Parlament • 04 Qarasha, 2019

Bıýro otyrysy ótti

69 retkórsetildi

Jıynda Parlament Senatynyń 7 qarashada bolatyn otyrysynyń kún tártibi belgilendi. Bul týraly Parlament Senatynyń baspasóz qyzmeti habarlady.

Palata otyrysynda «Qazaqstan Respýblıkasy men Ýkraına arasyndaǵy ekstradısııalaý týraly shartty ratıfıkasııalaý týraly» «1994 jylǵy 15 sáýirdegi Keden isterindegi yntymaqtastyq jáne ózara kómek týraly kelisimge ózgerister engizý týraly hattamany ratıfıkasııalaý týraly» «Qazaqstan Respýblıkasynyń keıbir zańnamalyq aktilerine memlekettik qyzmetter kórsetý máseleleri boıynsha ózgerister men tolyqtyrýlar engizý týraly» zań jobalary qaralady.

Bıýroda Májilis maquldaǵan zań jobalary komıtetterge bólinip berildi.

«Qazaqstan Respýblıkasy men Mońǵolııa arasyndaǵy sottalǵan adamdardy berý týraly shartty ratıfıkasııalaý týraly» zań jobasy boıynsha Konstıtýsııalyq zańnama, sot júıesi jáne quqyq qorǵaý organdary komıteti bas komıtet bolyp belgilendi.

«Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy áskerı yntymaqtastyq týraly kelisimdi ratıfıkasııalaý týraly» zań jobasy Halyqaralyq qatynastar, qorǵanys jáne qaýipsizdik komıtetine berildi.

Senat Josparyna sáıkes 29 qarashada «Qazaqstannyń sý qaýipsizdigi: jaǵdaıy, problemalar jáne usynystar» taqyryby boıynsha parlamenttik tyńdaý ótetin boldy. Parlamenttik tyńdaýlardy ótkizý Parlament Senatynyń Halyqaralyq qatynastar, qorǵanys jáne qaýipsizdik komıtetine júkteldi. Bıýro músheleri osy máselege baılanysty sý qaýipsizdigin qamtamasyz etýdegi asa mańyzdy máseleler boıynsha óz pikirlerin bildirdi.

Senat Tóraǵasy memlekettik jáne jeke menshik sý qoımalary úshin biryńǵaı talaptar men standarttar bolýy tıis ekenin atap ótti. «Jeke menshik sý qoımalary memlekettik sý qoımasy deńgeıinde baqylanýy tıis. Olarǵa qoıylatyn talaptar men standarttar qandaı, olardy memlekettik organdar olardy sońǵy ret qashan tekserdi?», - dedi D.Nazarbaeva. Senator Muhtar Qul-Muhammed Qyzylaǵashtaǵy qaıǵyly oqıǵany mysalǵa keltirdi. Onda bógettiń buzylýy saldarynan 45 adam qaza tapqan bolatyn. «Ony jekeshelendirgennen keıin menshik ıesi birde-bir tıyn salǵan joq. Gıdrotehnıkalyq jeke qurylystardyń ıelerine eshqandaı standarttar belgilenbegen», - dep atap ótti Halyqaralyq qatynastar, qorǵanys jáne qaýipsizdik komıtetiniń tóraǵasy. Darıǵa Nazarbaeva osyǵan baılanysty sý qaýipsizdigin qamtamasyz etý salasyndaǵy qazirgi zańdardy, normatıvterdi jáne standarttardy muqııat zerdeleýdi jáne olardy jetildirýge oraı usynystar ázirleýdi tapsyrdy.

Bıýro otyrysynda sondaı-aq Senat komıtetterinde qaralyp jatqan úshjyldyq bıýdjet te talqylandy. Darıǵa Nazarbaeva sóz sózinde «Bıýdjettiń ıgerilýine qatysty únemi kóp syn aıtylatyny barshamyzǵa málim. Respýblıkalyq bıýdjettiń durys qalyptasýy men oryndalýyna tek qana Úkimet pen atqarýshy organdar emes, depýtattar da jaýapty dep esepteımin. О́ıtkeni, bul zańdy qabyldaıtyn – Parlament. Sondyqtan, barlyq komıtetterge osy mańyzdy qujatty memlekettik kózqaraspen, muqııat, jan-jaqty qaraýdy tapsyramyn», - dedi Darıǵa Nazarbaeva.

Salalyq komıtettiń tóraǵasy Olga Perepechına qazir jumys toptarynda úsh jyldyq bıýdjetti talqylaý ótip jatqanyn aıta kelip, Qarjy jáne bıýdjet komıtetiniń keńeıtilgen otyrysy 21 qarashada bolatynyn jáne zań jobasy odan keıin Palatanyń qaraýyna beriletinin jetkizdi.

Joǵarǵy palata Tóraǵasy Senat materıaldary boıynsha úzdik jýrnalıstik zertteý konkýrsynyń jáne ekologııalyq jýrnalıstıka konkýrsynyń bastalǵandyǵy týraly Bıýro múshelerin habardar etti.

«Konkýrstardyń maqsaty – jýrnalıst mamandyǵy týraly keńinen nasıhattaý jáne bedelin arttyrý, «jýrnalıstik zertteý» janryn damytý, Senattyń qyzmeti týraly halyqtyń habardar bolý deńgeıin ulǵaıtý, ekologııa salasyndaǵy zańnamany jetildirý, jýrnalısterdi kótermeleý», - dedi D.Nazarbaeva.

Sońǵy jańalyqtar

Qujattary minsiz, isteri ónimsiz

Aımaqtar • Búgin, 12:47

Erjan Jylqybaev qyzmetinen bosatyldy

Qazaqstan • Búgin, 12:43

Fermerler mamanǵa zárý

Aımaqtar • Búgin, 12:24

Almaty-Mýmbaı áýe reısi ashylady

Qazaqstan • Búgin, 12:06

Abaı ánderi úndi elinde asqaqtady

Abaı • Búgin, 11:20

Dımash Qudaıbergen Krasnodarda konsert berdi

Rýhanııat • Búgin, 10:13

Xiaomi robottar ǵana isteıtin zaýyt salmaqshy

Tehnologııa • Búgin, 09:57

Elimizdegi eń jas qusbegi

Qoǵam • Búgin, 06:05

Aqqorǵan oqıǵasy

Tanym • Búgin, 05:50

Ulaǵatty ustaz ustyny

Rýhanııat • Búgin, 05:35

Stýdentter durys tamaqtana ma?

Qoǵam • Búgin, 05:30

Qarjy pıramıdasynyń qarmaǵy

Qoǵam • Búgin, 05:05

Saqtandyrý segmenti básekege daıyn ba?

Ekonomıka • Búgin, 05:01

Talpaq tanaý da tabys kózi

Ekonomıka • Búgin, 05:00

Alyp tıin tórge ozdy

Aımaqtar • Keshe

18,6 mıllıonǵa jettik

Qazaqstan • Keshe

Uqsas jańalyqtar