Qoǵam • 01 Qarasha, 2019

Qarjy mınıstrliginiń sıfrlyq jańashyldyqtar jospary týraly aıtyldy

19 retkórsetildi

QR qarjy vıse-mınıstri Rýslan Eńsebaev Úkimette ótken baspasóz konferensııasynda salyq tólengen kezinde belgili bir paıyzyn salyq tóleýshige qaıtarýdy kózdeıtin, tólem kartalaryn nemese fıskaldyq chekter alýmen qolma-qol aqshany paıdalanýǵa yntalandyratyn mehanızm ázirlenip jatqandyǵy týraly aıtyp berdi. Bul týraly primeminister.kz habarlady. 

R. Eńsebaev salyqtyq bonýstar tóleýshilerge mindetti túrde chek alýǵa jaqsy motıvasııa bolatynyn atap ótti.

«0,5% – salyq bonýsy. Biz bul másele boıynsha áli jumys istep jatyrmyz. Álemdik tájirıbe kórsetkendeı, bul tıimdi mehanızm. Biz qazir josparlap otyrmyz, kelesi jyly biz ony pılottyq joba retinde oryndaımyz jáne múmkin bolsa 2021 jyldan bastap bul sheshimdi aýqymdy túrde qoldanamyz», — dedi vıse-mınıstr.

Onyń aıtýynsha, salyqtyq bonýs halyqty tólem kartalary arqyly nemese fıskaldy chekter alýmen qolma-qol aqshamen tóleýge yntalandyrýǵa jol ashady, osylaısha, salyq organdary kásipkerler men kompanııalardyń barlyq aınalymyn kóre alatyn bolady.

«Bul ekojúıeniń ekijaqty bolýynyń mańyzy óte zor, turǵyndardy yntalandyrý úshin chekterdi berýdi talap etýmen shektelmeýi tıis. О́ıtkeni salyq ınspektorlarynyń ózderi osy aýqymdy salyq prosesin ákimshilendire almaıdy, sondyqtan adamdar satýshylardan chekterdi talap etýge múddeli bolady. Chekte satyp alý baǵasy týraly barlyq aqparat qamtylady. Biz qazir bul qunnyń qansha bóligi jeke kabınetke, salyq ámııanyna túsetinin pysyqtap jatyrmyz, biz muny ázirleýdemiz, sizder satyp alýshy retinde de, azamattar retinde de salyqty nemese basqa da tólemder men aıyppuldardy tóleý esebine paıdalanýǵa bolatyn ózińizge belgili bir somanyń qalaı túsip jatqanyn kóretin bolasyzdar», — dep túsindirdi ol. 

R. Eńsebaev atap ótkendeı, bul prosess avtomatty túrde jolǵa qoıylatyn bolady.

«Biz únemi adam óziniń salyq nemese aıyppul qaryzy bar ekenin bilmeı qaldy, sondyqtan barmady, al onyń esepshoty buǵattaldy dep aıtamyz. Biz osyndaı aqparatty jınaqtaıtyn ıntellektýaldy júıeni jasap jatyrmyz, ıaǵnı baǵasy satyp alýlarǵa baılanysty jáne aıyppul paıda bolsa, ol avtomatty túrde tólenetin bolady», — dedi vıse-mınıstr.

Sonymen qatar, qarjy vıse-mınıstri 0,5% degen mólsherdiń aldyn ala esepteýler boıynsha ǵana ekenin aıtty. Bul tetikke ózgerister men tolyqtyrýlar engiziledi dep kútilýde.

«Biz taǵy da túrli tolyqtyrýlar engizýdi kózdep otyrmyz. Otandyq óndirýshiler de osy júıege qosylýǵa túrli qyzyǵýshylyqtar tanytyp otyr. Olar múmkin, qosymsha bonýstar beretin bolady», — dep qosty R. Eńsebaev.

Sońǵy jańalyqtar

Atyraýlyqtar taǵy da úzdikter qatarynda

Aımaqtar • Búgin, 19:19

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Uqsas jańalyqtar