Aımaqtar • 21 Qazan, 2019

Jambyldyń jomart jandary

57 retkórsetildi

О́ńirdegi birqatar azamat «Jomart júrek» syılyǵymen marapattaldy. Atalǵan shara «Rýhanı jańǵyrý» baǵdarlamasy aıasynda uıymdastyrylyp, syılyq bes atalym boıynsha laıyqty kandıdattarǵa berildi.

Áýeli óńirdegi iri jobalarǵa qol­daý bildirip, áleýmettik az qam­tylǵan otbasylarǵa kómek qolyn sozyp kele jatqan «Araı­­­­-s­troı­­market-2030» jaýapker­shiligi shekteýli seriktestiginiń dırektory Arman Edilbaevqa «Jyl mesenaty» ataǵy tabys etildi. Kásipker talaı jyldan beri qarttar úıi men balalar úıine qarjylaı kómek kórsetip keledi. Sonymen qatar ol aǵymdaǵy jy­ly qaıta jańǵyrtýdan ótken Taraz qalasyndaǵy «Jas­tar alleıasynyń» qurylys jumys­taryna 224 mıllıon teńge ból­genin de aıtý kerek.

Al «Týǵan ólke» atalymyn qordaılyq kásipker, «SSSR» jaýap­kershiligi shekteýli serik­testiginiń dırektory Sár­sebek Salybaev ıelendi. Kásipker soń­ǵy 3 jyl ishinde az qamtylǵan otba­sylarǵa 41,9 mıllıon­ teń­gege 8 turǵyn úı salyp ber­gen azamat. Son­daı-aq 17 qordaı­lyq­tyń baspanaly bolýyna qar­jylaı kómek kórsetip, 10 turǵynǵa qajetti qurylys materıaldaryn alyp berdi. О́ziniń sporttyq mansabynda 12 ret álem rekordyn jańǵyrtqan dańq­ty sportshy Zýlfııa Gabı­dýl­lına «Jyl tulǵasy» ata­ly­myn jeńip aldy. Sondaı-aq ol talaı ret el qorjynyna olja sal­ǵan jan. Jıyn barysynda «Jyldyń úzdik uıymy» atalymy «Qazfosfat» jaýapkershiligi shekteýli seriktestigine buıyr­dy. Seriktestik basshysy, Qazaq­stannyń Eńbek Eri Mu­qash Es­kendirov te talaı ýaqyt­tan beri óńir turǵyndaryna áleýmet­tik-materıaldyq tur­ǵyda kómek kór­setip keledi. О́z ónimin álemniń 27 eline eksporttaıtyn «Qazfosfat» sońǵy jyldary qaıyrymdylyq jumystaryna 46 mıllıon teńge jumsaǵan.Áleýmettik mańyzy bar úzdik jobalardy júzege asyrǵandarǵa ǵana tabys etiletin «Eren eriktilik» ataǵy Taraz irgesindegi Qumshaǵal, Shóldala turǵyndaryna kómek qolyn sozyp júrgen «О́RKEN-NIET» qaıyrymdylyq qorynyń tóraǵasy Saǵdat Aınabekovke buıyrdy. Atalǵan syılyqtardy ıelengen azamattardyń bári de Áýlıeata óńiriniń áleýetin kóterýge atsalysyp júrgen azamattar deýge bolady.

Jambyl oblysy

Sońǵy jańalyqtar

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar