Aımaqtar • 17 Qazan, 2019

Juldyzdaı aǵyp ótken

271 retkórsetildi

29 jasynda qapyda qaza tapqan, qysqa ǵumyrynda sońynda óshpes iz qaldyrǵan ataqty samboshy, KSRO sport sheberi Marat Imashevqa Aqsýat aýylynda eskertkish ornatyldy.

...Tarbaǵataı aýdanynyń ortalyǵy Aqsýat aýylynda ótken aptada el esin­de qalatyndaı eleýli oqıǵa boldy. Qazaq jastary arasynan sambo kúre­sinen tuńǵysh KSRO sport sheberi, Máskeý qalasynyń eki dúrkin, Odaqtyq jarys­tardyń birneshe dúrkin chempıony Marat Imashevtyń 80 jasqa tolýyna ar­nalǵan eskertkishtiń ashylýy jáne jas­óspirimderdiń oblystyq birinshiligi ótti.

Eń aldymen Marat aǵa týraly aıta ketsek. Ol 1939 jyldyń naýryzynda Semeı oblysy, Aqsýat aýdanyna qarasty Qyzylkesik aýyldyq keńesine qarasty Maılybaı qystaǵynda dúnıege keldi. 1948-1956 jyldary Aqsýat ortalaý mektebinde bilim alyp, ákesi Imashqa kómektesip, baqtashy bolady. 1958 jyly azamattyq boryshyn óteýge attanady. Joly bolyp, sportty unatatyn azamat Más­keý qalasyndaǵy ishki ister áskerı bólimine tap keledi.

Bala kezinen eńbekpen shynyqqan, qol-aıaǵy balǵadaı, dene bitimi shoıynnan quıǵandaı shymyr azamatty kórgen SSKA-nyń sambodan jattyqtyrýshysy V.Andreev kúres seksııasyna jazdyrady. Bir jarym jyldan keıin Marat Máskeý qalasynyń birinshiliginde kúmis júldeger atanady. Al kelesi eki jyl boıy Máskeý qalasynyń birinshiliginde sambo kúresinen chempıon atandy. 1961 jyly qazaq jastary arasynan KSRO, RSFSR birinshilikteriniń jeńimpazy atanady. Ol ol ma, talantty samboshy sál keıin Berlınde ótken halyqaralyq týnırde de asyǵy alshysynan túsip, jeńimpaz bolyp oralady.

Marat aǵanyń Máskeýde qalýyna múmkindigi bola tursa da elge asyǵady. Se­meı qalasyndaǵy «Dınamo» sport qoǵa­mynda sambodan jattyqtyrýshy bolady. Bapker bola júrip ózi de oblys namysyn abyroımen qorǵaıdy. Qazaq­stannyń tórt dúrkin chempıony atanady, odaqtyq jarystarda da el namysyn abyroımen qorǵaıdy.

Marat Imashevtan tárbıe alǵan alǵashqy býyn shákirtteri Tóleýhan Ámirjanov, Maımurat Ýálıev, Sáben Ydylbaev, Bekejan Jumabaev, Murat Ámirhanov tamasha nátıjelerge jetedi. Al kelesi býyn shákirtteri Bolat Orazǵalıev, Kereı men Mereı Qoıshybekovter, Ha­mıt Ysqaqovtar KSRO sheberi atanyp, baıraqty báseke­lerde el namysyn qor­ǵady. Qosman Seıilhanov odaqta chempıon atanady. Baýyrjan Sadyqanov, Qaırat Kúnsafın Álem chempıondary boldy. Mine, qazaq sportynyń órkendeýine erekshe úles qosqan Marat aǵa, ókinishke oraı, Reseıdegi dúbirli dodaǵa qatysqan kezde kenetten jumbaq jaǵdaıda nebári 29 jasynda kóz jumdy. О́kinishti-aq.

Eskertkishtiń ashylýynda sóz alǵan aýdan ákimi Serikqazy Sádýaqasov Marat Imashevtaı er-azamatty ósirgen ata-anasyna, jerlesterine alǵysyn aıtty. Marat aǵa bizben birge, onyń atyndaǵy balalar men jasóspirimder sport mektebinde bul kúnderi júzdegen talantty balalar sporttyń birneshe túrinen jattyǵyp, jaqsy nátıjeler kórsetip júr. Aýdan ósip-órkendep keledi. Byltyr Qarasha aýylynda, al bıyl Táýke men Saıbolat batyrdyń urpaqtary babalaryna eskertkish qoıdy. Qazaq kúresinen Yrǵyzbaı Doshanauly atyndaǵy Álem kýbogy jarysy sońǵy 7 jyldan beri turaqty túrde ótip, oǵan dúnıe júziniń 35-40 memleketinen ataqty balýandar qatysýda. Mine, búgin «Biz birgemiz» aksııasy boıynsha eki múgedek balaǵa tegin turǵyn úı kiltin tapsyrǵaly otyrmyz. Byltyr da Jandos Orazǵalıev, Almas Aqasulynyń bastamasymen Qarǵyba aýylynda 6 balasy bar otbasyna tegin úı salyp bergen edik. Aldaǵy ýaqytta da Tarbaǵataı eli ósip-órkendeı beredi, – dedi aýdan ákimi.

Eskertkishtiń ashylýynda aýdannyń qurmetti azamaty Tohtarbek Kenjın, analar atynan H.Myrzataeva, Marattyń shákirti Murat Ámirhanov, aýdannyń qurmetti azamaty, qazaq kúresi federasııa­sy basshylarynyń biri Talǵat Mázibaev, basqa da azamattar sóz alyp, Marattaı dańqty uldaryna qurmet kór­setken aýdan ákimi Serikqazy Sá­dýaqas­ulyna, dostaryna, jubaıy Raý­shan apaıǵa alǵystaryn aıtty. Budan keıin birneshe atalym boıyn­sha úzdikterge Alǵys hattar tabys etil­di. Atap aıtqanda, aýdan basshysy S.Qusaıyn­uly «Qamqor basshy», ataqty kásipker,«Biz birgemiz» aksııasyna 2 mıllıon teńge bergen, qazirgi kúni Semeıdegi meshitti kúrdeli jóndeýden ótkizip jat­qan Dýlat Tastekeevke «Birtýar tulǵa», «Meıirli ana» atalymy boıynsha Jaına Jakýlınaǵa, «Berekeli ujym» atalymy boıynsha Aqsýat kóp balaly ujymyna marapattar tapsyryldy.

Eskertkish ashylǵan soń aspanda kóńildi áýen qalqyp, jınalǵan qaýym bir-birin quttyqtap jatty. Sonymen Marat aǵa elimen qaıta qaýyshty.Marat Imashevqa arnalyp quran-qatym túsi­rilip, as berildi. Dzıýdodan oblystyq týrnır jalaýyn kóterdi.

 

Ońdasyn ELÝBAI

 

 

 

Sońǵy jańalyqtar

21 jyl boıy qujatsyz júrgen

Aımaqtar • Búgin, 10:59

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

Haziretter qazynasy

Rýhanııat • Búgin, 07:43

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Ǵarysh salasy jańa deńgeıge kóteriledi

Tehnologııa • Búgin, 06:38

Parasattylyq – basty nazarda

Aımaqtar • Búgin, 06:30

Hat qorjyn (14.11.2019)

Ádebıet • Búgin, 06:28

Kúrish suryptary suıylyp barady

Ekonomıka • Búgin, 06:24

Sıpaty bólek kýálik

Qoǵam • Búgin, 06:14

Altyn Adam Afınada

Qazaqstan • Keshe

Uqsas jańalyqtar