Aımaqtar • 22 Qazan, 2019

Aqtóbede iri kásipkerler ataýly áleýmettik kómek alǵan

39 retkórsetildi

Búgingi kúni el aımaqtarynda ataýly áleýmettik kómek berýge qatysty túıtkilder men birqatar jaǵdaılarda ony zańsyz tóleý kórinisteri tyıylmaı keledi. Memleket tarapynan tólenetin mundaı qarjylyq qoldaý túri kimderge tıesili ekeni arnaıy respýblıkalyq komıssııanyń sheshimimen bekitilgen. Soǵaı saı ataýly áleýmettik kómek negizigi úsh baǵyt boıynsha berilmek.

Iаǵnı ony alýǵa quqyly áleýmettik toptardyń tizbegin eń aldymen kópbalaly, tabysy az, turmysy tómen otbasylar quraıdy. Sonymen birge olarǵa kepildendirilgen áleýmettik paket jobasy aıasynda ózge de materıaldyq kómekter berý, osy arqyly kópbalaly otbasynda tárbıelenip júrgen balalardy kıim-keshekpen jáne azyq-túlikpen qamtý joldary qarastyrylǵan. Mundaǵy basty maqsat – kómekke shynaıy muqtaj adamdarǵa memleket tarapynan qoldaý kórsetý bolmaq.

Áıtse de Aqtóbe oblysynda tabysyn jasyryp, qujattaryn ózgertip, qaıta jasap, tegin ataýly áleýmettik kómekke qaryq bolyp júrgender qatary az bolmaı tur. Atap aıtqanda búgingi kúni dál osyndaı 3488 otbasy bar ekendigi belgili bolyp otyr. Áıteýir belgilengen normalarǵa sáıkes kelmegendikten sońǵy ýaqytta 1199 otbasyǵa ataýly áleýmettik kómek berý toqtatylypty. Sonymen birge 1804 otbasynyń kirisin qaıta esepteý jumystary júrgizilgen. Onyń nátıjesinde 144 otbasynan 13 mln teńge kólemindegi qarjy keri qaıtarylǵan.

О́ńir aýmaǵynda tabysyn jasyryp, áleýmettik kómek alǵandardyń qatarynda iri kásipkerler de bar bolyp shyqty. Aqtóbe oblysy ákiminiń orynbasary Marat Toǵjanovtyń qatysýymen ótken brıfıngte osyndaı derek qulaqtaryna shalynǵan kezde oǵan qatysýshylardyń talaıy jaǵalaryn ustady. О́tken jyldyń ahýalyn ańdasaq, mundaı toqsharlyq dertke tap bolǵandyrdyń ishinde taza kirisi men paıdasy 10 mln-nan asatyn 143 kásipker ataýly áleýmettik kómek alyp kelgenine kóz jetkizemiz. «Qýyrdaqtyń kókesin túıe soıǵanda kóresiń» degen halyq naqyly osyndaıda aıtylsa kerek. О́reskel zańsyzdyqqa jol berilgenin bylaı qoıǵanda munyń ózi azamattyq ar-ojdanǵa da úlken syn. Ekinshiden bul bıznesmenderge ataýly áleýmettiik kómekti berý qajet dep sheshken kezde bul ispen aınalysatyn komıssııa qaıda qaraǵan degen zańdy saýal týyndaıdy. Bul baǵytta aldaǵy ýaqytta atalǵan komıssııanyń qyzmetin shıratý men kúsheıtý qajettigi aıqyn kórinedi.

Aldaǵy 2020 jyldyń 1-qańtarynan bastap, elimizde ataýly áleýmettik kómek berýge qatysty birqatar ózgerister engiziletini baspasóz betterinde jarııalanǵany málim. Onyń basty bir eerekshiligi jańa joba qabyldanǵan jaǵdaıda kópbalaly otbasylar tabysynyń kólemi men deńgeıi qandaı ekendigine qaramastan memleketten beriletin járdemaqynyń tólene beriletini. Al tutastaı alǵanda joǵaryda atalǵan jaǵymsyz jáıtter óńirdegi ataýly áleýmettik kómek berý tártibine kóleńkesin túsire almaıdy deýge bolady.

Aıtalyq oblysta bıylǵy 2019 jyldyń 1-sáýirine deıin 14 565 adam, ıaǵnı 2799 otbasy ataýly áleýmettik kómek alyp kelse, búgingi kúni onyń sany 18 782 otbasyǵa kóterilgen. Iаǵnı 88 258 adam materıaldyq kómek alǵan. Sondaı-aq 2019 jyldyń 1-sáýirine deıin ataýly áleýmettik kómekke 266 700 000 tg tólense, qazirgi kúni onyń mólsheri 8,9 mıllıard tengege ulǵaıǵan. Iаǵnı jarty jyl ishinde óńirde ataýly áleýmettik kómek berýge qatysty qarjylandyrý kólemi alty eseden asyp túskeni shyn máninde bıik ósim ekeni anyq. Tek aldaǵy ýaqytta joǵaryda aıtylǵandaı teris is-áreketterge jol berilmegeni jón demekpiz.

 

AQTО́BE

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar