Saıasat • 03 Qazan, 2019

Májiliste elimizdiń bas qarjy qujatyna qatysty zań jobasynyń tanystyrylymy ótti

23 retkórsetildi

Búgin Májiliste «2019 – 2021 jyldarǵa arnalǵan respýblıkalyq bıýdjet týraly» Zańǵa ózgerister engizý týraly» Zań jobasynyń tanystyrylymy ótti. Oǵan Májilis depýtattarymen qatar, zań jobasyn ázirleýshi, ózge de memlekettik organdar ókilderi qatysty. Bul týraly Parlament Májilisiniń baspasóz qyzmeti habarlady.

Taqyryp tóńireginde Ulttyq ekonomıka vıse-mınıstri Mádı Tákıev 2019 jylǵa arnalǵan respýblıkalyq bıýdjetiniń naqtylaý shenberinde Eldiń áleýmettik-ekonomıkalyq damý boljamynyń negizgi kórsetkishterin saqtala otyryp, túsimderdiń jalpy kólemi 95 mlrd teńgege ósip, 10,7 trln teńgeni quraıtynyn atap ótti.

Vıse-mınıstr atap ótkendeı, shyǵystar 95 mlrd teńgege artady, bul kiristerdiń ósýimen sáıkes keledi. Respýblıkalyq bıýdjettiń shyǵystar kólemi 12 trln teńgeden asady. Osylaısha, túsimder 10,7 trln teńgeni, shyǵystar 12 trln teńgeni, tapshylyq 1,4 trln teńgeni qurap otyr.

Odan keıin baıandama jasaǵan Qarjy birinshi vıse-mınıstri Berik Sholpanqulov bıýdjetti naqtylaý kezinde respýblıkalyq bıýdjettiń negizgi parametrleri boıynsha túsimder – 10 trıllıon 663,5 mıllıard teńge, shyǵystar – 12 trıllıon 28,1 mıllıard teńge, tapshylyq – 1 trıllıon 364,6 mıllıard teńge kóleinde qalyptasyp, aǵymdaǵy jyldyń 9 aıyndaǵy atqarý qorytyndylary boıynsha bıýdjet túsimderi 94,9 mıllıard teńgege ulǵaıǵan .

Atalǵan Zańǵa úkimettik túzetýlerdi talqylaý barysynda Májilis depýtattary Murat Temirjanov, Raý Albert, Sapar Ahmetov, Artýr Platonov, Danııa Espaeva, Jeksenbaı Dúısebaev basqa da birqatar halyq qalaýlylary zań jobasyndaǵy kemshin tustarǵa basa nazar aýdaryp, ásirese, aýyl sharýashylyǵyna qatysty ózekti suraqtardy alǵa tartty.

Barlyq usynys, pikirler odan ári Qojahan Kókirekbaev jetekshilik etetin jumys tobynyń otyrystarynda talqylanatyn bolady.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar