Qoǵam • 01 Qazan, 2019

Úkimette oqýshylardyń bos ýaqytyn tıimdi ótkizýin qamtamasyz etý máselesi talqylandy

50 retkórsetildi

Premer-Mınıstrdiń orynbasary Berdibek Saparbaev bilim jáne áleýmettik-mádenı salaǵa qatysty túrli máseleler jóninde keńes ótkizdi. Bul týraly primeminister.kz habarlady.

Keńeske Bilim jáne ǵylym, Mádenıet jáne sport, Ishki ister, Syrtqy ister, Qarjy, Aqparat jáne qoǵamdyq damý mınıstrlikteriniń ókilderi qatysty. Beınekonferensııa baılanysy rejıminde balalar quqyǵy jónindegi ýákiletti Arýjan Saın, oblystardyń, Nur-Sultan, Almaty jáne Shymkent qalalary ákimderiniń orynbasarlary qatysty. 

Kún tártibinde mektep oqýshylarynyń sabaqtan tys, kanıkýl kezinde jáne demalys kúnderi ispen shuǵyldanýyn jáne bos ýaqytyn ótkizýin uıymdastyrý maqsatynda jumys istep turǵan mádenıet, sport, bilim nysandaryn paıdalaný máselesi qaraldy. 

Bilim jáne ǵylym mınıstrliginiń derekteri boıynsha, elimizdegi mektepterdiń 86%-y sport jáne akt zaldarymen qamtamasyz etilgen. Mektepterde 39 440 sport seksııalary bar, olarǵa 1 mln 150 myń bala qatysady. BǴM, MSM jáne ákimdikterdiń bilim berý, mádenıet jáne sport nysandaryn balalardyń bos ýaqytyn ótkizýin qamtamasyz etý maqsatynda utymdy paıdalaný máseleleri jónindegi birlesken buıryǵy ázirlengen.

«Qolda bar ınfraqurylymnyń qoljetimdiligi men tıimdi paıdalanylýyn uıymdastyrý qajet. Jyl saıyn elimizde júzdegen jańa nysandar: sporttyq ǵımarattar, mýzeıler, teatrlar salynady. Árbir mektepte derlik sport jáne akt zaldary bar, olardy sabaqtan bos ýaqytta barynsha paıdalanyp, qoljetimdi seksııalar men úıirmeler uıymdastyrý kerek. Munyń barlyǵy jas urpaqtyń rýhanı, adamgershilik tárbıesine, saýyqtyrylýyna, shyǵarmashylyq jáne áleýmettik turǵyda óz qabiletterin júzege asyrýyna yqpalyn tıgizetin bolady», — dedi vıse-premer.

Sonymen qatar keńeste elimizdiń óńirlerinde sport ınfraqurylymdaryna qajettiligi zor óńirlerde 100 dene shynyqtyrý-saýyqtyrý keshenin salý barysy talqylandy. 

Elbasy tıisti tapsyrmany «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda berdi. Ony iske asyrý maqsatynda Mádenıet jáne sport mınıstrligi salý josparlanǵan dene shynyqtyrý-saýyqtyrý keshenderiniń tizimin ázirledi, oǵan sáıkes 2019 jyly 22 nysandy, 2020 jyly 37-sin, 2021 jyly 41 nysandy paıdalanýǵa berý kózdelgen. 

Budan ózge, keńes qatysýshylary Abaı Qunanbaıulynyń 175 jyldyǵyn, ál-Farabıdiń 1150 jyldyǵyn jáne Altyn Ordanyń 750 jyldyǵyn atap ótýge daıyndyq máselelerin, QR Tuńǵysh Prezıdenti – Elbasyn qorynyń «El úmiti» jáne «Qamqorlyq» bastamalaryn iske asyrý, sondaı-aq, mektepterdi polısııa ýchaskelik ınspektorlarymen qamtamasyz etý máselelerin talqylady. 

Keńes qorytyndysyn shyǵara otyryp, vıse-premer jasóspirimder arasyndaǵy quqyq buzýshylyqtyń aldyn alý máseleleri tóńireginde vedomstvoaralyq kooperasııanyń qajet ekenin atap ótti.

«Beıindi organdar arasynda tıisti ózara is-qımyl joq. Mektep jáne ýchaskelik ınspektorlar, áleýmettik qyzmetkerler, psıhologtar men pedagogtar tyǵyz yntymaqtastyqta jasóspirimder arasyndaǵy quqyq buzýshylyqtyń aldyn alyp, ómirlik qıyn jaǵdaıǵa tap bolǵan balalardy anyqtap, olarmen jumys jasaýy tıis. Sonymen birge jaýapkershilik tek mektepke júktelmeıdi. Birinshiden, balany tárbıeleý – bul ata-ananyń mindeti jáne jaýapkershiligi», — dep qorytyndylady B. Saparbaev.

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar