Qoǵam • 09 Qazan, 2019

Týrıstik salanyń tamyryna qan júgirse...

47 retkórsetildi

Prezıdent Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atalatyn Qazaqstan halqyna arnaǵan Joldaýynda: «Ekonomıkanyń mańyzdy salasy retinde týrızmdi, sonyń ishinde eko jáne etnotýrızmdi damytýǵa basa nazar aýdarý kerek.

Altyn Ordanyń 750 jyl­dyǵyn bizdiń tarıhymyzǵa, mádenıetimizge, tabıǵatymyzǵa týrısterdiń qyzyǵýshylyǵyn arttyrý maqsatynda atap ótýi­miz qajet. Týrızmdi damytý úshin qajetti ınfraqurylym­dar qurylysymen, eń aldymen jolmen qamtamasyz etý, sondaı-aq bilikti mamandardy daıarlaý mańyzdy», dedi.

Sońǵy birneshe jyl boıy Batys Qazaqstan óńirinde ishki týrızmdi damytý boıynsha qyz­met etip júrgendikten, Prezı­dentimiz kótergen keremet ıdeıa úshin qatty qýandym. Rasynda da durys jolǵa qoısa, ekonomıkany damytatyn kórsetkishtiń biri – osy týrızm.

Memleket basshysy ınfra­qurylymdy damytý týraly aıtty. Bizdiń Batys Qazaqstan oblysynda áli kúnge asfalt jetpeı jatqan eki óńir – Jánibek jáne Bókeı ordasy aýdandary bar. Ekeýi de týrıstik áleýeti óte joǵary óńir. Bókeı ordasynda áıgili Han stavkasy – Jalpyulttyq kıeli nysandar qataryna engen Bókeı ordasy tarıhı-mýzeı kesheni bar. Osy óńirge jol qurylysy bastalǵanymen, áli qarqyndy emes. Sondyqtan Prezıdent­tiń Joldaýy osy jol qurylysy­na da belsendilik ákeledi dep úmittenemin. Jol salynyp bitse, oblys ekonomıkasynyń damýyna septigin tıgizer edi degen oıdamyn.

Shynyn aıtsaq, Batys Qazaq­­stan oblysynda týrıs­ter­di qyzyqtyratyn tarıhı-tabı­ǵı nysandar kóp. Amal ne, ol jerlerde «jum­saq» ınf­raqurylym: jol silte­meleri, ájethana, avtokólik turaǵy, bólip jınaıtyn qoqys orny, sý, t.b. joq. Eń bastysy, jana­shyr qojaıyn joq. Árıne qa­ǵaz júzinde qojaıyn bar, biraq barsań, eshkim joq.

Mysaly, Aqjaıyq óńirin­degi eń áıgili Shalqar kólin alaıyq. Jaz boıy kól jaǵasyn­da qurylǵan kıiz úı, shatyr­dyń sany birneshe júzden asyp ket­ti. Iаǵnı, qyzmet kórsetýshi de bar, tynyǵýshylar da bar. Biraq kól jaǵasyna kelgen týrıs­ke qyzmet kórsetýshiler arnaıy bilim almaǵan, árkim óz bilgeninshe júr. Sondyqtan da bul qyzmet tıisti deńgeıde emes. Biz Shalqar kóli boıynsha óz jobamyzdy Terekti aýdany ákimdigine usyndyq: arnaıy mamandardy shaqyryp, kól jaǵasyna kelgen halyqqa qyz­met kórsetýshi Saryómir aýyly­nyń turǵyndaryn aýyl týrızmi bo­ıynsha oqytyp, sertıfıkat berý kerek. Buǵan qosa Shalqar kóliniń jaǵasyn sport aımaǵy, avtoturaq aımaǵy, saýda-sattyq aımaǵy, demalý aımaǵy dep túrli sanatqa bólý; jaǵajaıǵa jaryq, sý, ótkizý; árbir qyzmet kórsetýshige turaqty jer telimin tómen qarjymen jalǵa berý; sý boıynda 500 metrlik qorǵaý aımaǵyn saqtaý sekildi máseleler kún tártibinde tur. Aýdan ákimdigi bul jobany qoldaıdy dep oılaımyz. Mine, osy máseleler jolǵa qoıylsa, Shalqar kóli úlgili demalys ornynan aınalar edi. Bul jerdi tek jazda emes, qysta da paıdalanyp, «Qansonar» baıqaýyn ótkizý, shana, shańǵy sportyn damytyp, belsendi demalys aımaǵyna aınaldyrý jóninde jobamyz da bar.

Aıtpaqshy, Prezıdent óz sózinde Qazaqstan ishindegi ushaq bıletiniń óte qymbat bolýyn synady. Eger jol quny tómendese, bul da qazaq­stan­dyqtardyń qarym-qatynasyn damytýǵa, ıaǵnı týrızmge qosal­qy tynys berýge yqpal eter edi.

Sondaı-aq Memleket basshy­sy kótergen shaǵyn kásipker­likti salyqtan bosatý máselesi – bıznestiń damýyna orasan zor yqpal etetin úles dep oılaımyn. Sońǵy kezderi Aqjaıyq óńirinde bas biriktire bastaǵan qolóner sheberleri osy jańalyqqa erekshe qýanyp jatyr. Joǵaryda aıtylǵandardyń bári júzege assa, memlekettiń múmkindigin arttyratyn mańyzdy salanyń tamyryna qan júgirer degen oıdamyz.

 

Aıbolat QURYMBAEV,

«Tourwestkaz» tobynyń jetekshisi

 

Batys Qazaqstan oblysy

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar