Aımaqtar • 03 Qazan, 2019

Túlekteri túgeldeı grant ıelengen lıseı

73 retkórsetildi

Taldyqorǵan qalasyndaǵy Muhtar Aryn atyndaǵy №24 «Ekonomıka jáne bıznes» arnaýly lıseıi zamanaýı bilim berý talabyna tolyq saı keletin oqý ordasy. 

Oqýshylarǵa qazaq, aǵylshyn jáne orys tilinde bilim beretin lıseı qaladaǵy ǵana emes, oblystaǵy úzdik oqý ornynyń biri. Atap aıtarlyǵy, sońǵy 2-3 jyldyń kóleminde lıseı túlekteriniń bilim sapasy óte joǵary kórsetkishke jetip, tolyqtaı grant ıegerleri atanyp keledi. Muǵalimderdiń kásiptik merekesi qarsańynda maqtaýly mekteptiń dırektory Marııam Ǵalıevany áńgimege tarttyq.

-Marııam Beısetaıqyzy, siz basqaryp otyrǵan lıseı týraly sóz bola qalǵan jerde «Túlekteri túgeldeı grantqa oqýǵa túsetin mektep» degen maqtaýly pikir aıtylady. Bul birneshe jydan beri dástúrli túrde jalǵasyp keledi eken. О́tken oqý jylyn da osyndaı jaǵymdy jańalyqpen qortyndyladyńyzdar ma?

-Álbette, bizdiń lıseı týraly jaqsy sózdiń aıtylǵanyna qýanyshtymyz. Bul, birinshiden ujymǵa, ustazdarǵa berilgen baǵa, ekinshiden bilim uıasyndaǵy eńbek sapasynyń deńgeıin bildiretin nátıje. Jalpy, jetistiktiń jyl saıyn jalǵasyp, bilim sapasynyń ár oqý jyly boıyna artyp otyrǵandyǵyna oqýshylarymyzdyń joǵarǵy oqý oryndaryna túsýi ǵana emes, qalalyq deńgeıden bastap, respýblıkalyq, halyqaralyq dárejedegi túrli olımpıadalardan júldeli oryn alyp júrgeni dálel. Sońǵy 2 jyl boıy lıseı túlekteriniń túgeldeı memlekettik grant ıelenip, joǵarǵy oqý oryndaryna túskenin ózderińiz bilesizder.  Mysalǵa,  2017-2018 oqý jylynda 5 oqýshy «Altyn belgige», 8 shákirt «Úzdik attestatqa» ıe bolyp, bitirýshi 27 oqýshy túgeldeı memlekettik bilim grantyn jeńip aldy. Osy joly Ulttyq biryńǵaı testileý qorytyndysy boıynsha da oqýshylar óz bilimin aıqyn dáleldep, ortasha esepke shaqqanda 124 ball jınaǵan bolatyn. Al 2018-2019 oqý jylynda UBT-ǵa 36 oqýshymyz qatysyp, 11 bala «Altyn belgi» qorǵady, 13 shákirtimiz «Úzdik attestat» ıesi atandy. Endi «balapandy kúzde sanaıdy» degendeı, qazir bıylǵy túlekterimizdiń barlyǵy birdeı UBT-dan joǵary ball jınap, joǵarǵy oqý oryndarynyń stýdenti atanǵandaryn estip, shattanyp otyrmyz.

-Bárekeldi,  al mekteptiń, oqýyshlardyń osyndaı únemi jetistikke jetýiniń basqadaı bir syry bar ma? Oqý úrdisinde, bilim júıesindegi artyqshylyq deıtindeı...

-Negizinen, mekteptegi bilim sapasy men oqý úlgeriminiń joǵary bolýy qatal tártip pen oryndy talaptyń nátıjesinde keletin úlken eńbektiń nátıjesi. Ujymdaǵy aýyz birlik pen kásipke degen súıspenshilik, urpaq aldyndaǵy jaýapkershilik pen izdenimpazdyq tize qosqan jerde jetistik te ilesip júrmek. Bul eki talap bizdiń mektepke tán nárse. Árıne, arnaýly lıseı bolǵandyqtan bizdiń oqytý júıemizdi basqa mekteptermen salystyrýǵa bolmaıdy. Oqý baǵdarlamasyndaǵy erekshelik, qarjylandyrý baǵytyndaǵy júıelilik te bilim sapasyna áser etedi.

-Ujym týraly aıtyp qaldyńyz. Ony jasaqtaý ońaı emes shyǵar. Qatal basshysyz ba? Jalpy, muǵalimdi jumysqa qabyldaǵan kezde qandaı talap qoıasyz?

-Men ujymdaǵy jas áriptesterimdie jumysqa qabyldaǵan kezde «Qatardaǵy kóp muǵalimniń biri bolyp aılyq alyp júre berýdi oılasańyz, osy aradan keri qaıtyńyz» dep aıttqan edim. Bizdiń mindetimiz – eseptiń shyǵarý jolyn úıretip qana qoımaı, onyń jaýabyna jetý úshin úlken izdenis kerektigin balaǵa uǵyndyrý. Jalpy, kez kelgen mekteptiń mańdaıshasyna «Oqýshyǵa motıvasııa berý úshin ustazdyń ózi novator bolýy tıis!» degen urandy jazyp, ilip qoıý kerek degen ustanymdamyn...

-Jón eken. Oqýshylaryńyz osynshalyq ozat bolyp otyrǵanda, olardy oqytatyn ustazdardyń bilim men biligi, sapalyq deńgeıi jaıynda esh alańdamaýǵa bolatyn shyǵar?

-Lıseıde 66 muǵalim eńbek etýde. Onyń ishinde joǵary sanatty 29 muǵalim jáne birinshi sanattaǵy 18 ustaz bar. Ujymda jastardyń sanyn kóbeıtip jatyrmyz. Qazir jas mamandardyń úlesi 45 prosentke jetti. Bul – ustazdardyń aǵa býyny men jas tolqyny arasyndaǵy sabaqtastyqty saqtaýǵa, bilim men tájirıbe ushtastyrýǵa jol ashatyn úrdis. Qazir lıseı muǵalimderi jańartylǵan bilim mazmuny boıynsha tolyqtaı daıyndyqtan ótti. Búginde muǵalimderdiń biliktiligin baǵalaýdyń shegi «Sheber ustaz» deńgeıinde anyqtalady. Bul – «ustazdyń ustazy» degen uǵym beredi. Al bizdiń lıseıdiń ustazdary arasynan osy «Sheber ustaz» deńgeıine 5 birdeı muǵalim qol jetkizdi. Mundaı jetistik respýblıkada joq. «Sheber ustaz» sanatyna qol jetkizý úshin muǵalim bekitilgen baǵdarlama boıynsha úzdik oqytyp qana qoımaı, avtorlyq baǵdarlamasyn qorǵap, sol arqly nátıje kórsetýi tıis. Osyndaı jaýapty synnan ótip, el boıynsha óziniń ustazdyq dara bolmysyn tanytqan áriptesterimmen maqtanamyn. 

-Márııam apaı, álginde sóz arasynda bilim úderisinde tabysty bolýdyń jolyn úsh jaqty qarastyrý jaıyn aıtyp qaldyńyz. Sony aıshyqtap berseńiz?

-Bul jerde ustaz – oqýshy – ata-ana birligi týraly aıtyp otyrmyn. Ustazdan jańashyldyq, oqýshydan qushtarlyq, ata-anadan súıispenshilik bolǵan jerde tálim men tárbıeniń ózegi qalyptasyp, «tizbekti reaksııa» arqyly mektep jumysy da jeńildeıtini anyq. О́z tájirıbemnen aıtaıyn. Bizdiń mektepke qala boıynsha, jaqyn aýdandardan kileń oqý úzdikteri synaq arqyly qabyldanady. Oqýshylarymyzdyń barlyǵy sút betindegi qaımaq sııaqty. Jáı mektepter úshin bul qyzyǵa qaraıtyn jaǵdası bolǵanymen, biz úshin óte joǵary jaýapkershilik. «Danyshpan balalyq shaǵynan danyshpan bolyp qalyptasady» degendeı, bilim deńgeıi joǵary oqýshyǵa bizdiń ustazdardyń beretin sabaǵynyń sapasy qanshalyqty ekenin baǵamdap kórińiz endi. Osy jerde ata-anamen jumysty kelisim-shart arqyly rettep otyramyz. Iаǵnı, ata-ana balasynyń alańsyz oqýy úshin barlyq jaǵdaı jasaýǵa mindetti. Onyń ishinde balanyń túrli deńgeıdegi olımpıadalarǵa, jarystarǵa qatysýyna shekteý qoımaý jóninde aldymen eskertemiz. Túsinistigimiz joǵary...

-Bıylǵy oqý jylyn kúrdeli jóndeýden ótken ǵımaratta bastaǵan ekensizder. Mektep ǵımaraty ǵana emes, bilim berý isine qajetti qural-jabdyq pen tehnologııalyq múmkindik te jańa sıpat alǵany baıqalady...

-Iá, buǵan deıin lıseı ornalasqan ǵımarat eski edi. Bıyl oblys ákimi Amandyq Batalov ózi bas bolyp, tolyqtaı kúrdeli jóndeý jasap berdi. Jóndeý jumysy jyldam ári sapaly boldy. Sol úshin alǵysymyz sheksiz. Oqýshylarymyzdyń eńsesi kóterilip, jańa úıge qonystanǵandaı máre-sáre kúıde júr. Al jańa zamanǵy tehnologııaǵa saı jumys kabınetterin jabdyqtady. 2018 jyldyń oqý qortyndysy boıynsha Muhtar Aryn atyndaǵy №24 «Ekonomıka jáne bıznes» arnaýly lıseıi «Orta bilim beretin úzdik uıym» ataǵyn jeńip alǵan-dy. Oblys ákimi tarapynan 22 627 000 teńge qarjylaı grantqa ıe boldyq. Bul qarjyny bıyl mektep bazasyn jetildirýge baǵyttadyq, onyń ishinde ınformatıka kabınetterin tolyqtaı jabdyqtadyq. Qazir bizde IT-synyp, robbottehnıkasy synyby barlyq qajetti quraldarmen tolyǵyp, oqýshylardyń bilim alyp, tájirbıe jasap oqýyna jaǵdaı bar.

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar