Saıasat • 03 Qazan, 2019

Mınıstrler aıyppul tóleýi tıis

36 retkórsetildi

Senatta bıýdjettiń tıimsiz oryndalǵany úshin sheneýnikterdiń jaýapkershiligin arttyrý usynyldy. Bul týraly Parlament Senatynyń baspasóz qyzmeti habarlady.

Parlament Senatynyń Tóraǵasy Darıǵa Nazarbaeva Bıýdjet zańnamasyn jetildirý jónindegi keńestiń otyrysyn ótkizdi. Depýtattar aldynda Ulttyq ekonomıka mınıstri Rýslan Dálenov sóz alyp, bıýdjet prosesin reformalaý jónindegi jol kartasyn tanystyrdy. Mınıstr kótergen máselelerdiń biri – Memlekettik baǵdarlamalar boıynsha bólinetin bıýdjet qarjysynyń tıimsiz jumsalýy boldy.

«Biz 2011 jyldan bastap 2018 jylǵa deıin júzege asqan 10 memlekettik baǵdarlamaǵa taldaý júrgizdik. Olar boıynsha jalpy alǵanda shamamen 9 trıllıon teńge ıgerildi, biraq bizdiń oıymyzsha, bıýdjet 608 mıllıard teńgege tıimsiz ıgerildi. Atap aıtqanda, kiris kóbeımegen, jumys oryndary ashylmaǵan jáne taǵy basqa. Biz memlekettik qarjyny tıimsiz ıgergeni úshin jaýapkershilik belgileý qajet dep sanaımyz, al memlekettik baǵdarlamalardy iske asyrý jónindegi esepterdi tólengen salyqtar, tabystar, jańa jumys oryndary, ónim shyǵarý kólemi jáne taǵy basqa kórsetkishtermen tolyqtyrý qajet», dedi Rýslan Dálenov.

Ulttyq ekonomıka mınıstrliginiń basshysy baǵdarlamalardyń áleýmettik-ekonomıkalyq tıimdiligin baǵalaýǵa qatysty memlekettik josparlaý júıesi týraly qaýlyǵa túzetýler engizýdi, aldyńǵy baǵdarlamalardy iske asyrý nátıjeleri boıynsha qorytyndylar, ındıkatorlar kartalary, sondaı-aq memlekettik baǵdarlamalarǵa jospardan tys baǵalaý júrgizýdi usyndy. Sondaı-aq memlekettik qoldaý alatyn jeke kásipkerler, kásiporyndar men uıymdar úshin qarsy mindettemeler engizý kózdelip otyr.

Senat basshysy D.Nazarbaeva memlekettik baǵdarlamalar aıasynda qarajatty tıimsiz paıdalanǵany úshin jaýapkershilikti kúsheıtý jóninde usynystar ázirleý qajettigin qoldady.

«Bizde kóbinese bir adam tutas salany basqarady, memlekettik baǵdarlamany ázirleıdi, al áldebir ýaqyttan keıin munyń bári tıimsiz nemese basymdyqtar qate tańdalǵanyn, memlekettik qazynaǵa zalal kelgenin kóremiz, biraq eshkimnen suraı almaısyń, sebebi mamandar aýysyp, basqa adamdar kelgen bolyp shyǵady. Jaýapty adam da joq, ıe de joq. Bizdiń tájirıbemizde qanshama sondaı jaǵdaı kezdesti. Sondyqtan bizdiń usynysymyz: jumystyń aýysýyna qaramastan, burynǵy qyzmetine jaýapty bolý kerek», dedi Senat basshysy.

Sonymen qatar, bıýdjetti tıimsiz paıdalanǵany úshin ákimshilik aıyppul mólsheri formaldy bolmaýy tıis, kelgen zııanǵa shamalas eseptelýi tıis, depýtattardyń pikirinshe, ony talqylaý asa mańyzdy bolady. Qazirgi kezde Senat depýtattary Esep komıtetimen birlesip otyryp osyndaı aıyppuldardy Ákimshilik quqyq buzýshylyq týraly kodekske engizý máselesin pysyqtaýda.

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar