Prezıdent • 03 Qazan, 2019

Qasym-Jomart Toqaev Vladımır Pýtınmen kezdesti

89 ret kórsetildi

Sochıde ótip jatqan «Valdaı» pikirtalas klýbyna qatysýǵa kelgen Qazaqstan Prezıdenti Qasym-Jomart Toqaev Reseı Prezıdenti Vladımır Pýtınmen kezdesti. Bul týraly Aqordanyń baspasóz qyzmeti habarlady.

Qazaqstan Prezıdentin qurmetpen qarsy alǵan Vladımır Pýtın, Qasym-Jomart Toqaevtyń «Valdaı» pikirtalas klýbynyń jumysyna qatysýyna Reseı tarapy úlken mán berip otyrǵanyn aıtty.

– Bizdiń shaqyrtýymyzdy qabyl alyp, «Valdaı» pikirtalas klýbynyń jumysyna qatysýǵa kelgenińiz úshin rızashylyǵymdy bildiremin. Bizdi uzaq jyldar dıplomatııalyq qyzmette istegen Siz sekildi adamnyń pikiri qatty qyzyqtyrady. Siz bul salada kásibı mamansyz. Búgingi halyqaralyq arenadaǵy jaǵdaıǵa, ásirese, qaýipsizdik salasyna baılanysty Sizdiń pikirińiz biz úshin óte paıdaly ári qyzyq, – dedi Reseı Prezıdenti.

Vladımır Pýtın EAEO aıasyndaǵy birlesken jumystardyń belsendiligin atap ótti. Ol uıymdy damytý jónindegi birlesip sheshim qabyldaýda ózara senimniń joǵary deńgeıge kóterilgenin aıtty.

Reseı Prezıdentiniń aıtýynsha, eki el arasyndaǵy dıalog ta óte jemisti júrip jatyr.

– Bizdiń kún tártibindegi kez-kelgen eki jaqty máselelerdi talqylaýǵa múmkindigimiz bar. Barlyq sala boıynsha tabysty damý baıqalady. Taýar aınalymy da kóńilge qonymdy. Ártúrli baǵytta birlesken jobalarymyz iske asýda, onyń ishinde, dástúrli jáne joǵary tehnologııalar boıynsha yntymaqtasa áreket etýdemiz. Biz únemi zaman aǵymynyń tamyryn dóp basyp, ár saladaǵy áriptesterimizge mınıstrlik deńgeıinde qoldaý kórsetip kelemiz. Bul jumys jalǵasa beredi, – dedi Vladımır Pýtın.   

Qasym-Jomart Toqaev Vladımır Pýtınge Sochıge shaqyrǵany úshin alǵys aıtty. Onyń oıynsha, «Valdaı» pikirtalas klýby óte qyzyqty ári tartysty forým.

Qazaqstan Prezıdenti reseılik áriptesine Jeńistiń 75 jyldyq mereıtoıyna qatysýǵa shaqyrǵany úshin rızashylyǵyn bildirdi. Qasym-Jomart Toqaev mereıtoı kúnderi Máskeýge barýǵa nıetti ekenin jetkizdi.

– Men maıdangerdiń ulymyn. Jaqynda Ivanov oblysynda Uly Otan soǵysy kezinde qaza tapqan 73 qazaqstandyq maıdangerdiń qabiri tabyldy. Biz, qazaqstandyqtar, Uly jeńis jolynda janyn qıǵan jaýyngerlerdiń erligin árdaıym este saqtaımyz, – dedi Qazaqstan Prezıdenti.

Qasym-Jomart Toqaev Elbasy Nursultan Nazarbaev negizin qalaǵan Qazaqstan men Reseı arasyndaǵy áriptestiktiń joǵary deńgeıi men dárejesiniń saqtalǵanyn atap ótti.   

– О́mir bir ornynda turmaıdy, sol sebepti bizdiń ózara is-qımyldarymyzdy jańa mazmunmen tolyqtyryp, kún tártibine shyqqan máselelerdi der kezinde sheship otyrý kerek. Men mundaı jumysqa daıynmyn. Bizdiń strategııalyq áriptestigimiz ben odaqtastyǵymyzdy jańa deńgeıge kóteremiz degen  oıdamyn, – dep málimdedi Qasym-Jomart Toqaev.

Memleket basshysy Eýrazııalyq ekonomıkalyq odaq sheńberinde ıntegrasııalyq prosester boıynsha joǵary deńgeıdegi túsinistik baryn atady. Onyń aıtýynsha, Erevanda ótken JEEK otyrysyndaǵydaı týyndaǵan máseleler boıynsha ýaqytyly sheshimder qabyldanýy qajet. 

Sońǵy jańalyqtar

Mennıdiń taǵy bir márttigi

Kásipqoı boks • Búgin, 16:32

Nur-Sultanda taǵy bir Arbat salynady

Elorda • Búgin, 15:35

Adamdardyń alǵysyna esh nárse jetpeıdi

Aımaqtar • Búgin, 12:05

Qostanaıda muz arenasy salynyp jatyr

Aımaqtar • Búgin, 10:56

Elimizde jumyssyzdar sany artty

Qoǵam • Búgin, 10:38

29 qyrkúıekke arnalǵan aýa raıy boljamy

Aýa raıy • Búgin, 09:34

Dollardyń búgingi baǵamy belgili boldy

Ekonomıka • Búgin, 09:25

Mektepterde shekteý kúsheıtildi

Bilim • Búgin, 08:43

Indettiń betalysy irkilissiz

Álem • Búgin, 08:41

33 mln teńge aıyppul salyndy

Qoǵam • Búgin, 08:39

Balalarǵa bazarlyq kóbeıdi

Aımaqtar • Búgin, 08:38

Emhanaǵa tirkelý joldary qandaı?

Medısına • Búgin, 08:28

Eski kompıýterler jańartylady

Aımaqtar • Búgin, 08:16

Aımaq mektepteri abattandyryldy

Bilim • Búgin, 08:15

Ashyqtyq – qoǵam damýynyń kepili

Saıasat • Búgin, 08:13

Mal urlyǵy órship tur

Oqıǵa • Búgin, 08:01

Ekologııalyq bilim berýdiń tetikteri

Saıasat • Búgin, 07:58

Basym mindetter – basty nazarda

Aımaqtar • Búgin, 07:56

Salany jańǵyrtý – ýaqyt talaby

Pikir • Búgin, 07:42

Alty aqynnyń alǵysy

Rýhanııat • Búgin, 07:40

Til tutastyǵy – el tutastyǵy

Rýhanııat • Búgin, 07:37

Altyn astyqty aýyldar

Aımaqtar • Búgin, 07:29

Jambylda júzege asqan jarqyn joba

Aımaqtar • Búgin, 07:27

Qazaq tilin tórge shyǵaratyn ýaqyt jetti

Rýhanııat • Búgin, 07:25

Qarttarǵa qamqorlyq qajet

Aımaqtar • Búgin, 07:19

Balshyq sorǵysh kemeni sýǵa túsirdi

Tehnologııa • Búgin, 07:15

Uqsas jańalyqtar