Qazaqstan • 08 Qazan, 2019

Qazaqstan-Germanııa arasynda 700 mln eýronyń ınvestısııalyq jobalary júzege asady

19 retkórsetildi

Berlınde Linde Gas, SMS Group, CLAAS Group, Barit Gmbh jáne t.b. kompanııalarmen yntymaqtastyq perspektıvalary talqylanǵan Qazaqstan-Germanııa bıznes-forýmy alańyndaǵy kelissózder aıasynda 700 mln eýro kóleminde ınvestısııa salý jónindegi kelisimderge qol jetkizildi. Bul týraly Syrtqy ister mınıstrliginiń baspasóz qyzmeti habarlady.

Tıisti jobalardy júzege asyrý týraly qujattarǵa 2019 jylǵy jeloqsanda Qazaqstan Prezıdenti Qasym-Jomart Toqaevtyń Germanııa Federatıvtik Respýblıkasyna resmı sapary aıasynda qol qoıý josparlanýda.

Forýmǵa eki eldiń 200-den astam isker toptar ókilderi qatysty. Is-shara barysynda perspektıvasy bar saýda-ekonomıkalyq, ınvestısııalyq jobalar talqylandy, ózara tıimdi seriktestikke arnalǵan jańa múmkindikter men salalar tanystyryldy.

Premer-Mınıstrdiń orynbasary Roman Sklıar bastaǵan Qazaqstan delegasııasynyń quramynda Syrtqy ister mınıstriniń orynbasary Ermek Kósherbaev, Ekologııa, geologııa jáne tabıǵı resýrstar vıse-mınıstri Sanjar Jarkeshov, Saýda jáne ıntegrasııa vıse-mınıstri Azamat Asqaruly, sondaı-aq «Báıterek» holdıngi, «Samuryq-Qazyna» qory, beıindik memlekettik organdar, oblys ákimshilikteri, ulttyq kompanııalar men bıznes ókilderi boldy.

«Ekonomıkalyq damýdyń shıkizattyq vektorynan alystaý úshin Qazaqstan otandyq ekonomıkany jańǵyrtý men ındýstrıalandyrýdy qolǵa aldy. Jańa saıasattyń irgetasy ındýstrıaldy-ınnovasııalyq jáne «jasyl» ekonomıka negizderin qurý bolyp tabylady. Bul turǵyda qazaqstandyq kásipkerlerdiń maqsaty jańa tehnologııalar men ınnovasııalar salasyndaǵy kóshbasshy retinde Germanııa kompanııalarymen seriktestik ornatý bolýy tıis. Sıfrlyq tehnologııany, sondaı-aq Indýstrııa 4.0 elementterin engize otyryp qurylatyn jańa salalardy damytý asa ózekti», dedi Úkimet basshysynyń orynbasary R. Sklıar.

Búgingi tańda Germanııa – Qazaqstannyń aldyńǵy qatarly syrtqy ekonomıkalyq seriktesteriniń biri. Sońǵy 14 jylda nemis kompanııalary  Qazaqstan ekonomıkasyna 5 mlrd AQSh dollary shamasynda ınvestısııa saldy. Nemis statıstıkalyq vedomstvosynyń málimetine sáıkes, 2018 jyldyń qorytyndysy boıynsha saýda aınalymy 8,6 mlrd eýrony qurap, tarıhı joǵary kórsetkishke jetken.

Odan basqa qazirgi ýaqytta Qazaqstanda Germanııa kapıtalynyń qatystýymen 900-den astam kompanııa qyzmet etýde. Sondaı kompanııalardyń biri – tehnıkalyq gaz óndirýmen aınalysatyn Linde Group kompanııasy tolyǵymen óz esebinen 300 mln dollar kóleminde kapıtal salýdy qamtamasyz etý arqyly tikeleı ınvestısııalardy júzege asyryp jatqandyqtan, úlgili ınvestor bolyp sanalady. 

«Búgingi Qazaqstan – tıimdi bıznes júrgizý úshin jańa múmkindik. Qazaqstanǵa arnalǵan ósý boljamy tańqalarlyq. Mysaly, EADB boljamy boıynsha 2019 jyly JIО́ 3,5%-ǵa ósýi múmkin. 2020 jylǵa arnalǵan boljamdar da Qazaqstannyń Eýrazııalyq ekonomıkalyq odaqtaǵy ósý qozǵaltqyshy ekenin kórsetedi. Oń baǵyttaǵy damý Qazaqstan-Germanııa ekonomıkalyq qatynastaryna jaǵymdy yqpal etkenine biz qýanyshtymyz: jyldyń birinshi jartysynda  taýar aınalymy 2,7 mlrd eýrony quraǵan. Germanııanyń Ortalyq Azııa aımaǵyndaǵy saýdasynyń 80%-y burynǵydaı Qazaqstanǵa tıesili», dedi German ekonomıkasy Shyǵys komıtetiniń basqarma múshesi, «Knaýf» kompanııasynyń Bas seriktesi Manfred Grýndke.

Sonymen qatar Qazaqstan tarapy German ekonomıkasynyń Shyǵys komıtetimen birlesip, «Saýda-ekonomıkalyq yntymaqtastyqtyń Jol kartasy» jobasyn ázirledi. Investısııalyq jobalar tizimin qamtıtyn bul qujatqa Memleket basshysynyń aldaǵy sapary aıasynda qol qoıý josparlanýda.

«Bul forým Qazaqstan men Germanııanyń saıası, ekonomıkalyq jáne sarapshy top ókilderi úshin tıimdi alań boldy. Qazaqstan ınvestııalyq klımatty jaqsartýǵa baǵyttalǵan reformalardy birtindep jasaýda. Kásipkerlermen ashyq dıalog ornatylyp, ınvestısııa tartý úshin ınfraqurylym jetildirilýde. Jaqyn ýaqytta forým alańynda qol jetkizilgen kelissózder nátıjesinde jańa birlesken kásiporyndar, óndiris oryndary iske qosylatyndyǵyna senimdimin», dedi «Kazakh Invest» UK» AQ táýelsiz dırektory Ýlf Vokýrka is-sharanyń paneldi sessııasynda sóılegen sózinde. 

Forým barysynda sondaı-aq «Qazaqstan jáne Germanııa: jańa baǵyttar, jańa ónerkásip, jańa yntymaqtastyq», «Jańa ekonomıka jáne óndiristi sıfrlandyrý», «Azyq-túlik qaýipsizdigin qamtamasyz etý salasyndaǵy Qazaqstan-Germanııa yntymaqtastyǵy», «Geologııalyq barlaý, jańa energetıka jáne ónerkásipti ekologııalandyrý» taqyryptarynda tórt paneldik talqylaý ótip, taraptar IoT («zattar ınterneti»), logıstıka, energetıka, agroónerkásip kesheni, geologııalyq barlaý, ekonomıka, ónerkásip pen qala ınfraqurylymyn sıfrlandyrý men ekologııalandyrý, bilim berý jáne qazaqstandyq kadrlardyń biliktiligin arttyrý sııaqty ózekti baǵyttar boıynsha pikir almasty.

Pikirtalas qorytyndysy boıynsha taraptar Qazaqstan – Germanııa bıznesiniń Ortalyq Azııadaǵy senimdi seriktesi ári bizdiń elimiz EO-nyń OA-ǵa arnalǵan jańa Strategııasyn júzege asyrý, Eýropa men Azııa qarym-qatynasy jónindegi EO Strategııasy aıasynda,  sondaı-aq «Beldeý jáne Jol» bastamasy boıynsha eýropalyq elderdiń ekonomıkalyq múddesine jetekshi bolýy múmkin degen pikirge keldi.

Qazaqstan-Germanııa bıznes-forýmy Syrtqy ister Mınıstriligi, «Kazakh Invest» UK» AQ, GFR-daǵy QR Elshiligi jáne German ekonomıkasynyń Shyǵys komıtetimen uıymdastyryldy.

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar