Qazaqstan • 17 Qazan, 2019

Úndistan delegasııasy qazaqstandyq áskerı ınstıtýtta boldy

33 retkórsetildi

Almatyda Radıoelektronıka jáne baılanys áskerı-ınjenerlik ınstıtýtyna Úndistan delegasııasy keldi. Onyń quramynda Úndistannyń Qazaqstandaǵy áskerı attashesi – polkovnık Mılan Naladvade, áskerı-áýe kúshteriniń ókili – avıasııa polkovnıgi Anıl Kýmar Natýr Gýradjanı, sondaı-aq  ÁÁK College of air Warefare jetekshi oqý ornynyń ofıserleri boldy. Bul týraly Qorǵanys mınıstrliginiń baspasóz qyzmeti habarlady. 

Jumys sapary aıasynda Úndi ofıserleri qazirgi zamanǵy oqý-materıaldyq bazamen jáne oqytý júıesimen tanysty, áskerı ınstıtýttyń aýdıtorııalary men synyptaryn qarap shyqty, onda olarǵa áskerı tehnıka men qarý-jaraq úlgileri kórsetildi.

Qazaqstandyq áskerı ınstıtýt ókilderi sheteldik qonaqtarǵa Qazaqstandaǵy joǵary áskerı bilim, oqý ornynyń damý bolashaǵy, joǵary oqý ornynyń bilim berý jáne ǵylymı áleýeti týraly aıtyp berdi. Sheteldik qonaqtar ózderin qyzyqtyrǵan barlyq suraqtarǵa jaýap aldy, sondaı-aq áskerı ınstıtýttyń murajaıynda boldy. Úndistan delegasııasynyń jetekshisi qurmetti qonaqtar kitabyna estelik jazba qaldyrdy.

Sheteldik ókilder áskerı-ınjenerlik ınstıtýt olarǵa oń áser qaldyrǵanyn aıtty. Úndi delegasııasy ózara yntymaqtastyqty jalǵastyrýǵa jáne damytýǵa senim bildirdi, sondaı-aq áskerı oqý ornynyń basshylyǵyna qonaqjaılyǵy úshin alǵys bildirdi.

Radıoelektronıka jáne baılanys Áskerı-ınjenerlik ınstıtýty zenıttik zymyran, radıotehnıkalyq áskerler, avıasııany radıotehnıkalyq qamtamasyz etý baılanys bólimderi úshin bilikti ofıserlerdi, sondaı-aq áskerler men qarý-jaraqty basqarýdyń avtomattandyrylǵan júıeleriniń ınjenerlerin daıarlaıtynyn atap ótken jón. Ofıser-radıoınjenerlerdi daıarlaý 5 mamandyq boıynsha júrgiziledi. 18 jyl ishinde JOO elimizdiń Qarýly Kúshteri úshin 1730 leıtenant – bilikti áskerı mamandardy daıarlady.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar