Sport • 15 Qazan, 2019

Belgııaǵa qarsy turar shama qaıda?!

42 retkórsetildi

Fýtboldan Qazaqstan ulttyq quramasy 2020 jylǵy Eýropa chempıonatynyń irikteý kezeńi aıasynda I tobynyń úzdigi, FIFA reıtınginde kósh bastap turǵan Belgııa quramasyn qabyldap, 0:2 esebimen ese jiberdi.

Eki qurama arasyndaǵy al­ǵash­qy kezdesý maýsym aıynda Belgııada ótken bolatyn. Sol matchta Eden Azar bastaǵan bel­gııa­lyq fýtbolshylar Qazaq­stan quramasynyń qaqpasyna jaýapsyz 3 gol soǵyp, jeńiske jetken edi. Arada 4 aı ótkende «As­tana Arena» stadıonynda Belgııa quramasy óziniń myqty­lyǵyn taǵy da dáleldedi.

Áý basta fýtbol mamandary bul matchta Belgııa quramasy esh qıyndyqsyz jeńedi dep bol­jaǵan-dy. Tipti «Qyzyl saı­tandar» bizdiń qaqpaǵa jaýapsyz 4-5 gol soǵady dep te sáýegeılik jasa­ǵandar bar edi... Qazaqstan quramasy oıyndy jaqsy bas­tady dep aıtýǵa bolady. Match­tyń alǵashqy 20 mınýtyn otan­dastarymyz qorǵanysta da, sha­býylda da sátti ótkizdi. Oı­yndaǵy alǵashqy qaýipti sha­býyldy da bizdiń jigitter uıym­dastyryp, gol soǵatyn tamasha múmkindikti paıdalana almady. 8-mınýtta Maksım Fe­dınniń aıyp alańynyń ma­ńaıynan tepken doby qaqpa baǵanynan sál ǵana qıys ketti. Qonaqtar da qorǵanysqa jatyp aldy dep aıta almaımyz. Eden Azar, Mıshı Batshýaıı sııaq­ty kil myqtylar jınalǵan Belgııa fýtbolshylary da Dmıtrıı Nepogodov qorǵaǵan qaqpany birneshe ret nysanaǵa alǵanymen, nátıje shyqpady. Dese de, oıynnyń 21-mınýtynda Batshýaıı mergendigimen kózge túsip, esepti ashty. Otan­da­sy Dennıs Prattan pas al­ǵan Mıshı qorǵaýshy Ab­zal Beı­sebekov pen qaqpashy Dmı­trıı Nepogodovty qapy qal­dy­ryp, gol soǵyp ketti. Birinshi taımnyń sońyna deıin bel­gııalyqtar birneshe qaýipti sha­býyl uıymdastyrǵanymen, esepti eseleı almady.

Ekinshi taım da Belgııa qu­ramasynyń basymdyǵymen bas­taldy. Qonaqtar bizdiń qaq­pa mańaıynda jıi shabýyl­daǵanymen, kóbisi sátsiz aıaq­talyp jatty. Biraq 53-mınýtta qonaq­tardyń kapı­tany Eden Azar oń qanattan ashylǵan Toma Menege dál pas asyrdy. Qor­ǵaýshy Dmıtrıı Shomkony qa­py qaldyryp, dopty ózine sát­­ti ıkemdep alǵan Mene Ne­pogodov qaqpasyna soqqy ba­ǵyttap, esepti 2:0-ge jetkizdi. Kezdesý sońyna deıin Belgııa quramasynyń esepti eseleıtin birneshe múmkindigi boldy. Drıs Mertens pen Mıshı Bat­shýaııdiń tepken doptary birde qıys ketse, birde Nepo­go­dov qyraǵylyq tanytty. Jer­lesterimiz alǵashqy taımda­ǵydaı ekinshi 45 mınýtta da bir ǵana qaýipti shabýylymen kózge tústi. 79-mınýtta Bel­gııa birinshiliginde dop teýip júrgen Iаn Vorogovskıı qaqpa­shymen birge-bir shyǵyp, gol soǵa almady. Bul jerde Vo­rogovskııge sát­tilik pen she­berlik jetispedi. Osylaısha, Belgııa 0:2 esebi­men jeńiske jetip, kezekti úsh upaıyn ol­jalady. Al Qa­zaq­stan qura­masy Eýropa chem­pıo­natynyń irikteýin óz ala­ńynda jeńispen bastap (Qazaqstan – Shotlandııa – 3:0), jeńilispen aıaqtady. Endi otandastarymyz irikteý kezeńindegi sońǵy eki oıy­nyn syrt alańda ótkizedi. 16 qa­rashada San-Marınoǵa qonaqqa barsa, 20 qarashada Shotlandııa quramasymen kezdesedi.

 

Sońǵy jańalyqtar

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Nur-Sultanda gaz baǵasy qansha bolady?

Qoǵam • 20 Qarasha, 2019

Teristiktiń óndirisi jandana bastady

Ekonomıka • 20 Qarasha, 2019

Tennıs: Devıs kýbogyn jeńispen bastadyq

Tennıs • 20 Qarasha, 2019

Uqsas jańalyqtar