Sport • 31 Qazan, 2019

«Qaqtyǵysqa» toly qarasha

33 retkórsetildi

Qarasha aıynda Qazaqstannyń birqatar kásipqoı boksshysy ózderiniń reıtıngtik jáne túrli belbeýlerin qorǵaý úshin jekpe-jekter ótkizedi. Olar AQSh, Ulybrıtanııa, Germanııa jáne Reseı elderinde judyryqtasady. Jerlesterimizdiń qatysýymen ótetin sol jarystardy jankúıerler de taǵatsyzdana kútýde.

 

Tórtkúl dúnıe jankúıer­leri 2 qarashada reseılik Ser­geı Kovalev pen meksıkalyq Saýl Alvares arasyndaǵy jek­pe-jekti taǵatsyzdana kútip otyrǵany anyq. AQSh-tyń Las-Vegas qalasyndaǵy áı­gili Medıson Skver Garden kesheninde ótetin aıtýly boks ke­shinde orta salmaqtaǵy Meıi­rim Nursultanov Meksıkanyń taǵy bir óreni Krıstıan Olı­vaspen judyryqtasady.

Dál sol kúni Reseıdiń Eka­terınbýrg qalasynda ótetin týrnırde birinshi aýyr salmaqtaǵy Isa Aqperbaev sharshy alańǵa shyǵady. Onyń qarsylasy – Olımpıada jáne álem chempıo­ny, Eýropa birinshiliginiń eki dúr­kin jeńimpazy, reseılik Evgenıı Tıshenko. Rıo Olım­pıa­dasynyń fınalynda dál osy boksshy bizdiń Vasılıı Le­vıtti altynnan aıyrǵan bolatyn. Aqtyq aıqastyń aqyry daý-damaıǵa ulasyp, sol báse­kede tóreshiler ádiletsiz sheshim shyǵarǵany jaıyndaǵy áńgime áli kúnge deıin órbýde. 

9 qarashada úsh birdeı otandasymyz jarys kórigin qyz­dyrady. Atap aıtsaq, AQSh-tyń Fresno qalasynda orta sal­maqtaǵy asa daryndy boksshymyz Jánibek Álimhanuly Nıgerııada týyp-ósip, keıinnen Kanadanyń aza­mattyǵyn al­ǵan Albert Onolýnosemen aıqasady. Los-Andjelestegi keshte birinshi orta salmaqtaǵy Madııar Ásh­keev meksıkalyq Fernando Kastanedomen kúsh synasady. Al Germanııanyń Gambýrg qalasynda ótetin jarysta asa aýyr salmaqtaǵy Jan Ko­so­býskıı óner kórsetedi. Ne­mis jerinde ol horvatııalyq Agron Smakısımen sheberlik baıqasady.

22 qarashada Janqosh Tu­ra­rovqa jankúıer bolamyz. Jartylaı orta salmaq dáre­jesinde baq synaıtyn qan­da­symyz Londonda MTK Global kom­panııasynyń uıym­dastyrýmen ótetin Golden Contract týrnırindegi óziniń tusaýkeser kezdesýin ótkizedi. Aıtýly uıymnyń belgilegen sharty men talabyna saı ol óziniń qarsylasyn jarystyń ótýine tek bir apta ǵana ýaqyt qalǵanda bile alady.

Mine, qarasha aıynda ká­sip­qoı rıngte kúsh synasyp júrgen Qazaqstannyń bylǵary qolǵap sheberlerin osyndaı qyzyqty jekpe-jekter kútip tur. Aldaǵy básekelerde bizdiń jigitter óreli ónerlerimen óz jankúıerlerin qýantady degen oıdamyz.

Sońǵy jańalyqtar

Qujattary minsiz, isteri ónimsiz

Aımaqtar • Búgin, 12:47

Erjan Jylqybaev qyzmetinen bosatyldy

Qazaqstan • Búgin, 12:43

Fermerler mamanǵa zárý

Aımaqtar • Búgin, 12:24

Almaty-Mýmbaı áýe reısi ashylady

Qazaqstan • Búgin, 12:06

Abaı ánderi úndi elinde asqaqtady

Abaı • Búgin, 11:20

Dımash Qudaıbergen Krasnodarda konsert berdi

Rýhanııat • Búgin, 10:13

Xiaomi robottar ǵana isteıtin zaýyt salmaqshy

Tehnologııa • Búgin, 09:57

Elimizdegi eń jas qusbegi

Qoǵam • Búgin, 06:05

Aqqorǵan oqıǵasy

Tanym • Búgin, 05:50

Ulaǵatty ustaz ustyny

Rýhanııat • Búgin, 05:35

Stýdentter durys tamaqtana ma?

Qoǵam • Búgin, 05:30

Qarjy pıramıdasynyń qarmaǵy

Qoǵam • Búgin, 05:05

Saqtandyrý segmenti básekege daıyn ba?

Ekonomıka • Búgin, 05:01

Talpaq tanaý da tabys kózi

Ekonomıka • Búgin, 05:00

Alyp tıin tórge ozdy

Aımaqtar • Keshe

18,6 mıllıonǵa jettik

Qazaqstan • Keshe

Uqsas jańalyqtar