Aımaqtar • 13 Qazan, 2019

Úkimet delegasııasy Aq Jaıyq óńirinde

104 retkórsetildi

Premer-Mınıstrdiń orynbasary Berdibek Saparbaev bastaǵan, quramynda Qazaqstan Respýblıkasy Eńbek jəne halyqty əleýmettik qorǵaý mınıstri Birjan Nurymbetov, Densaýlyq saqtaý mınıstri Eljan Birtanov, Bilim jáne ǵylym vıse-mınıstri Sholpan Karınova, Aqparat jəne qoǵamdyq damý vıse-mınıstri Danııar Esın, Mádenıet jáne sport vıse-mınıstri Nurǵısa Dáýeshovter bar Úkimet músheleriniń bir toby Batys Qazaqstan oblysynda boldy.

Oblystyń Aqjaıyq, Báıterek, Terekti aýdandarynyń túrli eńbek ujymdaryn aralap, halyqpen júzdesken úkimet delegasııasy óńirde memlekettik baǵdarlamalar men Prezıdent tapsyrmasy qalaı oryndalyp jatqanyna nazar aýdardy.

Báıterek aýdanynyń Darııan aýylynda bolǵan Premer-Mınıstriniń orynbasary Berdibek Saparbaev aýyldaǵy arnaýly əleýmettik kórsetý ortalyǵymen tanysty. Odan keıin mədenıet úıinde Memleket basshysynyń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» taqyrybynda jarııalanǵan Joldaýy aıasynda jıyn ótti. Turǵyndarmen kezdesýde QR eńbek jəne halyqty əleýmettik qorǵaý mınıstri Birjan Nurymbetov AƏK jaıynda keńirek túsindirip berdi. Búginde elimizde 400 myńnan astam otbasy – 2 mıllıondaı adam jańa úlgidegi ataýly əleýmettik kómek alyp jatyr eken.

- Ataýly áleýmettik kómek tólenetin 1 mln. 300 myń balanyń 60 paıyzy - kóp balaly otbasylarǵa tıesili. Iаǵnı osy sanattaǵy otbasylar muqtaj bolyp otyr. Kelesi jyly tabys kólemine qaramaı 4 nemese odan da kóp balasy bar otbasylarǵa AƏK taǵaıyndaımyz. Ər balaǵa 11 myń teńgeden tólenedi. Kirisi az otbasylardyń balalaryna kepildendirilgen kómek beriledi. Əleýmettik pakette tamaǵy, kıim-keshek, gıgıenalyq quraldar qamtylady. Kepildendirilgen kómek əleýmettik karta – sertıfıkat arqyly beriledi, - dedi B.Saparbaev.

Premer-Mınıstrdiń orynbarasy elimizde ekonomıkalyq qıyndyqtarǵa qaramastan halyqtyń əl-aýqatyn arttyrýǵa kóńil bólinip jatqanyn basa aıtty. Bıylǵy bıýdjet qarajatynyń 40 paıyzy əleýmettik salaǵa baǵyttalǵan.

Aqjaıyq aýdanynyń ortalyǵy Chapaev aýylynda aýdan dárigerlerimen kezdesken Densaýlyq saqtaý mınıstri Eljan Birtanov ta elimizde medısına salasyn damytýǵa kóp kóńil bólinip jatqanyn aıtty. Ásirese jas mamandardyń turǵyn úımen qamtamasyz etilýi basty nazarda. Mınıstr aýylǵa kelgen medıkter eń aldymen baspanaǵa ıe bolýy qajet dedi. Aýdan ortalyǵyndaǵy emhana men aýrýhananyń ujymymen júzdesken mınıstr medısına salasyn sıfrlandyrý, emdelýshilerdiń áleýmettik medısınalyq saqtandyrý júıesinde statýsyn aıqyndaýdy avtomattandyrý barysyn tekserdi. Sonymen birge kadr jetispeýshiligi, bolashaq mamandar, ıaǵnı medısınalyq joǵary oqý oryndarynyń stýdentterimen búginnen bastap, baılanys ornatý jóninde tapsyrma berdi.

Premer-mınıstrdiń orynbasary Berdibek Saparbaev pen densaýlyq saqtaý mınıstri Eljan Birtanov Batys Qazaqstan oblystyq balalar aýrýhanasynda da jergilikti dárigerlermen kezdesti. Bul jerde áńgime taqyryby mindetti áleýmettik medısınalyq saqtandyrý júıesin damytý týrasnda órbidi.

Al Terekti aýdanyndaǵy bilim mekemeleriniń jumys barysymen tanysqan QR Bilim jáne ǵylym vıse-mınıstri Sholpan Karınova úsh aýysymda bilim beretin Podstepnyı qazaq mektebiniń jaǵdaıyn kózimen kórdi.

Oral qalasynda belsendi jastarmen júzdesken Qazaqstan Respýblıkasy Premer-Mınıstriniń orynbasary Berdibek Saparbaev memleket tarapynan jastarǵa qamqorlyq júıeli jalǵasatynyn aıtty.

- «Jas kelse – iske» degen. Sizderdiń boıyńyzda túrli ıdeıa únemi qaınap turady. Alda Eriktiler jyly kele jatyr. Eriktilerdiń kóp bóligi – jastar. Túrli qaıyrymdylyq sharalardyń basynda jastar júredi dep senemin. Memlekettik baǵdarlamalar kómegin tıimdi paıdalanyp, jańa kəsip bastańyzdar. Jastar saıasatyn damytýǵa baǵyttalǵan usynystardy biz árdaıym qoldaımyz, - dedi Berdibek Saparbaev.

Elimizdiń mádenıet jáne sport vıse-mınıstri Nurǵısa Dáýeshov Qadyr Myrza Álı atyndaǵy mádenıet jáne óner ortalyǵynda boldy. Aqyn atyndaǵy ádebı-memorıaldyq kabınetti aralap, birtýar qalamgerdiń muralarymen qatar jergilikti aqyn-jazýshylar týraly derektermen, t.b. jádigerlermen tanysqan vıse-mınıstr ortalyqtaǵy Jazýshylar, Kompozıtorlar Odaǵynyń fılıaldaryn, oqyrmandar úshin turaqty jumys jasaıtyn qalalyq kitaphana bólimshesin, J.Nabıýllın atyndaǵy oqyrman bólmesin, jaqynda jasaqtalǵan kúıshiler bólmesin jáne ádebı-mádenı is-sharalar uıymdastyrylatyn oryndardy da aralady.

Osy jerde Qazaqstan Respýblıkasy Kúıshiler odaǵy BQO fılıalynyń tóraǵasy Asqar Kenjeǵalıev mınıstrlik tarapynan «Halyq kúıshisi» memlekettik ataǵy, Qurmanǵazy, Dına atyndaǵy tósbelgisi bekitilip, osy óner maıtalmandaryna berilýin usyndy. Sondaı-aq Oral qalasynda Qurmanǵazy mýzeı-ortalyǵyn jáne alyp dombyra monýmentin turǵyzýdy, Oral qalasynda batys aımaqtyq-respýblıkalyq mýzykalyq mektep-ınternat keshenin ashýdy usyndy.

Aq Jaıyq óńirinen shyqqan tanymal tulǵalardy ulyqtaý týraly usynysty belgili aqyn, Qadyr Myrza Álı atyndaǵy mádenıet jáne óner ortalyǵynyń basshysy Baýyrjan Halıolla da aıtty. Keler jyly 100 jyldyǵy atap ótiletin aqyn Juban Moldaǵalıevke Almaty qalasynda eskertkish ornatýdy suraǵan usynysty halyq qol shapalaqtap qoldady.

Úkimettik delegasııanyń qorytyndy jıyny Jáńgir han atyndaǵy Batys Qazaqstan agrarlyq-tehnıkalyq ýnıversıtetinde ótti. Oblystyń ár óńirinde halyqpen júzdesken Berdibek Saparbaev halyqtyń kóńil-kúıi jaman emestigin, memlekettik baǵdarlamalar men Elbasy tapsyrmasy retimen júrgizilip jatqanyn aıtty. Memleket tarapynan halyqtyń ál-aýqatyn kóterýge baǵyttalǵan sharalar kesheni týraly túsindirip berdi.

- Elbasymyzdyń «Aldymen ekonomıka, sonan soń saıasat» degen ustanymyn jaqsy bilesizder. Qazaqstannyń ekonomıkasy júıeli damyp keledi. Bıyl el ekonomıkasynyń damý deńgeıi – 4,1% boldy. Prezıdent Qasym-Jomart Toqaev bul kórsetkishti 5 paıyzǵa jetkizýdi tapsyrdy. Osy el tabysynyń negizgi bóligi halyqty áleýmettik qorǵaýǵa, ál-aýqatyn jaqsartýǵa jumsalady, - dedi Berdibek Saparbaev.

Vıse-Premer Qazaqstanda daryndy balalardy, ásirese aýyl oqýshylaryn qoldaýǵa erekshe kóńil bólinetinin aıtty. Qazaqstan Respýblıkasynyń Tuńǵysh Prezıdent qory men Úkimet berlesip «El úmiti» atty jobany iske qospaq. «Bul arqyly myńdaǵan daryndy balaǵa qoldaý kórsetemiz» dedi B.Saparbaev.

Úkimet delegasııasynyń jergilikti zııaly qaýym ókilderimen kezdesýinde Batys Qazaqstan oblystyq analar keńesiniń tóraıymy Shalqyma Qurmanálına, aqyn Baýyrjan Halıolla, jýrnalıst Janar Dáýletova sóz alyp, túrli usynys-pikirlerin ortaǵa saldy. Premer-mınıstrdiń orynbasary memlekettik baǵdarlamalardy qurýda, júzege asyrýda halyq arasynan aıtylǵan osyndaı usynystardyń eskeriletinin aıtty.

 Sýretti túsirgen Rafhat HALELOV

 Batys Qazaqstan

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar