Úkimet • 09 Qazan, 2019

Semeıdiń keshendi jospary iske asyrylady

11 retkórsetildi

Semeı qalasyna jumys sapary aıasynda Premer-Mınıstr Asqar Mamın qala aktıvimen Semeı qalasynyń áleýmettik-ekonomıkalyq damýynyń 2020-2025 jyldarǵa arnalǵan Keshendi josparyn iske asyrý máseleleri, sondaı-aq Abaıdyń 175 jyldyǵyn atap ótýge daıyndyq jóninde keńes ótkizdi.

Semeı qalasynyń áleýmettik-ekonomıkalyq damý nátıjeleri jáne 2025 jylǵa deıingi josparlar týraly qala ákimi E.Sálimov, Qarjy birinshi vıse-mınıstri B.Sholpanqulov, Ulttyq eko­no­mıka vıse-mınıstri E.Alpy­sov, Indýstrııa jáne ınfraqu­ry­lymdyq damý vıse-mınıstri B.Qamalıev baıandady.

Semeı qalasynyń áleýmettik-ekonomıkalyq damýynyń 2020-2025 jyldarǵa arnalǵan Keshendi josparynda 56 is-sharany iske asyrý qamtylǵan, oǵan 260,2 mlrd teńge qarjy qarastyrylǵan. Onyń ishinde respýblıkalyq bıýd­jetten – 98,5 mlrd teńge, jergi­likti bıýdjetten – 85,5 mlrd teńge, 76,1 mlrd teńge kólemin­degi jeke ınvestısııalar qarasty­rylǵan. Investısııalar kásip­ker­likti damytýǵa, AО́K, tur­ǵyn úı qurylysyna jáne ınje­nerlik-kommýnıkasııalyq ın­fraqurylymǵa, tur­ǵyn úı-kommýnaldyq sharýa­shy­ly­ǵyna, áleýmettik jáne kólik ın­fra­qurylymyna baǵyttalatyn bolady.

Keshendi jospar sharalaryn iske asyrý 2025 jylǵa qaraı IJО́ 1,6 esege arttyrýǵa (naq­ty máninde) nemese nomınaldy máninde 300 mlrd teńgege deıin jetkizýge múmkindik bere­di. 4 myńnan asa jańa jumys oryndary qurylady, aýyl sharýa­shy­lyǵy ónimderiniń kólemi 19%-ǵa ulǵaıyp, 43 mlrd teń­ge­ni quraıtyn bolady. 133 kóp­qabatty nemese 702,9 myń sharshy metr turǵyn úıdi paıdalanýǵa berý jáne ortasha ómir súrý uzaqtyǵyn 75 jasqa deıin jetkizý josparlanǵan. 2025 jyldyń qorytyndysy boıynsha jaqsy jáne qanaǵattanarlyq kúıdegi joldardyń úlesi 73,6%-dan 95%-ǵa deıin jetkiziledi.

«Semeı elimizdiń mádenı jáne rýhanı murasynda jáne Qazaqstannyń táýelsiz tarıhynda erekshe oryn alady. Elbasy N.Nazarbaev bul óńirge, Semeı qalasyna erekshe qamqorlyqpen qaraıdy. Buǵan deıin Elbasynyń tapsyrmasy boıynsha Semeı qalasynyń áleýmettik-eko­nomıkalyq damýynyń 2013-2017 jyldarǵa arnalǵan Keshendi jospary qabyldanǵan bolatyn. Osy jospardy jáne basqa da baǵdarlamalardy iske asyrý esebinen sońǵy bes jylda óner­kásiptik óndiris kólemi 38%-ǵa, aýyl sharýashylyǵy ónimderi – 63%-ǵa, bólshek saýdadaǵy taýar aınalymy – 1,6 ese, negizgi kapıtalǵa ınvestısııalar – 1,4 ese, bıýdjet kólemi – 1,8 ese ul­ǵaıdy. Sońǵy jyldary sonymen qatar turǵyndar sanynyń ósýin­de oń dınamıka baıqalyp otyr», dedi A.Mamın.

