Aımaqtar • 29 Qyrkúıek, 2019

Áriptestik áleýeti artyp keledi

163 retkórsetildi

Qazaqstan men Reseı memleketaralyq yntymaqtastyǵy, ári osy sheńberde dástúrge engizilgen shekaralyq aımaqtar forýmdary Aqtóbe oblysynyń ákimdigi men Tatarstan respýblıkasy arasyndaǵy áleýmettik-ekonomıkalyq baılanystardyń tereńdeı túsýine jol ashyp otyr.

Bul baǵytta 2017 jyldyń 9 qarashasy kúni kórshiles óńir basshylary qol qoıǵan kelisimge sáıkes eki jaqty qarym-qatynastardyń aıasy keńeı tústi. Aıtalyq Aqtóbe oblysynan Tatarstanǵa aımaq ındýstrııasynyń san túrli ónimderi jóneltilse, týystas elden óndirisi órken jaıǵan óńirge etılen polımerleri, burandalar men gaıkalar jáne glýharlar men tirkemeler jetkiziledi. О́z kezeginde aqtóbelik mal ósirýshiler Tatarstannan sútti asyl tuqymdy sıyrlardy satyp alyp júr.

Qos tarap ózara baılanystar sheńberinde bir birinen úırenýge, ári birinde joǵyn biri tolyqtyrýǵa yńǵaı tanytyp keledi. Osy oraıda aqtóbelikter úshin álemniń iri kompanııalyrmen birigip jumys jasaıtyn Qazan qalasyndaǵy ınvestısııalyq damý agenttiginen alatyn is-tájirıbe az emes deýge bolady. Bul qurylym 2011 jyly iske qosylǵan, taıaýda Tatarstanǵa óńiraralyq kelisimdi odan ári tereńdete túsý maqsatymen Aqtóbe oblysynyń ákimi Ońdasyn Orazalın bastaǵan top taǵy da barǵan-dy. Sol kezde olar atalǵan ekonomıkalyq aımaqta tájirıbe almasýǵa jáne birigip jumys jasaýǵa turatyndaı irgeli de ilkimdi ister mol ekenine kóz jetkizdi.

Ras, Aqtóbe qalasyndaǵy ındýstrııaldyq aımaqtyń áleýeti de jyldan jylǵa artyp keledi. Ásirese munda óndiris oryndaryn ashýǵa sheteldik ınvestorlardyń qyzyǵýshylyq tanyta bastaǵany eleýli is. Osyndaı jaǵdaıda Aqtóbe oblystyq ındýstrııaldyq-ınnovasııalyq damý basqarmasy men Tatarstan respýblıkasynyń ınvestısııalyq damý agenttigi ortaq tabysqa qol jetkize alary anyq. Dál osyndaı tujyrymdy eki jaqtaǵy óńirlik jáne saýda ónerkásip palatalaryna qatysty jasaýǵa da ábden bolady. Bul rette qol qoıylǵan ózara yntymaqtastyq týraly memorandýmdar tıisti nátıjege qol jetkizýdiń tetigi bola alǵanyn qalar edik. Eki óńirge ortaq taǵy bir ónerkásiptik býyn hımııa óndirisi desek qatelese qoımaspyz. Osy oraıda týystas eldegi «HımGrad» kesheni rezıdentterge alańdar men jer telimderin jalǵa berip satýmen aınalysatynyn aıtqan jón. Mundaı tásil óndiristi tezirek órge bastyrýǵa septigin tıgize alady eken. Atalǵan keshenniń jalpy aýmaǵy 131 gektardy qurasa, ǵımarattar men qurylystardyń jobalaý aýdany 500 myń metr sharshy metrden asyp túsedi.

Tutastaı alǵanda Tatarstandaǵy hımııa ónerkásibiniń basty tinin polıetılendi qaıta óńdeý jáne nanotehnologııalar quraıtynyn kóremiz. Sonymen birge munda resýrstardy únemdeý men energııa tıimdiligin kóterý isinde de nazar aýdarýǵa turatyndaı jetistikter az emes ekeni baıqalady. Medısınalyq tehnologııalar salasynda Tatarstanda shaǵyn jáne orta bıznes sheńberinde 282 kompanııa jumys jasaıtyny da úırenýge laıyqty úrdis deýge bolady. Bul ásirese respýblıka óńirleri arasynda balamasy joq medısınalyq klaster qura bilgen aqtóbelik medısına mamandary úshin tipten qajettirek ekeni talassyz másele.

Sondaı-aq Tatarstanda aýyl sharýashylyǵyna jáne budan da ózge salalarǵa qoldanýǵa qajetti qondyrǵylar aqtóbelik delegasııa músheleriniń qyzyǵýshylyǵyn tanytty. Sonyń biri ushqyssyz basqarylatyn «Flyp» júk drony. Sóz joq mundaı tıimdi de jańa tehnologııa Aqtóbe oblysynda da júzege asyrylyp jatsa, munyń eshqandaı artyqshylyǵy joq. Búgingi kúni aýyl sharýashylyǵy taýaryn óndirýshiler óz ónimderin saqtap qaıta óńdeýde ári ony býyp túıip halyqqa tikeleı jetkizip satý jumystaryn atqarýda belgili bir kedergilerge kezdesip qalyp jatady. Bul rette onyń bárin bir alańda júrgizýge múmkindik beretin «Qazan» agroónerkásiptik kesheni de aqtóbelikterge úlken oı salǵandaı áserde qaldyq.

Aqtóbe elimizdegi halyqaralyq mártebesi bar iri áýe ortalyqtarynyń biri. Bul faktor Aqtóbe men Qazan qalalary arasyndaǵy áýe qatynastaryn retteýge múmkindik týǵyzady. Oblys ákimi Ońdasyn Orazalın men «Iývt Aero» AQ áýe kompanııasynyń bas dırektory Petr Trýbaev eki shahardyń arasynda áýe baǵyttaryn retke keltirý jónindegi kelisimge qol qoıdy. Bul jáıt aldaǵy ýaqytta naqty túrde júzege asatyn bolsa nur ústine nur.

Bıylǵy 2019 jyldyń jeti aıynda bizdiń oblys pen Tatarstan respýblıkasy arasyndaǵy

syrtqy saýda aınalymnyń kólemi jıyrma mıllıon AQSh dollaryna jýyqtady. Onyń mólsheri jyl aıaǵyna deıin taǵy da óse túsedi degen oıdamyz. Buǵan búgingi kezdesýler kezinde jasalǵan jańa kelisimder de óz áserin tıgizýge tıis. Sonymen birge biz Qazanǵa kelgen saparymyz kezinde Tatarstan respýblıkasynyń Prezıdenti Rýstam Mınnıhanovpen kezdesip, týrızm, kásipkerlik, densaýlyq, bilim jáne hımııa ónerkásibi salalaryndaǵy eki jaqty qarym-qatynastardyń keleshegin talqylap aldaǵy ýaqytta tize qosyp jumys jasaýǵa ýaǵdalastyq, - dedi gazet tilshisine Aqtóbe oblysynyń ákimi Ońdasyn Orazalın.

Mine, elimizdegi óndirisi órken jaıǵan óńirlerdiń biri Aqtóbe men týystas Tatarstan arasyndaǵy áleýmettik-ekonomıkalyq qarym-qatynastardyń keıbir qyrlary osyndaı.

 

Aqtóbe – Qazan – Aqtóbe

 

Sońǵy jańalyqtar

Eń qysqa áńgime. Aldabergen Kempirbaı

Eń qysqa áńgime • Búgin, 13:00

Eń qysqa áńgime. Erkeǵalı Beısenov

Eń qysqa áńgime • Búgin, 12:42

Eń qysqa áńgime. Kógedaı Shámerhan

Eń qysqa áńgime • Búgin, 12:39

Eń qysqa áńgime. Jasulan Serik

Eń qysqa áńgime • Búgin, 12:37

Eń qysqa áńgime. Aqjol Qalshabek

Eń qysqa áńgime • Búgin, 12:28

Eń qysqa áńgime. Nurbek Nurjanuly

Eń qysqa áńgime • Búgin, 12:24

Elbasy Takeo Kavamýramen kezdesti

Prezıdent • Búgin, 11:34

Saǵynaıdyń beıiti tabyldy

Aımaqtar • Búgin, 10:52

Aqmolanyń astyǵyna suranys mol

Aımaqtar • Búgin, 10:22

Kúlki kerýeni № 7

Rýhanııat • Búgin, 10:20

Uly dalanyń tarıhy qaıta jańǵyrýda

Qazaqstan • Búgin, 10:09

Atalmaı nege qalsyn Musa aty?!

Rýhanııat • Búgin, 10:01

«Astana» Nıderlandqa attandy

Sport • Búgin, 08:53

Jaqsy dástúr jalǵasady

Rýhanııat • Búgin, 08:49

Alashtanýshy ǵalymnyń belesi

Rýhanııat • Búgin, 08:47

Igilikti eńbek ıesi

Qoǵam • Búgin, 08:46

Namazaly Omashuly: El shejiresi

Rýhanııat • Búgin, 08:42

Taraz shaharyndaǵy tamasha tún

Aımaqtar • Búgin, 08:39

Tuńǵysh Til forýmy ótedi

Qoǵam • Búgin, 08:36

Patrıarhtyń oryndalǵan paryzy

Rýhanııat • Búgin, 08:33

Kedergisiz keleshek

Qoǵam • Búgin, 08:31

Endi mekenjaı anyqtamasyn suramaıdy

Qoǵam • Búgin, 08:29

Joshy hanǵa eskertkish ornatylady

Rýhanııat • Búgin, 08:24

Qazaqtardyń atqa miný mádenıeti

Qazaqstan • Búgin, 08:22

Eýrony satyp alýshylar kóbeıdi

Ekonomıka • Búgin, 08:20

AQR: 14 bankti «saýyqtyrý» kerek pe?

Ekonomıka • Búgin, 08:15

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Uqsas jańalyqtar