Qoǵam • 22 Qazan, 2019

Eki medısınalyq poıyz elimizdiń 40 myńnan astam turǵynyna kómek kórsetti

18 retkórsetildi

«Densaýlyq» medısınalyq poıyzy Mańǵystaý oblysynyń 10 shalǵaı stansasy boıynsha saparyn aıaqtady. Poıyz mamandary jergilikti turǵyndarǵa tegin medısınalyq kómek kórsetip, birqatar aýyr syrqattardy anyqtap, odan ári emdelý men tekseristen ótý úshin joldamalar berdi.

Eresekter men balalar arasynda anyqtalǵan aýrýlardyń kóbi san jaǵynan da, aýrý dáreje­siniń kúrdelilik deńgeıi bo­ıynsha da óńirden óńirge barǵan saıyn ósip keledi. Bul joly medısınalyq poıyz mamandary birqatar aýyr onkologııalyq jáne júrek-qan tamyr aýrýlarynyń anyq­talýynyń kýási boldy. Mań­ǵys­taý oblysyndaǵy medı­sı­nalyq tekserýlerdiń statıs­tı­kasy kelesideı: jalpy 10 823 dárigerge kelý tirkelgen, dári­gerler 2 306 pasıentti qabyl­da­­ǵan, onyń ishinde 481 bala. Medısınalyq poıyz shaǵyn hırýrgııalyq otalar jasaýǵa jáne skrınıngke qajetti barlyq tehnıkamen jabdyqtalǵan. Osylaısha poıyzda 181 FGDS prosedýrasy, 717 ÝDZ (ÝZI) jáne 233 flıýorografııa jasaldy. Mańǵystaý oblysynda turǵyndar eń kóp barǵan dárigerler qatarynda stomatolog, oftalmolog bar. Tis dárigeri 832 adamdy qabyldasa, kóz dárigeri  820 adamdy tekserip úlgergen.

«Mańǵystaý oblysynyń turǵyndaryn tekserý barysynda 10-nan astam onkologııalyq syr­qat anyqtaldy. Onyń ishin­de: 2 bet terisiniń aýrýy, 1 aýyz qýysynyń aýrýy, ÝDZ nátı­je­sin­de baýyrdyń metas­ta­tıkalyq zaqymdanýynyń 2 jaǵ­da­ıy, 2 búırek aýrýy, 2 qýyq aýrýy, 1 qalqansha bezi aýrýy jáne búırektegi qatersiz isiktiń 3 jaǵ­da­ıy anyqtaldy.

Sondaı-aq naýqastardyń bireýinde EKG-ny tekserý kezinde birinshi ret ekinshi dárejeli sınomolekýlıarly blokada anyqtaldy - ol birden Holter monıtorıngine jiberildi. Naýqas odan ári kardıostımýlıatordy ımplantasııalaý úshin tolyq tekserýden ótýi kerek. Biz barlyq pasıentterge qorytyndy men odan ári emdelý úshin joldamalar beremiz», dedi Mańǵystaý oblysy boıynsha medısınalyq brıgada basshysy Zýlııa Kamıeva.

Medısınalyq poıyz maman­dar­dyń keń spektri boıynsha jumys isteıtin klınıkalary joq shalǵaı aýdandarda tegin medı­sınalyq kómek kórse­tedi. Mun­daı kómek aýyr syrqattar­dyń taralýyna jol bermeıdi. Naý­qastar dárigerler men medbıkelerge kásibı deńgeıde kórsetken qyzmetteri úshin alǵys bildiredi.

 «Búgin bizdiń eldi mekenge «Densaýlyq» medısınalyq po­ıy­zy keldi. Maǵan dárigerlerdiń pa­sıentterge degen qarym-qa­ty­­nastary unady. Barlyǵy sypaıy, uqypty jáne óz isiniń sheberleri eken. Ásirese qart­tar óte rıza. Medısınalyq poıyz­dyń bizge jyl saıyn kelip turǵa­nyn qalaımyz», deıdi Saı-Útes be­ke­­tiniń turǵyny Baǵılash Beıbitova.

Esterińizge sala ketsek, joba 29 sáýirden bastap júzege asyrylyp keledi jáne onyń bas­ty maqsaty – elimizdiń shalǵaı aýdandarynyń turǵyndaryn tegin medısınalyq qyzmetpen qamtý. Jobany «Samuryq-Qazyna» AQ kompanııalar tobynyń atynan «Samruk-Kazyna Trust» Áleýmettik jobalardy damy­tý qory Densaýlyq saqtaý mınıstr­li­giniń atsalysýymen júzege asyryp jatyr.

2019 jyldyń 20 tamyzynda «Densaýlyq» medısınalyq poıyzyna qosymsha «Járdem» mamandandyrylǵan medısınalyq poıyzy iske qosylǵan bolatyn. Bul «Densaýlyq» poıyzy sııaqty medısınalyq kómekke qoly jetpeıtin shalǵaıdaǵy stansalar men jaqyn ornalasqan aýyl­dar­dyń turǵyndaryna alǵash­qy medısınalyq-sanı­tar­lyq jáne konsýltatıvtik-dıag­nos­­tıkalyq kómek kórsetedi. «Járdem» medısınalyq poıyzy qazir Aqtóbe oblysyn aralaý­da. Eki poıyzdyń iske qosylý ýaqytynan bastap barlyǵy 40 479 adam tekseristen ótken.

Poıyz vagondary nemis jáne japon óndirisiniń aldyńǵy qatarly fırmalarynyń zamanaýı dıagnostıkalyq qural-jabdyqtarymen jabdyqtalǵan. Apparatýralar pasıentterge qajet bolǵan jaǵdaıda tolyq jalpy jáne bıohımııalyq taldaýlar jasaýǵa, rentgenografııa jáne flıýorografııadan ótýge, ishki organdarǵa jáne qan tamyrlaryna ÝDZ-zertteýler júrgizýge, elektrokardıogramma, gastrofıbroskopııa jasaýǵa jáne basqa da dıagnostıkalyq zertteý­ler júrgizýge múmkindik beredi.

 

«Egemen-aqparat»

 

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar