Ekonomıka • 04 Qarasha, 2019

11 áýejaıǵa «Ashyq aspan» rejimi engizildi

27 retkórsetildi

Memleket basshysy Q.Toqaev halyqqa arnaǵan Joldaýyn­da ushaq bıletiniń qymbattyǵyn synǵa alǵany belgili. «Elordany álemniń iri qalalarymen jáne halyqaralyq qarjy ortalyqtarymen tikeleı reıs arqyly baılanystyrý óte mańyzdy. Basqasha aıtqanda, «ashyq aspan» júıesin ashý kerek. Bul meniń Úkimetke bergen tapsyrmam. Qorqatyn eshteńe joq, bir kompanııaǵa qaraýdyń qajeti joq» degen bolatyn Prezıdent.

 

Memleket basshysynyń synynan keıin kóp uzamaı In­dýstrııa jáne ınfraqurylymdyq damý mınıstrligi bılet baǵa­syn arzandatý sharalary qa­byldanatyny týraly habarla­dy. Al 1 qarashadan bastap eli­miz­degi eń iri degen 11 áýejaı­da «ashyq aspan» rejimi iske qosyldy.

– 1 qarashadan bastap Nur-Sultan, Almaty, Shymkent, Aq­taý, Qaraǵandy, О́skemen, Pavlodar, Kókshetaý, Taraz, Petropavl, Semeı qalalarynyń áýejaılarynda reısterdiń sanyn shekteý alynyp tastaldy. Qazaqstandyq tasymaldaýshylar ushpaıtyn baǵyttar bo­ıynsha sheteldik kompanııalarǵa 5-dárejeli «aspan erkindigin» usyný qarastyrylǵan «ashyq aspan» rejimi engizildi, – dep habarlady Indýstrııa jáne ınf­raqurylymdyq damý mınıstr­liginiń baspasóz qyzmeti.

Sheteldik áýe kompanııa­larynyń Qazaqstandaǵy iri qa­la­larǵa jasaıtyn marshrýttaryn keńeıte túsetin rejim 3 jyl merzimdi qamtıdy. Odan keıin de uzartý múmkindigi qa­ras­­­tyrylǵan. Endi ushý baǵyt­­tary men ony júzege asyra­tyn kom­panııalardyń qatary kób­e­ıip, otandyq áýe tasymaly na­ryǵynda básekelestik kúsheıip, bılet baǵasy da arzandaýǵa tıis.

Jalpy, «ashyq aspan» reji­min engizý týraly usynys­tyń talqylanyp kele jatqa­ny­na birneshe jyl boldy. Ony Nur-Sultan qalasyndaǵy áýejaıǵa engizý tájirıbesi de bar. Eń alǵash 2017 jyly EXPO-2017 halyqaralyq kór­mesine oraı 10 maýsym men 10 qyrkúıek aralyǵynda elorda áýejaıynda «ashyq aspan» qanatqaqty rejimi engizildi. Sóıtip sheteldik kompanııa­lar Nur-Sultanǵa aptasyna 7 reıs­ke deıin qatynaýǵa múmkindik aldy. Bul shara kórmege týrıs­ter tartý úshin qabyldanǵan-dy. Sol arqyly birneshe aı ishin­de sheteldik tasymaldaýshylar elordadan Varshava, Helsınkı, Beıjiń, Batýmı baǵytynda aptasyna birneshe márte usha bas­tady. Otandyq kompanııalar da Kıev, Sıan, Erevan, Batý­mı syn­dy jańa baǵyttardy ba­ǵyn­dyrdy. Qanatqaqty rejim jaq­sy nátıje kórsetken soń tıisti mı­nıstr­lik onyń merzimin uzartý­ǵa sheshim qabyldaǵan bolatyn.

Endi mine, «ashyq aspan» eldiń 11 áýejaıynda bir mezgilde iske qosylyp otyr. Indýstrııa jáne ınfraqurylymdyq damý mınıstrligi Azamattyq avıasııa komıtetiniń derekteri bo­ıynsha Omannyń avıasııalyq bıligimen kelissózder júrgizýi­niń nátı­jesinde Salam Air avıa­kompanııa­sy Maskattan Almatyǵa deıin áýe dálizin ashýdy josparlaý­da. Qazaqstandyq Air Astana bol­sa, keler jyldyń birinshi toqsanynda Jıddaǵa aptasyna 3 ret qatynaı basta­maq. SCAT avıakompanııasy 30 qarashadan bastap Jıdda men Mádınaǵa aptasyna eki reıs oryndaıtyn bolady.

Mınıstrliktiń baspasóz qyz­metiniń habarlaýynsha, Aza­mat­tyq avıasııa komıteti Azııa­daǵy iri loýkoster sanalatyn Malaızııanyń Air Asia kompanııasymen, dúnıe júzindegi eń iri áýe kompanııalarynyń biri, sıngapýrlyq Singapore Airlines-pen, Reseıdiń «Ýralskıe Avıalınıı» kompanııasymen kelissózder júrgizdi.

– «Ýralskıe Avıalınıı» 22 jeltoqsannan Ekaterınbýrg – Almaty baǵytynda qatynaı bastaıdy. Polshanyń LOT kompanııasymen kelisim jasalyp, ol 2020 jyldyń jazynan Varshavadan Nur-Sultanǵa jasalatyn reıs sanyn aptasyna 7 mártege deıin arttyratyn boldy. Oǵan qosa LOT 2021 jyldan bastap Almaty baǵytynda reıs ashady, – dep habarlady mınıstrliktiń baspasóz qyzmeti. Qazaqstandyq bıýdjetti tasymaldaýshy Fly Arystan 13 jeltoqsannan bastap elordadan Máskeýge kún saıyn reıs oryndaıtynyn da aıta keteıik.

Jýyq arada Qatardyń Qatar Airways avıakompanııasymen, Birikken Arab Ámirliginiń Emirates, Fly Dubai avıakompanııa­larymen ushý baǵyttary boıynsha jańa marshrýttardy ashý maq­satynda kezdesýler ótpek.

Sóz basynda aıtyp ótke­nimizdeı, «ashyq aspan» re­jimi elimizdiń áýe tasymaly nary­ǵyna jańa sheteldik tasymal­daýshylardy tartýǵa, sóıtip bul naryqta básekelestik or­natý­ǵa yqpal etýge tıis. Jańa halyq­­aralyq marshrýttar ashy­lyp, avıabıletterdiń quny tó­mendep, áýe kóliginiń halyq­qa qoljetimdiligin arttyrady, sonymen qatar týrızmniń damýy­na oń yqpal etedi. Shetel­dik kom­panııalardyń Qazaq­stan áýe­jaı­lary arqyly basqa elderge ushýy elimizdiń tranzıt­tik áleýetin nyǵaıtady dep kútilýde.

Sońǵy jańalyqtar

Dárigerlerge sertıfıkattar tabystaldy

Aımaqtar • Búgin, 09:52

Qaraǵandyda resýrstyq ortalyq ashyldy

Aımaqtar • Búgin, 09:45

Túrkistanda isker áıelder forýmy ótti

Aımaqtar • Búgin, 09:20

Ǵylym men bıznesti ushtastyrǵan jıyn

Ekonomıka • Búgin, 09:05

Qonaev týrnıri máresine jetti

Kúres • Búgin, 07:49

Aqynǵa arnalǵan kún

Rýhanııat • Búgin, 07:46

Qalany damytý qujaty daıyn

Aımaqtar • Búgin, 07:43

Innovasııa men shyǵarmashylyq úılesimi

Rýhanııat • Búgin, 07:31

Baspanamen qamtıtyn basty qujat

Baǵdarlamalar • Búgin, 07:23

Bolmysy bútin Baǵaev

100 • Búgin, 07:19

Bıznes jáne áleýmettik jaýapkershilik

Ekonomıka • Búgin, 07:13

Er Edige jáne eldik múdde

Rýhanııat • Búgin, 07:11

Temekiniń taýqymeti

Medısına • Búgin, 07:05

Aqtóbe ınvestısııa tartýdan alda tur

Ekonomıka • Búgin, 07:04

Arzan jolaqy Almatyǵa aýyr tıip tur

Ekonomıka • Búgin, 07:01

Jetimniń basynan sıpa, júregiń jumsarady

Rýhanııat • Búgin, 06:58

Taýar aınalymyna tosqaýyl bolmaýy tıis

Ekonomıka • Búgin, 06:54

Eń qysqa áńgime. Oljas Sándibek

Eń qysqa áńgime • Keshe

Eń qysqa áńgime. Talǵat Eshenuly

Eń qysqa áńgime • Keshe

Eń qysqa áńgime. Nurdáýlet Qabasov

Eń qysqa áńgime • Keshe

Eń qysqa áńgime. Ǵanıbet Ǵalymbekuly

Eń qysqa áńgime • Keshe

Eń qysqa áńgime. Ermek Begzada

Eń qysqa áńgime • Keshe

Eń qysqa áńgime. Nurnazar Túrikben

Eń qysqa áńgime • Keshe

Uqsas jańalyqtar