Aımaqtar • 21 Qazan, 2019

Altyn kúz, araıly saltanat

43 retkórsetildi

Aýa raıynyń qolaıly shaǵynda egin-teginin úlgili jınap alǵan Shıeli aýdanynyń halqy «Altyn kúz-2019» merekesin shat-shadyman kúıde toılady. Dıqandar toıy­men qatar aıtýly aqyn, ádebıet synshysy, ǵalym Ábdilda Tájibaevtyń 110 jyldyǵy, aýdannyń tól basylymy «О́sken óńir» gazetiniń 80 jyldyq mereıtoıy atalyp ótti.

Iá, bıylǵy kúz shıelilikter úshin berekeli boldy. Aýdan dıqandary jalpy 30 myń gektarǵa taıaý kólemge egin ekse, onyń 12478 gektary – Syr salysy. Onyń ár gektarynan ortasha 61,2 sentnerden ortasha ónim jınalyp, sharýashylyqtar qambasyna quıyldy. Bul sońǵy jyldary qol jetkizgen zor tabys ekendigi belgili. Osyndaı jan­keshti eńbektiń nátıjesinde Shıeli aýdany oblysta júldegerler qatarynan kórindi. Bul oraıda aýdandaǵy iri sharýashylyqtar – Aqmaıa, Tóńkeris, Bıdaıkól jáne Bestam eliniń ozyq eńbek uıymdastyrýymen úzdik nátıje kórsetkenin aıtqan jón.

Ortalyq stadıonda ótken sharada Qyzylorda oblysy ákiminiń orynbasary Naýryzbaı Baıqadamov quttyqtaý sóz sóılep, odan ári ozattardy marapattaý rásimine qatysty. Aýdan ákimi Áshim Orazbekuly óz sózinde sońǵy 5 jylda barlyq salalar boıynsha damýdyń oń dınamıkasyna qol jetkizilgenin tilge tıek etip, qurylys, ınvestısııa kólemi artyp, aýdannyń bıýdjeti birneshe esege óskenin atady. «Kúrishten rekordtyq kórsetkish ónim jınalyp, Shıeli aýdany oblysta birneshe ret «Úzdik aýdan» atandy. Bul erteli kesh eńbek etken eńbekkerlerdiń jemisi», dep dala eńbekkerleriniń jumysyna zor baǵa berdi.

Á.Tájibaevtyń 110 jyldyǵyna ar­nalǵan «Jyr-ǵumyr» atty tanymdyq konferensııa joǵary dárejede ótti. On­da halyqaralyq «Alash» syılyǵynyń laý­reaty, ádebıet synshy-zertteýshisi, qarymdy qalamger Baqyt Sarbalaev, jazýshy, halyqaralyq «Alash», «Soros-Qazaqstan» syılyqtarynyń laýreaty Qýandyq Túmenbaı, Qazaqstannyń Qurmetti jýrnalısi Sársenbek Bek­muratuly, jýrnalıst-zańger, til janashyry Aǵaı­dar Ysymuly, halyqaralyq «Alash» syılyǵynyń laýreaty, aqyn Qatıra Jálenova, Á.Tájibaev atyndaǵy Qyzylorda oblystyq ámbebap ǵylymı kitaphanasynyń basshysy Nurjamal Myrzamuratovalar tartymdy baıandamalar jasady.

Merekelik sharada qazaqtyń ulttyq oıyndary dýmandy qyzdyra tústi. Aq kıiz úıdiń ishine jaıylǵan dastarqanda qonaqtarǵa dám usynyldy. Merekelik shara odan ári aýdan ónerpazdarynyń konserttik baǵdarlamasyna ulasty.

 

Nurmahan ELTAI

Qyzylorda oblysy,
Shıeli aýdany

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Qoldaý ǵylymǵa qajet

Qoǵam • Keshe

Apta úzdigi atandy

Hokkeı • Keshe

Uqsas jańalyqtar