Premer-Mınıstr Úkimet­tiń qalanyń áleýmettik-eko­no­­mı­kalyq damýyna jáne tur­ǵyn­­dardyń ómir súrý sapasyn art­tyrýǵa erekshe kóńil bó­lip otyr­ǵan Prezıdent Q.To­­qaev­­tyń tapsyrmasy boıyn­sha Semeı qalasynyń áleý­met-
tik-ekonomıkalyq da­mýy­nyń 2020-2025 jyldarǵa ar­nal­ǵan jańa Keshendi josparyn ma­quldaǵanyn atap ótti.

Úkimet basshysy Keshendi josparda qarastyrylǵan is-sharalardy ýaqtyly ári sapaly oryndaý boıynsha tıisti sharalardy qabyldaýdy, sondaı-aq qarajattardyń ýaqtyly ári tıimdi jumsalýyn baqylaýdy qamtamasyz etýdi tapsyrdy.

2020 jyly Abaıdyń 175 jyldyq mereıtoıyn atap ótý týraly aıta otyryp, A.Mamın Úkimettiń halyqaralyq, res­pýb­lı­kalyq jáne óńirlik deńgeı­lerde 500-den astam is-sharany qamtıtyn jospardyń oryndalýyna erekshe baqylaý ornatatynyn atap ótti.

«El Prezıdenti mereıtoıdy memlekettik deńgeıde atap ótetinimizdi aıtty. Abaıdyń ota­nyna álemniń túkpir-túkpirinen qonaqtar keledi. Sondyqtan bizdiń basty mindetimiz – barlyq josparlanǵan sharalardy la­ıyqty túrde uıymdastyryp ót­kizý», dedi Premer-Mınıstr.

Tuńǵysh Prezıdent – Elbasy Nursultan Nazarbaev bastamashy bolǵan «Nurly jer» jáne IIDMB iske asyrylýyn baqylaý, sondaı-aq Memleket basshysy Q.Toqaevtyń Semeı qalasyn áleý­mettik-ekonomıkalyq damytý boıynsha tapsyrmalaryn oryn­daý aıasynda A. Mamın «Sem­Az» JShS jáne «Daewoo Bus Kazakhstan» avtomobıl quras­tyrý kásiporyndarynyń jumy­symen, «Abaı Arena» mádenı-sport kesheniniń salyný barysymen, sondaı-aq «Qara­ǵaı­ly» shaǵyn aýdanynda kópqa­batty turǵyn úılerdiń quryly­symen tanysty.

 

SEMEI

 

Banner
Sońǵy jańalyqtar

Izgilik elshisi

Aımaqtar • Búgin, 17:38

Soltústik oblystarda boran bolýy múmkin

Qazaqstan • Búgin, 16:18

Kún energııasy Oralǵa jetti

Aımaqtar • Búgin, 15:46

«Aqyny aq Ertistiń – Qımadıden...»

Rýhanııat • Búgin, 12:46

Fýtbol: Makedonııamen teń oınadyq

Fýtbol • Búgin, 12:24

Kúlki kerýeni № 3

Rýhanııat • Búgin, 11:38

Eń qysqa áńgime. Jandos Júsipbek

Eń qysqa áńgime • Búgin, 11:32

Eń qysqa áńgime. О́mirjan Ábdihalyquly

Eń qysqa áńgime • Búgin, 11:29

Eń qysqa áńgime. Baýyrjan Babajanuly

Eń qysqa áńgime • Búgin, 11:24

Dala úni Almatyda bastalady

Rýhanııat • Búgin, 10:19

Tekti sózdiń tóresi Almatydan bastalady

Aımaqtar • Búgin, 10:11

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

Uqsas jańalyqtar