Aımaqtar • 16 Qazan, 2019

Moıynqumǵa ushaq qatynaıdy

41 retkórsetildi

Moıynqum – Jambyl oblysynyń eń shalǵaı aýdandarynyń biri. Joldyń uzaqtyǵy óz aldyna, talaı jyldan beri jóndeý kórmegen joldar da turǵyndardyń Moıynqum men Taraz arasyna qatynaýyna yńǵaısyz bolyp kelgen edi. Endi sol olqylyqtyń orny tolǵaly otyr. Jambyl oblysynyń ákimi Asqar Myrzahmetovtiń tapsyrmasymen, Taraz ben Moıynqum arasynda áýe tasymaly iske qosylatyn boldy.

«О́ńirde shaǵyn avıasııany damytý qarasty­rylyp otyr. Búgingi tańda oblysymyzdyń ortalyǵynan Moıynqum jáne Tóle bı aýyldaryna áýe baǵyttaryn ashý múmkindikterin zerdeleý, sonyń ishinde qajettilikti anyqtaý, áýeaılaq salýǵa ketetin shyǵyn kólemin anyqtaý boıynsha jumystar júrgizilýde», deıdi Jambyl oblystyq jolaýshylar kóligi jáne avtomobıl joldary basqarmasynyń basshysy Baqytjan Jánibekov.

Aıta keteıik, Moıynqum aýylynan Taraz qalasyna bir kezderi, ıaǵnı 1966-1990 jyldar aralyǵynda kúndelikti 2 ret «AN-2» jáne «IаK-40» ushaqtarymen áýe tasymaly qyzmeti kórsetilgen. Alaıda kezindegi elimizdegi qarjylyq qıyndyqtarǵa baılanysty atalǵan áýe baǵyttary jumysyn toqtatqan edi. Aldaǵy ýaqytta bul bastama qaıta jandanyp, kóptiń tilegi oryndalatyn da kún alys emes. Áýe tasymaly iske qosylǵan jaǵdaıda eki aradaǵy avtokólikpen júretin 4-5 saǵattyq jol qysqaryp, 1-1,5 saǵatta Moıynqumǵa jetýge múmkindik týady dep kútilýde. Búgingi tańda aýdanda áýeaılaq salý úshin arnaıy jer de belgilengen.

Jambyl oblysy

Sońǵy jańalyqtar

75 kúımen rekord jańartty

Rýhanııat • Keshe

Abaı murasy máńgilik

Abaı • Keshe

Basty aqparat (17.02.2020)

Vıdeo • Keshe

Aqmeshitte alaman aıtys ótti

Rýhanııat • Keshe

Uqsas jańalyqtar