Álem • 13 Qazan, 2019

Túrkııa elshisi áskerı operasııa týraly aıtty

437 retkórsetildi

Túrkııanyń Qazaqstandaǵy  Tótenshe jáne ókiletti elshisi Nevzat Ýıanyk óz eliniń Sırııa aýmaǵynda uıymdastyryp jatqan áskerı operasııasy jaıynda aıtyp   berdi. Elshi 9 qazan kúni bastalǵan «Beıbitshilik qaınary» atty áskerı operasııanyń  Sırııa jerindegi terrorıstik toptardy  joıýǵa baǵyttalǵanyn aıtty.

Elshi Túrkııanyń Evfrat  ózeniniń shyǵys jaǵalaýynda áskerı  operasııa uıymdastyrýyna óńirdegi aýhal sebep  bolǵanyn atap ótti. О́ıtkeni Sırııa jerinde toptasqan birqatar terrorıstik uıymdar  Túrkııanyń  ulttyq  qaýipsizdigine  qater tóndirip,  aımaqtyń berekesin alyp otyr. Sondyqtan el bıligi tústiktegi shekaradan qarýly toptardy alastaýdy maqsat etken. Ári  terrorızmmen kúreste eshqandaı ymyraǵa kelmeıtinin baıqatty.  Nevzat Ýıanyk myrzanyń aıtýyna  qaraǵanda bul shara  terrorıstik uıymdarmen  kúrestiń jalǵasy bolsa kerek. «Túrkııa óziniń ulttyq qaýipsizdigine qaýip tóndiretin birqatar lańkestik uıymdarmen kúresti jalǵastyryp keledi. Halyqaralyq arenada terrorızmmen kúres úshin alǵa qoıylǵan bastamalarǵa árdaıym qoldaý kórsetip keldik. Túrkııa halyqaralyq quqyqtan týyndaıtyn ózin-ózi qorǵaý quqyǵyn qajet bolǵan jaǵdaıda oılanbastan paıdalanatynyn jetkizgen bolatyn. Túrkııa óz shekaralarynyń janynda lańkesterdiń bolýyna kóz juma qaraı almaıdy. Separatıstik maqsattary bar lańkestik toptardyń bolýy Sırııanyń aýmaqtyq tutastyǵy men birligine qaýip tóndirýde. Osy oraıda Túrkııanyń qarýly kúshteri 9 qazan kúni «Beıbitshilik qaınary» atty áskerı operasııany bastady», - dedi Nevzat Ýıanyk. Sonymen qatar elshi atalǵan  operasııanyń halyqaralyq quqyq aıasynda, atap aıtqanda BUU jarǵysynyń 51-babyna saı ózin-ózi qorǵaý quqyǵy sheńberinde jáne BUU Qaýipsizdik Keńesiniń terrorızmmen kúreske qatysty qaýlylaryna sáıkes júrgizilip jatyr. Sonymen birge  «Beıbitshilik  qaınary»  operasııasyn  uıymdastyrý barysynda Túrkııa  Sırııanyń  aýmaqtyq tutastyǵy men  birligin saqtaýdy basty nazarda  ustap otyr. Ári shekara boıynda qaýipsiz aımaq qalyptastyra otyryp, elderinen bosyp ketken  sırııalyqtardyń týǵan ólkelerine oralýlaryna múmkindik jasaý jaǵy da eskerilgen. Sondyqtan, áskerı  operasııanyń sıpaty ózgeshe bolmaq. «Túrkııanyń lańkestikpen kúres jónindegi kúsh-jigeri Sırııanyń aýmaqtyq tutastyǵy men birligin saqtaýǵa yqpal etedi. Osymen toǵyzynshy jyl jalǵasyp kele jatqan Sırııa qaqtyǵysynyń beıbit jolmen sheshilýi úshin Túrkııa joǵary deńgeıdegi Astana kezdesýlerisyndy barlyq halyqaralyq bastamalarda belsendilik tanytyp júr. Sırııadaǵy soǵys pen zorlyq-zombylyqtan qashyp, elimizdi panalap kelgen 3,6 mıllıon sırııalyqtar 9 jyldan beri Túrkııanyń shańyraǵy astynda. Olardy qolda bar múmkindigimizben asyrap otyrmyz jáne Túrkııa bul oraıda halyqaralyq qoǵamdastyqtan kútken qoldaýdy kóre almady» dedi Nevzat Ýıanyk. Sonymen qatar Túrkııa elshisi Sırııada tutqynǵa túsken terrorıster men olardyń otbasy múshelerine qatysty ár eldiń ustanymy ártúrli ekenin aıtty. Kóptegen elder DAISh  qatarynda bolǵan azamattaryn óz elderine qaıtaryp alýǵa múddelilik tanytpaı otyr. Sondyqtan olar qazir Sırııa jerinde qalǵan. Alaıda buryn terrorıstik top quramynda bolǵandardy  ár el ózinde sottaǵany  durys. Onsyz olar PYD («Demokratııalyq birlik partııasy») jáne YPG («Halyqtyq qorǵanys jasaqtary») tárizdi terrorıstik toptardyń ózge elderdi  bopsalaý quralyna aınalyp  barady. О́ıtkeni Sırııa jerinde áreket etip júrgen atalǵan toptar DAISh sodyrlaryn tutqynǵa alǵan. Qazir olardyń birshamasyn tutqynda ustap otyr. Bul  9 jyldan beri  soǵys bolyp jatqan Sırııamen irgeles otyrǵan  Túrkııaǵa da qaýip tóndiretin  jaıt. Sondyqtan Túrkııa elshisi Qazaqstannyń «Jýsan» operasııasy arqyly DAISh  quramynda bolǵan azamattardyń otbasylaryn elge qaıtarǵanyn quptarlyq is sanaıdy. Degenmen mundaı  qadamǵa barǵan el az.

Jalpy Túrkııanyń  Sırııa jerindegi áskerı  operasııasyna  qatysty kóptegen mass-medıanyń  birjaqty habar taratyp jatqan jaıy bar. Nevzat Ýıanyk atalǵan máselege de toqtaldy. Elshi qazaqstandyq jýrnalısterge  shetel mass-medıasyndaǵy bir jaqty qaralaý men  burmalanǵan  aqparattarǵa sene bermeý qajet ekenin aıtty. «Sırııadaǵy operasııaǵa qatysty  kúrdterge qysym jasalyp jatqany jaıly áńgimelerge senbeńizder. Bul jerde, kúrd, túrik degen másele joq. Terrorıstermen kúres bar», dedi Túrkııa elshisi. Sóıtip halyqaralyq  oqıǵalarǵa baǵa berýde qazaqstandyq BAQ-tyń ishinde birjaqty derek kózderine ǵana súıený kezdesip qalatynyn tuspaldady. Rasynda da otandyq mass-medıada «Beıbitshilik qaınary»  operasııasyn kúrdterge qarsy jasalyp jatqan qysym retinde sıpattaıtyn jaǵdaılar kezdesip qalady. Is júzinde  atalǵan  operasııa sırııalyq  bosqyndardy elderine qaıtarýǵa da yqpal etetin,  óńirdegi halyqqa qysym jasap, aımaqtyń demografııalyq qurylymyn kúshpen ózgertýge tyrysyp jatqan  toptardy joıýǵa baǵyttalǵan. «Egemen Qazaqstan» basylymynyń ótken sandarynyń birinde atalǵan operasııa jaıly egjeı-tegjeıli jazylǵan  bolatyn. Onda biz Túrkııa bıligi  operasııany sátti aıaqtasa Sırııaǵa kemi 2 mln bosqynny qaıta oralýy múmkin ekenin aıtqanbyz. Biraq áskerı operasııany aıaqtaý  merizimi naqty emes. Baýyrlas memleket elshisiniń aıtýynsha Túrkııa «aımaq terrorlyq elementterden tazalanǵanǵa deıin, shekaralyq qaýipsizdik ornyqtyrylyp, Sırııa halqy PYD/YPG jáneDAISh zulmatynan qutylǵanǵa deıin opersııamyzdy jalǵastyra berýge nıetti».  Demek, ázirne naqty ýaqyt aıtý qıyn. 2017 jáne 2018 jyldary uıymdastyrylǵan «Evfrat  qalǵany» jáne «Záıtún butaǵy  operasııasynyń da qanshaǵa sozylatyny áý basta belgili bolǵan joq. Biraq birneshe aıǵa sozylǵan  operasııalardan keıin 360 myńnan astam sırııalyq óz mekenderine oralǵan  bolatyn.  Osy derekti tilge tıek etken N.Ýıanyk myrza  keıbir terrorlyq toptardy birqatar elderdiń astyrtyn qoldaıtynyn da aıtty. 

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar