Saıasat • 09 Qazan, 2019

Muhtar Tileýberdi: Aýǵanstan ekonomıkasyn kórshi eldermen ıntegrasııalaýdyń mańyzy zor

56 retkórsetildi

Syrtqy ister mınıstri Muhtar Tileýberdi elordada ótip jatqan Eýropadaǵy qaýipsizdik jáne yńtymaqtastyq uıymynyń Aýǵanstan máseleleri boıynsha dóńgelek ústelinde Aýǵanstannyń ekonomıkasyn kórshi eldermen, sonyń ishinde Ortalyq Azııa memlekettermen ıntegrasııalaýdyń mańyzy zor ekenin aıtty.

«Sońǵy 28 jylda Qazaqstan aımaqtaǵy tarıhy men mádenıeti ortaq seriktesterimen tyǵyz baılanys ornatýda tyń bastamalardy kóterip keledi. Kezinde tarıhı turǵyda zor mańyzǵa ıe bolǵan Jibek joly boıyndaǵy Ortalyq Azııa elderiniń geografııalyq ornalasýy – ózara qarym-qatynasty kúsheıtýge múmkindik beredi. Sondaı-aq Ortalyq Azııa memleketteri basshylarynyń beıresmı otyrysynyń arqasynda yntymaqtastyqqa jańa jol ashyldy. Qazirgi tańda bizdiń kóshbasshylar ortaq mindetterdi oryndaýda ortaq amal-ádisterdi oılap tabýǵa nyq senimmen kele jatyr. Máselen, 2018 jyldyń tamyzynda Ortalyq Azııa elderiniń basshylary Túrikmenstanda kezdesip, Aral teńizin alyp qalý sharalaryn talqylady. Alaıda bizdiń bárimiz de búgin, erteń úshin de kúrdeli máselelelerdiń biri – Aýǵanstandaǵy turaqtylyqqa baılanysty ekenin bilemiz» dedi Syrtqy ister mınıstri.

Sondaı-aq mınıstr Aýǵanstannyń turaqty túrde damýy, ondaǵy beıbitshilik pen turaqtylyq – aımaqtaǵy yntymaqtastyqtyń damýyna nyq úles qosatynyn aıtty.

«Qazaqstan – aımaqtyq yntymaqtastyqtyń belsendi advokaty retinde aımaqtaǵy «oıynshylar» arasyndaǵy ózara túsinistikke jetý úshin kúsh biriktirýdi kózdeıdi. Aýǵanstan tolyǵymen beıbit prosesske, ómirge oralyp, halyqaralyq alańda Qazaqstan saıasaty úshin basymdyqqa ıe elderdiń biri bolyp qala beredi» dedi ol.

Muhtar Tileýberdi óz sózinde ózara yntymaqtastyqtyń aıasyn keńeıte otyryp, Aýǵanstannyń ekonomıkasyn kórshi eldermen, sonymen birge, Ortalyq Azııa memlekettermen ıntegrasııalaýdyń mańyzy zor ekenin atap ótti.

«Eki apta buryn Qasym-Jomart Toqaev Nıý-Iorktegi BUU Bas assambleıasynyń 74-shi sessııasynda bizdiń elimizdiń Aýǵanstanǵa kómek kórsetýdi jalǵastyrýǵa daıyn ekenin bildirgen bolatyn. Memleket basshysy myqty yntymaqtasty, uzaq merzimdi ınvestısııa men aımaqtyq kelisim tabys pen eldegi beıbit prosesterge qol jetkizýdi sheshýshi faktor ekenin atap ótti» dedi mınıstr.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar