Úkimet • 05 Qazan, 2019

Berdibek Saparbaev Qaraǵandy oblysynyń jurtshylyǵymen kezdesti

30 retkórsetildi

Premer-Mınıstrdiń orynbasary Berdibek Saparbaev Qaraǵandy oblysyna jumys sapary barysynda belsendi jastarmen kezdesti. Basqosý Qaraǵandy memlekettik tehnıkalyq ýnıversıtetiniń qabyrǵasynda ótti. Jastar vıse-premerge ózderiniń alǵashqy tabystary týraly aıtyp berdi. Bul týraly primeminister.kz habarlady. 

«Jastar - qoǵamnyń qozǵaýshy kúshi. Árbir adam onyń bolashaǵy jaqsy bolǵanyn armandaıdy. Bizdiń maqsatymyz - jastarǵa damý úshin jaǵdaı jasaý. Jastar jyly, aldaǵy Eriktiler jyly jáne Prezıdenttik kadrlyq rezervke qabyldaý - bul qadamdardyń barlyǵy elimizde jastar ózderiniń maqsattaryn júzege asyryp, baqytty bola alatynyn aıtady», - dedi Berdibek Saparbaev.

Qazaqstanda Jastar jylynda 89 iri is-shara júzege asyrylyp jatyr, turǵyn úı problemasyn sheshý boıynsha da sharalar ázirlendi, jas kásipkerler de qoldaýǵa ıe bolǵan. Kezdesýge stýdentter, jas kásipkerler, jumysshylar, sportshylar, eriktiler jınaldy. Jas kásipker Birjan Imanov, «Eńbek» baǵdarlamasynyń qatysýshysy Aleksandr Konsevıch bıznestegi alǵashqy qadamdary týraly aıtyp berdi.  

Premer-Mınıstrdiń orynbasary Berdibek Saparbaev pen Qaraǵandy oblysynyń ákimi Jeńis Qasymbek óńir jurtshylyǵymen kezdesti. Vıse-premer «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda el Prezıdentiniń alǵa qoıǵan mindetterin iske asyrý jónindegi sharalar týraly aıtyp berdi.

Kezdesýge sondaı-aq Densaýlyq saqtaý mınıstri Eljan Birtanov, Bilim jáne ǵylym mınıstri Ashat Aımaǵambetov, Eńbek jáne halyqty áleýmettik qorǵaý mınıstri Birjan Nurymbetov qatysty.

«Qoǵamdyq kelisim bolǵan kezde oń nátıje de, ál-aýqat ta, gúldený de bolady. Prezıdent Qasym-Jomart Toqaev bul máselege úlken nazar aýdarady. Bul memleket pen qoǵamnyń arasyndaǵy dıalogqa qatysty. Munda úkimettik emes uıymdardyń áleýetin tartý kerek. El Úkimeti eki tujyrymdamany ázirleýde: «tyńdaýshy memleket» jáne azamattyq qoǵamdy damytýdyń 2025 jylǵa deıingi tujyrymdamasy. Olar aǵymdaǵy jyldyń sońyna deıin daıyn bolýy tıis. Bul qujattarda Ashyq úkimet jáne halyqpen tıimdi keri baılanys máseleleri qozǵalady. Azamattardyń birde-bir ótinishi, birde-bir shaǵymy jaýapsyz qalmaýy kerek», - dep atap ótti Berdibek Saparbaev

Vıse-premer qoǵamdyq keńesterdiń qyzmetin kúsheıtý qajettigin atap ótti. Daryndy balalardy qoldaý kartasy, balalar múddesin qorǵaıtyn 2030 jylǵa deıingi QR memlekettik saıasatynyń tujyrymdamasy ázirlenetin bolady. 2019 jyldyń sońyna deıin jınaqtardyń kiristiligin arttyrý maqsatynda zeınetaqy aktıvterin ınvestısııalaý tásilderin qaıta qaraý josparlanyp otyr.

Sonymen qatar Premer-Mınıstrdiń orynbasary Berdibek Saparbaev G. Golovkın atyndaǵy qaraǵandylyq sport kesheninde boldy. Onda jas sportshylar GGG qoldaý maqsatynda fleshmob ótkizdi. 6 qazanda Nıý-Iorktiń belgili arenasynda álemge áıgili qaraǵandylyq Gennadıı Golovkın ýkraındyq Sergeı Derevıanchenkomen jekpe-jek ótkizedi. Bylǵary qolǵap sheberleriniń shaıqasynda báıgege IBF jáne IBO nusqalary boıynsha orta salmaqtaǵy álem chempıony ataǵy tigildi.

Vıse-premer sport kesheniniń tárbıelenýshilerine qoldaý kórsetip, jerlesimiz Qazaqstannyń dańqyn taǵy bir márte asqaqtatyp, jeńiske jetýin tiledi. Al jas sportshylardyń ata-analaryna balalardyń dene shynyqtyrýdaǵy jetistikteri men rýhanı-adamgershilik tárbıesine kóbirek kóńil bólýin tiledi.

«Biz oǵan barynsha qoldaý kórsetemiz, sáttilik pen jeńis tileımiz. Gennadıı taǵy da álemniń úzdik boksshylarynyń biri ekenin dáleldeýi tıis. Balalaryńyzdyń sportpen aınalysatyny qýantady. Eger olar sportqa, ónerge tartylsa, túrli úıirmeler men seksııalarǵa qatyssa, onda deni saý, tárbıeli, bilimdi bolady, eń bastysy – quqyq buzýshylyq áreketterge barmaıdy. Bizde kóptegen sporttyq jáne mádenı nysandar bar. Olardy barynsha paıdalaný kerek, jastardy salaýatty ómir saltyna jappaı jumyldyrý kerek. Al ata-analar buǵan yqpal etýi tıis», - dedi B. Saparbaev jas qaraǵandylyqtardyń ata-analarymen kezdesýi barysynda.

Vıse-premer aýyr atletıka, kúres, basketbol zaldaryn jáne júzý basseınin aralap kórdi. 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar