muqııat nazar aýdaryp otyr. Elbasy – Qazaqstannyń Tuńǵysh Prezıdentiniń áıelderdiń múmkindikterin keńeıtý jónindegi kózqarasy men saıasaty BAÁ basshylyǵynyń kóptegen ustanymdarymen sáıkes keledi», - dep atap ótti D. Nazarbaeva.

Birikken Arab Ámirlikteri Federaldyq ulttyq keńesiniń Tóraǵasy doktor Amal Al-Kýbeısı óz kezeginde qonaqjaılyǵy úshin Qazaqstanǵa alǵysyn bildirip, Senat Tóraǵasy bolyp taǵaıyndalýyna baılanysty jyly lebizin bildirdi.

«Sizdiń taǵaıyndalǵanyńyzdy estigende shyn júrekten qýandym. Siz Azııa elderinde ǵana emes, jer júzindegi kóptegen áıelderge úlgi bolyp kelesiz. Sizdiń ıdeıalaryńyz ben tájirıbelerińiz Qazaqstannyń ıgiligi úshin qyzmet etedi dep senemin», - dedi Amal ál-Kýbeısı.

2019 jyly 25 qyrkúıekte Baıqońyrdan alǵash ret Birikken Arab Ámirlikteriniń astronavty orbıtaǵa ushady. Amal Al-Kýbeısı bul tarıhı oqıǵa da eki eldiń damýyndaǵy jańa kezeń ekenin atap ótti.

Taraptar sondaı-aq halyqaralyq qatynastardaǵy mańyzdy máseleler týraly aıtty. Darıǵa Nazarbaeva men Amal Al-Kýbeısı álemdegi, onyń ishinde Taıaý Shyǵystaǵy kóptegen qaqtyǵystardy tek saıası únqatysý arqyly sheshýge bolady, dep sanaıdy.

Amal Al-Kýbeısı terrorızm men ekstremızmniń taralýyn boldyrmaý joldaryn birlesip izdeýde saıasatkerler men din ókilderiniń kúsh-jigeriniń mańyzdylyǵyn atap ótti.

«Qazaqstan men Tuńǵysh Prezıdent Nursultan Nazarbaevqa terrorızm men ekstremızmniń taralýyna qarsy kúreske baǵyttalǵan bastamalary úshin alǵys aıtamyn. Biz Prezıdent Qasym-Jomart Toqaevtyń osy baǵyttaǵy kúsh-jigerin joǵary baǵalaımyz jáne Sizdiń barlyq bastamalaryńyzdy qoldaımyz», - dedi Birikken Arab Ámirlikteriniń Federaldyq ulttyq keńesiniń Tóraǵasy Amal Al-Kýbeısı.

Sońǵy jańalyqtar

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Qyzylordada eki kúnde 36 adam ustaldy

Aımaqtar • 07 Tamyz, 2020

Uqsas jańalyqtar