Prezıdent • 11 Qazan, 2019

Keńesý men kelisý – ıgilikke bastaıdy

43 retkórsetildi

El Prezıdenti Qasym-Jomart Toqaev óziniń Joldaýynda qoǵamdaǵy kóptegen mańyzdy máselelerdi sóz etti. Sonyń biri – partııalyq qurylym prosesin jalǵastyrý. Bul rette Prezıdent Nur Otan partııasynyń ózge de saıası partııalarmen seriktese otyryp jumys isteý qajettigin aıtty.

Memleket basshysy osy tusta kelisip pishken tonnyń kelte bolmaıtynyn nusqap otyr. Iаǵnı, Nur Otan partııasy naǵyz qoǵamshyl, naǵyz halyqshyl partııaǵa aınalýy tıis. Ol úshin barlyq múmkindikterdi tıimdi paıdalanyp, ózge de saıası partııalar jáne qoǵamdyq qozǵalystarmen bite qaınasyp, birlese áreket etse, utymdy bolary anyq. Halyqtyń senimin aqtaýdan basqa uly murat joq. Búgingi nurotandyqtar osy sózdiń túp-tórkinin tereń uǵynyp, qoǵamdaǵy ózekti máselelerdi der kezinde sheshýge barynsha atsalysady.

El túrli qıyndyqtar men kedergilerge ushyraǵanda Nur Otan-ǵa úmit artyp, kómek surap keledi. О́tken 8 aıdyń ózinde bizdiń oblystyq Qoǵamdyq qabyldaýǵa 5204 aryz-shaǵym túsken. Munda kóterilgen máseleniń basym bóligi sheshimin taýyp, tıisti kómekter kórsetildi. Degenmen, qordalanǵan máseleler jetkilikti. Ony bárimiz keńese otyryp keliskenimiz durys. Halyqpen baılanys jańasha formatta jandanýy tıis.

Ras, sońǵy jyldary túıindi túıtkilder minbelerde emes kóshelerde talqylanatyn bolyp júr. Iаǵnı, elimizde azamattyq qoǵammen dıalog áli durys ornyǵa alǵan joq. Bılik pen halyqtyń arasynda qoǵamdyq dıalog durys ornyqpasa, elimizdegi tatýlyq pen turaqtylyq týraly sóz qozǵaý beker bolady. Sondyqtan árbir memlekettik qyzmetker osy baılanystyń durys ornyǵýyna ózindik úlesin qosýy tıis. Árbir memleketshil azamat halyqtyń muń-muqtajyn tyńdaýdan qashpaý kerek. Bılikke túıindi túıtkildi der kezinde kóre biletin, onyń sheshilý jolyn taba biletin azamattar qajet. Sonda ǵana kez kelgen túıtkildiń túıinin tarqatýǵa bolady. Osy rette Qasym-Jomart Kemeluly «Elbasymyzdyń «El birligi – eń basty qasıet» degen qanatty sózi bizdiń aınymas qaǵıdamyz. Bereke men birlik, aqyl men parasat halqymyzdy únemi alǵa bastap keledi. Baǵytymyz – aıqyn, jolymyz – ashyq, barlyǵymyz birge bolsaq elimiz budan da zor tabysqa jetedi dep senemin», dedi.

Joldaýda kóterilgen taǵy bir mańyzdy máseleniń biri – bas­pana. Prezıdent 2020 jyldan bastap jyl saıyn 10 myń otbasy «Baqytty otbasy» baǵdarlamasy arqyly baspanaly bolatynyn aıtty. Atalǵan baǵdarlamanyń tıimdiligi mol. Iаǵnı, jeńildik mólsherlemesi nebári  2 paıyzdy, alǵashqy jarnasy 10 pa­ıyzdy quraıdy. Eger biz osy baǵ­dar­lamany tolyq iske asyra alsaq, qanshama kóp balaly jáne múgedek bala asyrýshy otbasylardy, jastardy baspanamen qamtyǵan bolar edik. 

Eldiń damýyn árbir otbasy sezingende ǵana berekeli qoǵam ornaıdy. Al baspanaly bolý sonyń basty sharty. Bul baǵytta sońǵy jyldary nátıjeli jobalar júzege asýda. Túrkistan qalasynyń ózinde ótken aptada áleýmettik jaǵynan az qamtylǵan 700-deı otbasy baspanaǵa qol jetkizdi. Bul jumystar eseleneri anyq.

Memleket basshysy jeńil­de­til­gen salyq júıesi, bıznes­ke qolaıly jaǵdaı jasaý, áleý­mettik-mádenı salany qoldaý, bala quqyǵyn qorǵaý baǵyttary bo­ıynsha elimizdegi basty proble­malardy atap kórsetti. Endi osy túıtkilderdi tarqatý úshin jumylýymyz qajet.

 Beısenbaı TÁJIBAEV

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar