Qoǵam • 02 Qazan, 2019

Mańǵystaýda ustazdar ulyqtaldy

110 retkórsetildi

Aqtaýdaǵy Abaı atyndaǵy mádenıet kesheninde ustazdar merekesine oraı saltanatty shara ótti. Bul týraly Mańǵystaý oblysy ákiminiń baspasóz qyzmeti habarlady.

- Aldaǵy ýaqytta jańa zań aıasynda muǵalimderdiń jalaqy mólsherin ulǵaıtý, qosymsha eńbek úshin ústemeaqy tóleý, zańsyz tekseristerdi boldyrmaý júıeli jolǵa qoıylady. Muǵalimniń ar-ojdany men qadir-qasıetin qorǵaý, bolashaq irgesi – bilimdi jastardy izgilendirýde atqarǵan eńbegin óz deńgeıinde baǵalaý, áleýmettik ári materıaldyq qoldaý kórsetý iske asady. Jańa zamannyń jas urpaǵyna sapaly bilim berý úshin pedagogtar da kásibı bilim-biliktiligin jan-jaqty jetildirip, úzdiksiz izdenis daǵdysyn qalyptastyrýy tıis, dedi aımaq basshysy Serikbaı Trumov.

Mańǵystaý oblysy ákimdiginiń bastamasymen jyl saıyn ótkiziletin «Bilim úzdigi» konkýrsynyń mańyzy zor. Osy jyly konkýrsqa qatysý úshin 160 pedagog jáne 22 bilim berý uıymy qujattaryn usynǵan. «Úzdik aýyl mektebi» alǵashqy nomınasııasy boıynsha Túpqaraǵan aýdany Aqshuqyr mektep lıseıi úzdik dep tanyldy. Bul bilim ordasy «IýNESKO klýby» quramyna engen. «Úzdik qala mektebi» nomınasııa boıynsha «Bilim-ınnovasııa» lıseıine, «Úzdik tehnıkalyq jáne kásiptik bilim berý uıymy» nomınasııa boıynsha Halel О́zbekǵalıev atyndaǵy Mańǵystaý polıtehnıkalyq kolledjine, «Úzdik mektepke deıingi uıym» nomınasııa boıynsha Qaraqııa aýdany «Aıgólek» balabaqshasyna, «Úzdik qosymsha bilim berý uıymy» nomınasııa boıynsha Abyl Taraquly atyndaǵy balalar óner mektebine 1 mıllıon teńge syıaqy tabystaldy.

1

Pedagogtar otbasyn nasıhattaý jáne áleýmettik qoldaý maqsatynda oblysta jyl saıyn «Úlgili pedagog otbasy» saıysy ótkizilip turady. Bıyl osy nomınasııa boıynsha bas júldeni Djamalovtar januıasy ıelendi.

Sonymen qatar 12 nomınasııa boıynsha jáne «Jyl muǵalimi» nomınasııasynyń II orynǵa ıe bolǵan ustazdaryna arnap 500 myń teńge men oblystyq kásipodaq uıymynyń atynan Shýchınsk shıpajaıyna joldama berildi.

О́lkede áýletimen muǵalimdik qyzmetti tańdap, ustazdar dınastııasyn qurǵan Kórpelıevter januıasy, 500 myń teńge sertıfıkatpen marapattaldy.

Sondaı-aq, óz mamandyǵynyń kásibı ıeleri QR Bilim jáne ǵylym mınıstrliginiń «Eńbek ardageri» medalin, eki muǵalim «Ybyraı Altynsarın», úsh muǵalim «Bilim berý isiniń qurmetti qyzmetkeri» tósbelgilerin, taǵy 19 ustaz oblys ákiminiń alǵys hattaryn aldy.

 

 

Mańǵystaý oblysy

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar