Parlament • 10 Qazan, 2019

Senat: Qandaı zań jobasy Májiliske qaıtaryldy

103 retkórsetildi

Parlament Senatynyń otyrysynda elimizdiń keıbir zańnamalyq aktilerine memlekettik qyzmet jáne sybaılas jemqorlyqqa qarsy is-qımyl máseleleri boıynsha túzetýler qaraldy. Bul týraly Parlament Senatynyń baspasóz qyzmeti habarlady. 

Zań jobasynda memlekettik qyzmetti ótkerýdi jańǵyrtý úshin konkýrstyq rásimder jeńildetiledi, ozyq sheteldik joǵary oqý oryndarynda doktorantýra baǵdarlamalary boıynsha oqyǵan, sondaı-aq, halyqaralyq uıymdarda jumys tájirıbesi bar adamdardy konkýrstan tys taǵaıyndaý kózdeledi, memlekettik qyzmetshilerdi áleýmettik qorǵaý jónindegi sharalar naqtylanady.

Memlekettik qyzmet isteri jónindegi ýákiletti organnyń quqyq qorǵaý organdary laýazymdaryna biryńǵaı biliktilik talaptaryn bekitý jáne memlekettik ákimshilik laýazymdarǵa ornalasýǵa kandıdattardyń jáne quqyq qorǵaý qyzmetine kiretin azamattardyń testileý nátıjelerine shaǵym jasaý tártibin aıqyndaý jónindegi qyzmeti retteledi.

Memlekettik qyzmet ótkerý kezinde kásibı áleýetin neǵurlym tıimdi paıdalanýdy qamtamasyz etý úshin saıası jáne memlekettik qyzmetshilerdi rotasııalaý tetigi naqtylanǵan.

Normatıvtik quqyqtyq aktilerdiń jobalaryna sybaılas jemqorlyqqa qarsy ǵylymı saraptama ınstıtýty qalpyna keltirilýde.

Zań jobasyn talqylaý barysynda Senattyń turaqty komıtetteri men depýtattarynyń eskertpeleri men usynystaryn eskere otyryp, Májilis maquldaǵan zań jobasyna ózgerister men tolyqtyrýlar engizý qajettigi týyndady.

Máselen, qoldanystaǵy tártipti saqtaý maqsatynda oblystardyń, respýblıkalyq mańyzy bar qalalardyń jáne astananyń jergilikti atqarýshy organdaryna densaýlyq saqtaýdyń, bilim berýdiń, mádenıet jáne sport oblystyq basqarmalarynyń basshylaryn taǵaıyndaý, sondaı-aq olardy bosatý kezinde kandıdatýralardy tıisti ýákiletti memlekettik organdarmen kelisý usynylyp otyr.

Oblystardyń (respýblıkalyq mańyzy bar qalalardyń, astananyń) polısııa departamentteriniń bastyqtaryn Quqyq qorǵaý organdary basshylyǵynyń prezıdenttik rezervinde turǵan polısııa qyzmetkerleriniń qatarynan tıisti jergilikti atqarýshy organdarmen kelisý boıynsha elimizdiń Ishki ister mınıstri taǵaıyndaıtyn bolady.

Odan basqa, laýazymdar sanattary (saıası jáne ákimshilik memlekettik qyzmetshiler) boıynsha ózderine baǵynysty adamdardyń sybaılas jemqorlyq quqyq buzýshylyqtar jasaǵany úshin laýazymdy tulǵalardyń jaýapkershiligin naqtylaýǵa jáne reglamentteýge baǵyttalǵan túzetýler engiziledi.

Senat basshysy joǵarǵy palata sondaı-aq zańǵa mádenıet uıymdaryna sharýashylyq qyzmeti quqyǵyndaǵy respýblıkalyq memlekettik kásiporynnyń zańdy mártebesin alý quqyǵyn berýdi kózdeıtin túzetý engizýge bastama jasaǵanyn atap ótti.

«Bizdiń ıdeıamyz mádenıet nysandarynyń materıaldyq-tehnıkalyq jabdyqtalýyn jaqsartý, óz qyzmetkerleri úshin jalaqy deńgeıin arttyrý, sonymen qatar mádenıet salasyndaǵy qyzmet sapasyn jaqsartý úshin halyqqa qosymsha qyzmet kórsetý múmkindigine ıe bolýy bolyp tabylady», - dep túsindirdi D.Nazarbaeva.

Tóraǵa qazir mádenıet salasy qyzmetkerleriniń jalaqysy ortasha respýblıkalyq deńgeıden 30 paıyzǵa tómen ekenin, al kitaphanalarda, murajaılarda jáne teatrlarda jumys isteıtin qyzmetkerler 50-70 myń teńge alatynyn atap ótti.

«Prezıdent Qasym-Jomart Toqaevtyń tapsyrmasy boıynsha qazir olardyń jalaqysy 1,72 koeffısıentke ulǵaıtylýda, sonda da bul shara jabdyqtaý men sapa máselesin túbegeıli sheshe almaıdy. Bul máselede daý kóp, Úkimette birlik joq, bireý qoldaıdy, al bireý qarsy, bul bıýdjettiń shyǵyn bóligin arttyrady dep sanaıdy. Pikir birligi joq. Sondyqtan osy túzetýdi qaraýdy keıinge qaldyrý týraly sheshim qabyldandy», - dedi Senat basshysy.

Darıǵa Nazarbaeva talqylaýdy aıaqtaı kelip, parlamenttik tyńdaýlarda mádenıet salasyndaǵy ózekti máselelerdi kóterýdi usyndy.

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar