Medısına • 01 Qarasha, 2019

Medısınalyq saqtandyrý memleketke de, qyzmet kórsetýshilerge de, pasıentterge de tıimdi

89 retkórsetildi

Búginde elimizde 2020 jyldan bastap engiziletin Mindetti áleýmettik medısınalyq saqtandyrý júıesine ázirlik jan-jaqty júrgizilýde. Saqtandyrý medısınasy azamattyń tapqan tabysyna, aýdarǵan jarna kólemine qaramastan medısınalyq kómektiń barlyq túrin alýyna múmkindik beredi. Onyń ishinde josparly stasıonarlyq kómek te, dári-dármekpen qamtý da, joǵary mamandandyrylǵan medısınalyq qyzmet túrleri men ońaltý da, dıagnostıkalyq-konsýltasııalyq kómek te, medbıke kútimi men pallıatıvtik kómek te bar. Meniń oıymsha, bul Qazaqstanǵa tıimdi jáne ádil úlgi.

MÁMS júıesinde bizdiń me­dı­sınalyq qyzmet aqysyz medısınalyq qyzmetterdi ǵana emes, sonymen qatar medısınalyq kómektiń keń spektrin qamtıtyn eki tolyq paketti – saqtandyrý jáne kepildendirilgen tegin me­dısınalyq kómekti usyna alady. Saqtandyrý mártebesine qara­mastan, adamdar ýchaskelik dárigerlermen aqysyz baılanysa alady jáne jedel medısınalyq kómek ala alady.

Júrek-qan tamyrlary aýrýlary, qoǵam úshin qaýipti aýrýlar, AQTQ, týberkýlez sııaq­ty ambýlatorııalyq-epı­de­­mıologııalyq negizde basqa­rylatyn ınfeksııalyq emes sozylmaly aýrýlary bar, mysaly, qant dıabeti, astma sııaqty áleýmettik máni bar naýqastarǵa medısınalyq kómektiń tolyq spek­tri kórsetiledi. Aqysyz paket halyqtyń kóp bóligin qam­tıdy jáne qazirgi kezde bizde jo­ǵary ólim men múgedektikke dý­shar etetin barlyq aýrýdy em­deýge kepildik beredi. Muny adamgershilikke, pasıentke baǵyttalǵan tásil dep sanaımyn jáne qazaqstandyq medısınalyq saqtandyrý júıesiniń úlken artyqshylyǵy dep bilemin.

Saqtandyrý paketine ambý­lato­rııalyq-emhanalyq kómek, bastapqy medısınalyq-sanıtar­lyq kómek mamanynyń jáne beıindi mamandardyń jolda­masy boıynsha bastapqy me­dı­sınalyq-sanıtarlyq kó­mek, konsýltasııalyq-dıagnostıka­lyq­ kómek keńesteriniń keń spek­tri, dárigerdiń resepti bo­ıynsha ambýlatorııalyq dári-dár­mekpen qamtamasyz etý, josparly sta­sıo­narlyq kómek, joǵary teh­nologııalyq medısınalyq qyz­metterdi qosa alǵanda emdeý­ge jatqyzý josparlanǵan jaǵdaı­lar, shuǵyl kórsetimder, stasıo­nardy almastyratyn kómek, ońal­tý qyzmetteri kiredi.

Turǵyndar, birinshiden, min­detti áleýmettik medısınalyq saqtandyrý arqyly tańdaǵan kez kelgen emhanadan medısınalyq kómek ala alady; ekinshiden, tegin medısınalyq kómektiń kepil­dendirilgen kólemi jáne mindetti áleýmettik medısınalyq saqtan­dyrý paketteri sheńberinde qa­ras­tyrylǵan medısınalyq kó­mekke jumsalatyn qosymsha tólem­derdiń barlyq túrinen bosa­tylady; úshinshiden, sapasyz qyzmet kórsetilgen nemese min­detti áleýmettik medısı­na­lyq saqtandyrýǵa qatysýshy re­tinde quqyqtary buzylǵan jaǵ­­daıda Qor saqtandyrylǵan aza­mat­tardyń quqyqtary men múd­delerin qorǵaıdy. Tórtin­shiden, MÁMS júıesin engizý kórsetiletin medısınalyq kó­mek­tiń sapasyn jaqsartýǵa múm­kindik beredi.

«Sana Vita Clinic» JShS me­dı­sınalyq mekemesi – áleý­met­tik saqtandyrý qorynyń qyz­met­terin jetkizýshilerdiń biri. Qazaq­­stannyń barlyq óńirinde 15 qyrkúıek pen 15 qarasha ara­lyǵynda tirkeý naýqany ót­kizildi. Qazir bul mekemeni tań­daǵan adamdar aıtarlyqtaı kóp. Atap aıtqanda, klınıka boıynsha tirkeýde 11900 adam tursa, sonyń ishinde bıyl óz erkimen tir­keýge turǵan adam sany – 2493, eresekter – 1078, 18 jasqa deıin­gi balalar sany – 1415 jandy qurady.

Meniń atalǵan mekemede eń­bek etke­nime 12 jyldan asty, kóp­te­gen ózgerister kórdik, qan­sha­ma júıelermen jumys jasa­dyq. Búginde biz keshendi medı­sı­nalyq aqparattyq júıege aýys­tyq. Bul pasıentter týraly bar­lyq derekterdiń, olardyń dıag­nozdary men taǵaıyndalǵan dári-dármekter men prosedýra­lary biryńǵaı derekqorda saqtalatynyn bildiredi. Osy ar­qyly MÁMS júıesin engizý ońaıy­raq bolady dep oılaı­myn. Qazir medısınalyq qyz­met­kerlerimiz TMKK jáne MÁMS qyzmetterin kórsetý máse­le­leri boıynsha aqparattyq-túsin­dirý jumystaryn turaqty túr­de júrgizýde. Iаǵnı MÁMS júıe­sinde jumys isteýge daıynbyz desem bolady. О́ıtkeni MÁMS júıesi engizilgen soń, medısınada kóp ózgeris bolatynyna senimdimin. Jańa júıeniń engizi­lýimen medısınalyq qyzmetter naryǵynda oıyn erejeleri ózgerýi kerek. Júıedegi qatynas­tardyń sıpaty ártúrli bola­dy: memlekettik jáne jeke klı­nı­kalar klıentter úshin medı­sınalyq qyzmetterdi satyp alý­­shymen salystyrmaly túrde teń dárejede básekelesedi, sonymen qatar olardyń sapasyn baqylaıdy. MÁMS júıesin engizýdiń paıdasyn medısına qyzmetkerleri, medısınalyq uıymdar, turǵyndar jáne memleket te kóredi dep senemiz.

 

Záýre HARAShAEVA,

Nur-Sultan qalasyndaǵy «Sana Vita Clinic» JShS jekemenshik klınıkasy basshysynyń orynbasary

 

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar