Aımaqtar • 17 Qazan, 2019

Assambleıa músheleri eski merekeni eske saldy

65 retkórsetildi

Shymkentte Qazaqstan halqy Assam­bleıasynyń músheleri qazaq halqynyń «Mızam» ulttyq merekesin qaıta jańǵyrtty. Qalalyq «Yntymaq» etnosaralyq mádenı birlestiginiń uıymdastyrýymen ótken sharada umytyla bastaǵan merekeniń mán-mańyzy nasıhattalyp, dástúrge saı taǵamdardy qys maýsymyna daıyn­daýdyń ádis-tásilderi kórsetildi.

Qalalyq «Yntymaq» etnosaralyq mádenı birlestiginiń tóraıymy Gaýhar Tólepova merekeniń ereksheligine toqtalyp, rýhanı jańǵyrýǵa bastaıtyn ıgi sharalar aldaǵy ýaqytta da óz jalǵasyn tabatynyn jetkizdi.

«Mızam» – mal semirip, egin orylyp, qysqa azyq tolyq jınalyp berekege keneletin sátte atalyp ótetin mereke. Ertede bul mereke qyrkúıek aıynyń sońǵy kúnderinen bastalyp, qazan aıynyń ortasyna deıingi shýaqty kúnderde toılanatyn bolǵan. Jalpy, halqymyzdyń ár merekesi erekshe mánge ıe. Ony búgingi jastar bilip, jalǵastyrǵany jón», deıdi G.Tólepova.

Jıynda qarynǵa maı salyp, et súrlegen aq jaýlyqty analar kóne dástúr boıynsha taǵamdardy qysqa daıyndaýdyń joldaryn kópshilikke tanystyrsa, qolónershiler sheberlik sabaqtaryn uıymdastyrdy.

Merekelik jıyn ári qaraı Polıtehnıkalyq kolledjde etnos jastarynyń qatysýymen «Tilge qurmet – elge qurmet» taqyrybyndaǵy májilispen jalǵasty.

Aıta keterligi, «Yntymaq» etnosaralyq mádenı birlestigi óńirimizde 1996 jyldan beri jumys isteıdi. Qaladaǵy sany az etnostardyń basyn biriktirgen uıym osyndaı is-sharalar arqyly qazaq halqynyń salt-dástúri men mádenıetin nasıhattap, damytýǵa súbeli úles qosyp keledi.

 

 

Sońǵy jańalyqtar

Qazaq kuresi assosıasıasy quryldy

Sport • Búgin, 13:48

Ǵaryshta adam qalaı uıyqtaıdy?

Tehnologııa • Búgin, 13:31

Shymkentte kóktemgi tazalyq sharasy ótti

Aımaqtar • Búgin, 13:21

29 aqpan - Kibise kúni

Qazaqstan • Búgin, 13:08

Almaty mańynda jer silkindi

Qazaqstan • Búgin, 11:55

Basty aqparat (28.02.2020)

Vıdeo • Keshe

Uqsas jańalyqtar