Prezıdent • 23 Qazan, 2019

Elbasy Takeo Kavamýramen kezdesti

57 retkórsetildi

Elbasy Japonııa Parlamentiniń Qazaqstan Respýblıkasymen dostyq lıgasynyń tóraǵasy Takeo Kavamýramen kezdesti. Bul týraly Qazaqstannyń Tuńǵysh Prezıdenti - Elbasy Nursultan Nazarbaevtyń baspasóz qyzmeti habarlady. 

Kezdesý barysynda Elbasy Japonııa parlamenttik dostyq lıgasynyń eki memleket arasyndaǵy yntymaqtastyqty nyǵaıtýǵa baǵyttalǵan qyzmetiniń nátıjelerin atap ótti.

-Premer-Mınıstr Sındzo Abeniń Qazaqstanǵa sońǵy sapary kezinde biz strategııalyq seriktestigimizdi edáýir nyǵaıttyq. Bizdiń ekonomıkalyq yntymaqtastyqta biraz ózgeris bar. Bul joly Úkimettiń shaqyrýymen Imperator Narýhıtonyń taqqa otyrý rásimine qatysý úshin keldim, - dedi Qazaqstannyń Tuńǵysh Prezıdenti.

Nursultan Nazarbaev Qazaqstan men Japonııa halyqtarynyń órkendeýi jolynda parlamentaralyq baılanystardy odan ári damytýdyń erekshe mańyzdylyǵyn atap ótti.

О́z kezeginde Takeo Kavamýra táýelsizdik jyldarynda Tuńǵysh Prezıdenttiń basshylyǵymen qol jetken Qazaqstannyń ósý qarqynyn oń baǵalady.

Sondaı-aq Japonııa parlamenttik dostyq lıgasynyń tóraǵasy Qazaqstanǵa jasaǵan sońǵy sapary jaıly jáne sapar aıasynda ótkizilgen kezdesýler týraly egjeı-tegjeıli aıtyp berdi.

Sońǵy jańalyqtar

Uqsas jańalyqtar